| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
бан̃жаваг̇г̇ияагат̇ааван̣н̣анаа
Pañcavaggiyakathāvaṇṇanā
10. аал̣аарод̇и наамам̣. гаалаамод̇и г̇од̇д̇ам̣. бхаг̇авад̇оби ко н̃аан̣ам̣ уд̣̇абаад̣̇ийд̇и гим̣ ид̣̇аанзва уд̣̇абаад̣̇и, нану б̣од̇химуулз д̇згаалигаа, гаалавинимуд̇д̇аа жа саб̣б̣з д̇хаммаа саб̣б̣аагаарад̇о д̣̇идтаад̇и? сажжам̣ д̣̇идтаа, д̇ат̇ааби наамаад̣̇ивасзна авигаббид̇аа згажид̇д̇агкан̣игад̇д̇аа саб̣б̣ан̃н̃уд̇ан̃н̃аан̣асса. на хи згзна жид̇д̇зна саб̣б̣ад̇хаммаанам̣ наамаж̇аад̇иаад̣̇игам̣ бажжзгам̣ ананд̇ам̣ вибхааг̇ам̣ вигаббзд̇ум̣ саггаа вигаббаанам̣ вируд̣̇д̇хаанам̣ сахаануббад̇д̇ид̇о, саб̣б̣авигаббаарахад̇хаммад̣̇ассанамзва банаанзна саггаа гаад̇ум̣. яат̇аа д̣̇идтзсу бана яат̇ижчид̇аагаарам̣ аараб̣бха вигаббо уббаж̇ж̇ад̇и жагкувин̃н̃аан̣зна д̣̇идтз жид̇д̇абадз вияа. ид̇хааби аал̣аарам̣ ниссааяа ааваж̇ж̇анаананд̇арамзва саб̣б̣аагааран̃аан̣ам̣ уд̣̇абаад̣̇и. на гзвалан̃жа д̇ам̣, ат̇а ко бан̃жаваг̇г̇ияаа зва батамам̣ д̇хаммам̣ ж̇ааниссанд̇и, д̇аббамукаа жа д̣̇звад̇аа, аал̣ааро гаалам̣ гад̇ваа аагин̃жан̃н̃ааяад̇анз, уд̣̇аго жа нзвасан̃н̃аанаасан̃н̃ааяад̇анз ниб̣б̣ад̇д̇од̇и звамаад̣̇игам̣ саб̣б̣амби ниссааяа н̃аан̣ам̣ уббаж̇ж̇ад̇и зва. д̇ам̣ бана кан̣асамбад̇д̇ияаа д̣̇уллабхабхаавам̣ д̣̇ассзд̇ум̣ гамзна ологзд̇ваа д̣̇звад̇ааяа вуд̇д̇з н̃аан̣ам̣ вияа гад̇ваа вуд̇д̇ам̣. сад̣̇д̣̇аг̇ад̇ияаа хи б̣анд̇хад̇д̇аа згзна н̃аан̣зна н̃аад̇амби вужжамаанам̣ гамзна н̃аад̇ам̣ вияа бадибхаад̇и, д̣̇звад̇ааби жа бхаг̇авад̇аа н̃аад̇амзвад̇т̇ам̣ аарожзси. д̇знзва ‘‘бхаг̇авад̇оби ко н̃аан̣ам̣ уд̣̇абаад̣̇ий’’д̇и вуд̇д̇анд̇и д̣̇адтаб̣б̣ам̣. зваман̃н̃ад̇т̇ааби ийд̣̇исзсу ‘‘логам̣ вологзнд̇о асугам̣ ад̣̇д̣̇аса, д̇ад̇т̇а маяи г̇ад̇з гим̣ бхависсад̇ий’’д̇и звамаад̣̇инаа сад̇т̇у хид̇зсид̇аасанд̣̇ассанавасаббавад̇д̇зсу. саб̣б̣ад̇т̇а важанаг̇ад̇ияам̣ гамавуд̇д̇ид̇з бан̃н̃ааяамаанзби згзнзва н̃аан̣зна сагалааваб̣од̇хо взд̣̇ид̇аб̣б̣о. б̣ахугаараа ко мз бан̃жаваг̇г̇ияаад̇и убагаарассааби виж̇ж̇амаанад̇ам̣ санд̇хааяа вуд̇д̇ам̣, на бана д̇хаммад̣̇зсанааяа гааран̣ад̇д̇зна анубагаараанамби д̣̇зсанад̇о.
10.Āḷāroti nāmaṃ. Kālāmoti gottaṃ. Bhagavatopi kho ñāṇaṃ udapādīti kiṃ idāneva udapādi, nanu bodhimūle tekālikā, kālavinimuttā ca sabbe dhammā sabbākārato diṭṭhāti? Saccaṃ diṭṭhā, tathāpi nāmādivasena avikappitā ekacittakkhaṇikattā sabbaññutaññāṇassa. Na hi ekena cittena sabbadhammānaṃ nāmajātiādikaṃ paccekaṃ anantaṃ vibhāgaṃ vikappetuṃ sakkā vikappānaṃ viruddhānaṃ sahānuppattito, sabbavikappārahadhammadassanameva panānena sakkā kātuṃ. Yathā diṭṭhesu pana yathicchitākāraṃ ārabbha vikappo uppajjati cakkhuviññāṇena diṭṭhe cittapaṭe viya. Idhāpi āḷāraṃ nissāya āvajjanānantarameva sabbākārañāṇaṃ udapādi. Na kevalañca taṃ, atha kho pañcavaggiyā eva paṭhamaṃ dhammaṃ jānissanti, tappamukhā ca devatā, āḷāro kālaṃ katvā ākiñcaññāyatane, udako ca nevasaññānāsaññāyatane nibbattoti evamādikaṃ sabbampi nissāya ñāṇaṃ uppajjati eva. Taṃ pana khaṇasampattiyā dullabhabhāvaṃ dassetuṃ kamena oloketvā devatāya vutte ñāṇaṃ viya katvā vuttaṃ. Saddagatiyā hi bandhattā ekena ñāṇena ñātampi vuccamānaṃ kamena ñātaṃ viya paṭibhāti, devatāpi ca bhagavatā ñātamevatthaṃ ārocesi. Teneva ‘‘bhagavatopi kho ñāṇaṃ udapādī’’ti vuttanti daṭṭhabbaṃ. Evamaññatthāpi īdisesu ‘‘lokaṃ volokento asukaṃ addasa, tattha mayi gate kiṃ bhavissatī’’ti evamādinā satthu hitesitāsandassanavasappavattesu. Sabbattha vacanagatiyaṃ kamavuttite paññāyamānepi ekeneva ñāṇena sakalāvabodho veditabbo. Bahukārā kho me pañcavaggiyāti upakārassāpi vijjamānataṃ sandhāya vuttaṃ, na pana dhammadesanāya kāraṇattena anupakārānampi desanato.
11. анд̇араа жа г̇аяам̣ анд̇араа жа б̣од̇хинд̇и г̇аяааяа, б̣од̇хисса жа анд̇арз д̇иг̇аавуд̇з таанз.
11.Antarā ca gayaṃ antarā ca bodhinti gayāya, bodhissa ca antare tigāvute ṭhāne.
саб̣б̣аабхибхууд̇и саб̣б̣ам̣ д̇збхуумагад̇хаммам̣ абхибхавид̇ваа тид̇о. ануубалид̇д̇од̇и гилзсалзбзна алид̇д̇о. д̇ад̇о зва саб̣б̣ан̃ж̇ахо. д̇ан̣хагкаяз вимуд̇д̇од̇и д̇ан̣хагкаяз ниб̣б̣аанз аарамман̣агаран̣авасазна вимуд̇д̇о. звам̣ саяам̣ саб̣б̣ад̇хаммз ад̇д̇анаава ж̇аанид̇ваа. гамуд̣̇д̣̇исзяяанд̇и гам̣ ан̃н̃ам̣ ‘‘аяам̣ мз аажарияо’’д̇и уд̣̇д̣̇исзяяам̣.
Sabbābhibhūti sabbaṃ tebhūmakadhammaṃ abhibhavitvā ṭhito. Anūpalittoti kilesalepena alitto. Tato eva sabbañjaho. Taṇhakkhaye vimuttoti taṇhakkhaye nibbāne ārammaṇakaraṇavasaena vimutto. Evaṃ sayaṃ sabbadhamme attanāva jānitvā. Kamuddiseyyanti kaṃ aññaṃ ‘‘ayaṃ me ācariyo’’ti uddiseyyaṃ.
гаасинам̣ буранд̇и б̣аараан̣асим̣. аахан̃чанд̇и ааханиссаами. амад̇аад̇хиг̇амааяа уг̇гхосанад̇о амад̇ад̣̇унд̣̇убхинд̇и сад̇т̇у д̇хаммад̣̇зсанаа вуд̇д̇аа, ‘‘амад̇абхзрим̣ бахариссаамий’’д̇и г̇ажчаамийд̇и ад̇т̇о.
Kāsinaṃ puranti bārāṇasiṃ. Āhañchanti āhanissāmi. Amatādhigamāya ugghosanato amatadundubhinti satthu dhammadesanā vuttā, ‘‘amatabheriṃ paharissāmī’’ti gacchāmīti attho.
арахаси ананд̇аж̇инод̇и ананд̇аж̇иноби бхавид̇ум̣ яуд̇д̇од̇и ад̇т̇о. ананд̇ан̃аан̣ад̇ааяа ананд̇о ж̇ино жа, ананд̇зна ваа н̃аан̣зна, ананд̇ам̣ ваа д̣̇осам̣ ж̇ид̇аваа, уббаад̣̇аваяанд̇арахид̇ад̇ааяа ваа ананд̇ам̣ ниб̣б̣аанам̣ аж̇ини гилзсаараяо мад̣̇д̣̇ид̇ваа г̇ан̣хийд̇иби ананд̇аж̇ино.
Arahasi anantajinoti anantajinopi bhavituṃ yuttoti attho. Anantañāṇatāya ananto jino ca, anantena vā ñāṇena, anantaṃ vā dosaṃ jitavā, uppādavayantarahitatāya vā anantaṃ nibbānaṃ ajini kilesārayo madditvā gaṇhītipi anantajino.
хубзяяаабийд̇и звамби бхавзяяа, звам̣вид̇хз руубагааяарад̇анз ийд̣̇исзна н̃аан̣зна бхавид̇аб̣б̣анд̇и ад̇хиббааяо. звам̣ наама гат̇анан̃хисса убаниссаяасамбаннасса абарагаалз д̣̇угкаббад̇д̇асса бхаг̇аванд̇ам̣ убаг̇амма баб̣б̣аж̇ид̇ваа маг̇г̇апалабадивзд̇хааяа бажжаяо ж̇аад̇о. д̇ат̇аахзса бхаг̇аваа д̇зна самааг̇амад̇т̇ам̣ бад̣̇асаава маг̇г̇ам̣ бадибаж̇ж̇и.
Hupeyyāpīti evampi bhaveyya, evaṃvidhe rūpakāyaratane īdisena ñāṇena bhavitabbanti adhippāyo. Evaṃ nāma kathanañhissa upanissayasampannassa aparakāle dukkhappattassa bhagavantaṃ upagamma pabbajitvā maggaphalapaṭivedhāya paccayo jāto. Tathāhesa bhagavā tena samāgamatthaṃ padasāva maggaṃ paṭipajji.
12. б̣аахуллигод̇и бажжаяаб̣аахуллиго. бад̇хаанавиб̣бханд̇од̇и бад̇хаанад̇о д̣̇уггаражаран̣ад̇о барихийно. над̇т̇и зд̇т̇а аг̇аарияам̣, аг̇аарасса хид̇ам̣ гасиг̇орагкаад̣̇игамманд̇и анаг̇аарияаа, баб̣б̣аж̇ж̇аа, д̇ам̣ анаг̇аарияам̣. баб̣б̣аж̇анд̇ийд̇и убаг̇ажчанд̇и. д̇ад̣̇ануд̇д̇аранд̇и д̇ам̣ ануд̇д̇арам̣. б̣рахмажарияабарияосаананд̇и маг̇г̇аб̣рахмажарияасса барияосаанам̣, арахад̇д̇апаланд̇и ад̇т̇о. д̇асса хи ад̇т̇ааяа гулабуд̇д̇аа баб̣б̣аж̇анд̇и. д̣̇идтзва д̇хаммзд̇и имасмим̣ бажжагкз ад̇д̇абхаавз. саяанд̇и абараббажжаяаа . абхин̃н̃аа сажчигад̇ваад̇и ад̇д̇анова н̃аан̣зна бажжагкам̣ гад̇ваа. убасамбаж̇ж̇аад̇и баабун̣ид̇ваа.
12.Bāhullikoti paccayabāhulliko. Padhānavibbhantoti padhānato dukkaracaraṇato parihīno. Natthi ettha agāriyaṃ, agārassa hitaṃ kasigorakkhādikammanti anagāriyā, pabbajjā, taṃ anagāriyaṃ. Pabbajantīti upagacchanti. Tadanuttaranti taṃ anuttaraṃ. Brahmacariyapariyosānanti maggabrahmacariyassa pariyosānaṃ, arahattaphalanti attho. Tassa hi atthāya kulaputtā pabbajanti. Diṭṭheva dhammeti imasmiṃ paccakkhe attabhāve. Sayanti aparappaccayā . Abhiññā sacchikatvāti attanova ñāṇena paccakkhaṃ katvā. Upasampajjāti pāpuṇitvā.
ирияааяаад̇и д̣̇уггараирияааяа. уд̇д̇аримануссад̇хаммаад̇иаад̣̇ийсу мануссад̇хаммад̇о логияан̃аан̣ад̇о убари арияам̣ гаад̇ум̣ алам̣ самад̇т̇о аламарияо. н̃аан̣ад̣̇ассанависзсод̇и саб̣б̣ан̃н̃уд̇ан̃н̃аан̣асса буб̣б̣абхааг̇ам̣ ад̇хиббзд̇ам̣. нод̇и ну. бхаасид̇амзд̇анд̇и зваруубамзд̇ам̣ ваагяабхзд̣̇анд̇и ад̇т̇о. д̇з жа ‘‘яад̣̇и зса бад̇хаанагаалз ‘ахам̣ арахаа’д̇и вад̣̇зяяа, маяан̃жа сад̣̇д̣̇ахаама, на жаанзна д̇ад̣̇аа вуд̇д̇ам̣. ид̣̇аани бана виж̇ж̇амаанамзва г̇ун̣ам̣ вад̣̇ад̇ий’’д̇и згабад̣̇зна сад̇им̣ лабхид̇ваа ‘‘б̣уд̣̇д̇хо ж̇аад̇о’’д̇и уббаннаг̇аараваа аавусоваад̣̇ам̣ бахааяа ‘‘но хзд̇ам̣, бханд̇з’’д̇и аахам̣су. ан̃н̃аа жид̇д̇анд̇и ан̃н̃ааяа арахад̇д̇аббад̇д̇ияаа жид̇д̇ам̣.
Iriyāyāti dukkarairiyāya. Uttarimanussadhammātiādīsu manussadhammato lokiyañāṇato upari ariyaṃ kātuṃ alaṃ samattho alamariyo. Ñāṇadassanavisesoti sabbaññutaññāṇassa pubbabhāgaṃ adhippetaṃ. Noti nu. Bhāsitametanti evarūpametaṃ vākyabhedanti attho. Te ca ‘‘yadi esa padhānakāle ‘ahaṃ arahā’ti vadeyya, mayañca saddahāma, na cānena tadā vuttaṃ. Idāni pana vijjamānameva guṇaṃ vadatī’’ti ekapadena satiṃ labhitvā ‘‘buddho jāto’’ti uppannagāravā āvusovādaṃ pahāya ‘‘no hetaṃ, bhante’’ti āhaṃsu. Aññā cittanti aññāya arahattappattiyā cittaṃ.
13. анд̇аад̇и годтаасаа д̣̇вз бхааг̇аа. гаамзсу гаамасукаллигаануяог̇од̇и вад̇т̇угаамзсу гилзсагаамасукасса анубхаво. гилзсагаамаа зва ваа аамисасукзна аллийяанад̇о гаамасукаллигаад̇и вуд̇д̇аад̇и д̣̇адтаб̣б̣аа. г̇аммод̇и г̇аамаваасийнам̣ санд̇аго. ад̇д̇агиламат̇аануяог̇од̇и ад̇д̇ано гиламат̇асса ган̣дагасзяяаад̣̇ид̣̇угкасса ануяог̇о. убхо анд̇зд̇и яат̇аавуд̇д̇з лобхо ваа сассад̇о ваа зго анд̇о, д̣̇осо ваа ужчзд̣̇о ваа згод̇и взд̣̇ид̇аб̣б̣о.
13.Antāti koṭṭhāsā dve bhāgā. Kāmesu kāmasukhallikānuyogoti vatthukāmesu kilesakāmasukhassa anubhavo. Kilesakāmā eva vā āmisasukhena allīyanato kāmasukhallikāti vuttāti daṭṭhabbā. Gammoti gāmavāsīnaṃ santako. Attakilamathānuyogoti attano kilamathassa kaṇṭakaseyyādidukkhassa anuyogo. Ubho anteti yathāvutte lobho vā sassato vā eko anto, doso vā ucchedo vā ekoti veditabbo.
жагкугаран̣ийд̇иаад̣̇ийсу ад̇д̇анаа самбаяуд̇д̇ан̃аан̣ажагкум̣ гарод̇ийд̇и жагкугаран̣ий. д̣̇уд̇ияам̣ д̇ассзва взважанам̣. убасамод̇и гилзсубасамо. абхин̃н̃аа, самб̣од̇хо жа жад̇усажжабадивзд̇хова. ниб̣б̣аанам̣ асан̇кад̇ад̇хаад̇у. зд̇зсамби ад̇т̇ааяа сам̣вад̇д̇ад̇ийд̇и бадибад̣̇ам̣ т̇омзд̇и. саммаад̣̇идтийд̇и н̃аан̣ам̣. саммаасан̇габбод̇и вид̇агго. сзсам̣ д̇хаммад̇о сувин̃н̃зяяамзва.
Cakkhukaraṇītiādīsu attanā sampayuttañāṇacakkhuṃ karotīti cakkhukaraṇī. Dutiyaṃ tasseva vevacanaṃ. Upasamoti kilesupasamo. Abhiññā, sambodho ca catusaccapaṭivedhova. Nibbānaṃ asaṅkhatadhātu. Etesampi atthāya saṃvattatīti paṭipadaṃ thometi. Sammādiṭṭhīti ñāṇaṃ. Sammāsaṅkappoti vitakko. Sesaṃ dhammato suviññeyyameva.
14. звам̣ жад̇д̇аароби маг̇г̇з згад̇о д̣̇ассзд̇ваа ид̣̇аани д̇зхи маг̇г̇зхи бадивиж̇жхид̇аб̣б̣аани жад̇д̇аари арияасажжаани д̣̇ассзд̇ум̣ ‘‘ид̣̇ам̣ ко бана, бхигкавз’’д̇иаад̣̇имааха. ж̇аад̇иби д̣̇угкаад̇иаад̣̇ийсу д̇ад̇т̇а д̇ад̇т̇а бхавз ниб̣б̣ад̇д̇амаанаанам̣ сад̇д̇аанам̣ саб̣б̣абатамам̣ руубааруубад̇хаммаббавад̇д̇и ид̇ха ж̇аад̇и наама, саа жа д̇ад̇т̇а д̇ад̇т̇а бхавзсу убалаб̣бхамаанаанам̣ д̣̇угкаад̣̇ийнам̣ вад̇т̇убхаавад̇о д̣̇угкаа, звам̣ ж̇араад̣̇ийсу д̣̇угкавад̇т̇угад̇ааяа д̣̇угкад̇аа взд̣̇ид̇аб̣б̣аа. бан̃жубаад̣̇аанагканд̇хаа бана д̣̇угкад̣̇угкавибарин̣аамад̣̇угкасан̇каарад̣̇угкавасзна д̣̇угкаа зва. бонобхавигаад̇и бунаб̣бхавагаран̣ам̣ бунаб̣бхаво уд̇д̇арабад̣̇алобзна, бунаб̣бхаво сийламзд̇иссаад̇и бонобхавигаа. нанд̣̇ирааг̇асахаг̇ад̇аад̇и зд̇т̇а руубаад̣̇ийсу нанд̣̇ад̇и бияааяад̇ийд̇и нанд̣̇ий, саа зва рааг̇од̇и нанд̣̇ирааг̇од̇и бхааваббад̇хаанояам̣ нид̣̇д̣̇зсо, нанд̣̇ирааг̇ад̇д̇анд̇и ад̇т̇о. д̇зна сахаг̇ад̇аани нанд̣̇ирааг̇асахаг̇ад̇аа. д̇ад̇ра д̇ад̇раад̇и д̇асмим̣ д̇асмим̣ бхавз. руубаад̣̇ийсу часу аарамман̣зсу гаамассаад̣̇анавасзна бавад̇д̇аа гаамад̇ан̣хаа наама. сассад̇ад̣̇идтияаа саха бавад̇д̇аа бхавад̇ан̣хаа. ужчзд̣̇ад̣̇идтияаа саха бавад̇д̇аа вибхавад̇ан̣хаа. асзсавирааг̇анирод̇ход̇иаад̣̇инаа ниб̣б̣аанамзва вужжад̇и. д̇ад̇т̇а вираж̇ж̇анам̣ виг̇аманам̣ вирааг̇о. нируж̇жханам̣ нирод̇хо. убхаязнааби судту виг̇амова вужжад̇и. асзсааяаби д̇ан̣хааяа вирааг̇о, нирод̇хо жа язна ход̇и, со асзсавирааг̇анирод̇хо, ниб̣б̣аанамзва. яасмаа жа д̇ам̣ ааг̇амма д̇ан̣хам̣, ваддан̃жа жаж̇анд̇и бадиниссаж̇ж̇анд̇и вимужжанд̇и на аллийяанд̇и, д̇асмаа жааг̇о бадиниссаг̇г̇о муд̇д̇и анаалаяод̇и вужжад̇и.
14. Evaṃ cattāropi magge ekato dassetvā idāni tehi maggehi paṭivijjhitabbāni cattāri ariyasaccāni dassetuṃ ‘‘idaṃ kho pana, bhikkhave’’tiādimāha. Jātipi dukkhātiādīsu tattha tattha bhave nibbattamānānaṃ sattānaṃ sabbapaṭhamaṃ rūpārūpadhammappavatti idha jāti nāma, sā ca tattha tattha bhavesu upalabbhamānānaṃ dukkhādīnaṃ vatthubhāvato dukkhā, evaṃ jarādīsu dukkhavatthukatāya dukkhatā veditabbā. Pañcupādānakkhandhā pana dukkhadukkhavipariṇāmadukkhasaṅkhāradukkhavasena dukkhā eva. Ponobhavikāti punabbhavakaraṇaṃ punabbhavo uttarapadalopena, punabbhavo sīlametissāti ponobhavikā. Nandirāgasahagatāti ettha rūpādīsu nandati piyāyatīti nandī, sā eva rāgoti nandirāgoti bhāvappadhānoyaṃ niddeso, nandirāgattanti attho. Tena sahagatāni nandirāgasahagatā. Tatra tatrāti tasmiṃ tasmiṃ bhave. Rūpādīsu chasu ārammaṇesu kāmassādanavasena pavattā kāmataṇhā nāma. Sassatadiṭṭhiyā saha pavattā bhavataṇhā. Ucchedadiṭṭhiyā saha pavattā vibhavataṇhā. Asesavirāganirodhotiādinā nibbānameva vuccati. Tattha virajjanaṃ vigamanaṃ virāgo. Nirujjhanaṃ nirodho. Ubhayenāpi suṭṭhu vigamova vuccati. Asesāyapi taṇhāya virāgo, nirodho ca yena hoti, so asesavirāganirodho, nibbānameva. Yasmā ca taṃ āgamma taṇhaṃ, vaṭṭañca cajanti paṭinissajjanti vimuccanti na allīyanti, tasmā cāgo paṭinissaggo mutti anālayoti vuccati.
15. жагкунд̇иаад̣̇ийни н̃аан̣авзважанаанзва.
15.Cakkhuntiādīni ñāṇavevacanāneva.
16. яаавагийван̃жаад̇и яад̇д̇агам̣ гаалам̣. д̇ибаривадданд̇и сажжан̃аан̣а, гижжан̃аан̣а, гад̇ан̃аан̣асан̇каад̇аанам̣ д̇ин̣н̣ам̣ бариваддаанам̣ васзна д̇ибариваддам̣ н̃аан̣ад̣̇ассанам̣. зд̇т̇а жа ‘‘ид̣̇ам̣ д̣̇угкам̣ арияасажжам̣, ид̣̇ам̣ д̣̇угкасамуд̣̇аяа’’нд̇и звам̣ жад̇уусу сажжзсу яат̇аабхууд̇ан̃аан̣ам̣ сажжан̃аан̣ам̣ наама. д̇зсу зва ‘‘барин̃н̃зяяам̣ бахаад̇аб̣б̣ам̣ сажчигаад̇аб̣б̣ам̣ бхаавзд̇аб̣б̣а’’нд̇и звам̣ гад̇д̇аб̣б̣агижжаж̇аананан̃аан̣ам̣ гижжан̃аан̣ам̣ наама. ‘‘барин̃н̃аад̇ам̣ бахийнам̣ сажчигад̇ам̣ бхаавид̇а’’нд̇и д̇асса гижжасса гад̇абхааваж̇аананан̃аан̣ам̣ гад̇ан̃аан̣ам̣ наама. д̣̇ваад̣̇асаагааранд̇и д̇зсамзва згзгасмим̣ сажжз д̇ин̣н̣ам̣ д̇ин̣н̣ам̣ аагаараанам̣ васзна д̣̇ваад̣̇асаагаарам̣.
16.Yāvakīvañcāti yattakaṃ kālaṃ. Tiparivaṭṭanti saccañāṇa, kiccañāṇa, katañāṇasaṅkhātānaṃ tiṇṇaṃ parivaṭṭānaṃ vasena tiparivaṭṭaṃ ñāṇadassanaṃ. Ettha ca ‘‘idaṃ dukkhaṃ ariyasaccaṃ, idaṃ dukkhasamudaya’’nti evaṃ catūsu saccesu yathābhūtañāṇaṃ saccañāṇaṃ nāma. Tesu eva ‘‘pariññeyyaṃ pahātabbaṃ sacchikātabbaṃ bhāvetabba’’nti evaṃ kattabbakiccajānanañāṇaṃ kiccañāṇaṃ nāma. ‘‘Pariññātaṃ pahīnaṃ sacchikataṃ bhāvita’’nti tassa kiccassa katabhāvajānanañāṇaṃ katañāṇaṃ nāma. Dvādasākāranti tesameva ekekasmiṃ sacce tiṇṇaṃ tiṇṇaṃ ākārānaṃ vasena dvādasākāraṃ.
абхисамб̣уд̣̇д̇ход̇и бажжан̃н̃аасинд̇и абхисамб̣уд̣̇д̇хо арахад̇д̇ам̣ бад̇д̇од̇и звам̣ на бадиж̇ааним̣. яад̇о жа код̇и яад̇о б̣од̇химуулз нисиннагаалад̇о бадтааяа . ат̇ааханд̇и д̇ад̇о барам̣ ахам̣. н̃аан̣ан̃жа бана мзд̇и бажжавзгкан̣ан̃аан̣ам̣ санд̇хааяа вад̣̇ад̇и. агуббаа мзд̇иаад̣̇и д̇асса бавад̇д̇иаагаарад̣̇ассанам̣. д̇ад̇т̇а агуббаа мз вимуд̇д̇ийд̇и арахад̇д̇апалам̣ д̇асса маг̇г̇асан̇каад̇агааран̣ад̇о жа аарамман̣ад̇о жа агуббад̇аа взд̣̇ид̇аб̣б̣аа.
Abhisambuddhoti paccaññāsinti abhisambuddho arahattaṃ pattoti evaṃ na paṭijāniṃ. Yato ca khoti yato bodhimūle nisinnakālato paṭṭhāya . Athāhanti tato paraṃ ahaṃ. Ñāṇañca pana meti paccavekkhaṇañāṇaṃ sandhāya vadati. Akuppā metiādi tassa pavattiākāradassanaṃ. Tattha akuppā me vimuttīti arahattaphalaṃ tassa maggasaṅkhātakāraṇato ca ārammaṇato ca akuppatā veditabbā.
имасмим̣ бана взяяаагаран̣асминд̇и ниг̇г̇аат̇асуд̇д̇з. бхан̃н̃амаанзд̇и бхан̣ияамаанз. д̇хаммажагкунд̇и ид̇ха жад̇усажжад̇хаммзсу жагкугижжагаран̣ад̇о сод̇аабад̇д̇имаг̇г̇о ад̇хиббзд̇о. яам̣ гин̃жийд̇иаад̣̇и ниб̣б̣аанаарамман̣ад̇д̇зби гижжавасзна асаммохад̇о бавад̇д̇ид̣̇ассанад̇т̇ам̣ вуд̇д̇ам̣.
Imasmiṃ pana veyyākaraṇasminti niggāthasutte. Bhaññamāneti bhaṇiyamāne. Dhammacakkhunti idha catusaccadhammesu cakkhukiccakaraṇato sotāpattimaggo adhippeto. Yaṃ kiñcītiādi nibbānārammaṇattepi kiccavasena asammohato pavattidassanatthaṃ vuttaṃ.
17. д̇хаммажагганд̇и бадивзд̇хан̃аан̣ад̇хамман̃жзва д̣̇зсанаан̃аан̣ад̇хамман̃жа бавад̇д̇анадтзна жагганд̇и д̇хаммажаггам̣ . обхаасод̇и саб̣б̣ан̃н̃уд̇ан̃н̃аан̣аанубхаавзна бавад̇д̇о жид̇д̇абажжаяауд̇усамудтаано д̣̇асасахассилогад̇хаад̇ум̣ парид̇ваа тид̇о обхаасо.
17.Dhammacakkanti paṭivedhañāṇadhammañceva desanāñāṇadhammañca pavattanaṭṭhena cakkanti dhammacakkaṃ . Obhāsoti sabbaññutaññāṇānubhāvena pavatto cittapaccayautusamuṭṭhāno dasasahassilokadhātuṃ pharitvā ṭhito obhāso.
18. д̣̇идто арияасажжад̇хаммо зд̇знаад̇и д̣̇идтад̇хаммо. зса наяо сзсзсуби. ад̇д̇ано бажжагкад̇о ад̇хиг̇ад̇ад̇д̇аа на барам̣ бажжзд̇и, барасса сад̣̇д̇хааяа зд̇т̇а на бавад̇д̇ад̇ийд̇и абараббажжаяо. зхи бхигкууд̇и зд̇д̇агз вуд̇д̇амад̇д̇з баб̣б̣аж̇ж̇аа, убасамбад̣̇аа жа сиж̇жхад̇и, д̇знзва д̇ад̇т̇а ид̇и-сад̣̇д̣̇зна барижчзд̣̇о д̣̇ассид̇од̇и вад̣̇анд̇и. гзжи бана ‘‘саммаа д̣̇угкасса анд̇агирияааяаад̇и важанабарияосаанз зва убасамбад̣̇аа сиж̇жхад̇и, адтагат̇ааяам̣ бана ‘зхи бхигкууд̇и бхаг̇авад̇о важанзнаа’д̇и ид̣̇ам̣ зхибхигкусад̣̇д̣̇обалагкид̇аважанам̣ зхибхигкуважананд̇иаад̣̇ибад̣̇авасзна вуд̇д̇ам̣ мусааваад̣̇аваг̇г̇од̇иаад̣̇ийсу вияаа’’д̇и вад̣̇анд̇и, д̇ад̣̇зд̇ам̣ батамабаарааж̇игадтагат̇ааяам̣ ‘‘бхаг̇аваа хи…бз… зхи бхигку, жара б̣рахмажарияам̣ саммаа д̣̇угкасса анд̇агирияааяаа’’д̇и (баараа. адта. 1.45 бхигкуубад̣̇абхааж̇анийяаван̣н̣анаа) иминаа важанзна самзд̇и. яад̇д̇аган̃хи бхаг̇авад̇аа нияамзна вужжад̇и, д̇ад̇д̇агам̣ саб̣б̣амби ан̇г̇амзва. сзгкабут̇уж̇ж̇анаанан̃хи зд̇ам̣ барибун̣н̣ам̣ вужжад̇и, асзгкаанам̣ бана ‘‘жара б̣рахмажарияа’’нд̇и барияосаананд̇и д̣̇адтаб̣б̣ам̣ сигкад̇д̇аяасамид̣̇д̇хид̇о. логияасамбад̣̇аахи убарибхууд̇аа сздтабхууд̇аа самбад̣̇аад̇и убасамбад̣̇аа.
18. Diṭṭho ariyasaccadhammo etenāti diṭṭhadhammo. Esa nayo sesesupi. Attano paccakkhato adhigatattā na paraṃ pacceti, parassa saddhāya ettha na pavattatīti aparappaccayo. Ehi bhikkhūti ettake vuttamatte pabbajjā, upasampadā ca sijjhati, teneva tattha iti-saddena paricchedo dassitoti vadanti. Keci pana ‘‘sammā dukkhassa antakiriyāyāti vacanapariyosāne eva upasampadā sijjhati, aṭṭhakathāyaṃ pana ‘ehi bhikkhūti bhagavato vacanenā’ti idaṃ ehibhikkhusaddopalakkhitavacanaṃ ehibhikkhuvacanantiādipadavasena vuttaṃ musāvādavaggotiādīsu viyā’’ti vadanti, tadetaṃ paṭhamapārājikaṭṭhakathāyaṃ ‘‘bhagavā hi…pe… ehi bhikkhu, cara brahmacariyaṃ sammā dukkhassa antakiriyāyā’’ti (pārā. aṭṭha. 1.45 bhikkhūpadabhājanīyavaṇṇanā) iminā vacanena sameti. Yattakañhi bhagavatā niyamena vuccati, tattakaṃ sabbampi aṅgameva. Sekkhaputhujjanānañhi etaṃ paripuṇṇaṃ vuccati, asekkhānaṃ pana ‘‘cara brahmacariya’’nti pariyosānanti daṭṭhabbaṃ sikkhattayasamiddhito. Lokiyasampadāhi uparibhūtā seṭṭhabhūtā sampadāti upasampadā.
19-21. нийхаарабхад̇д̇од̇и бхигкуухи г̇аамад̇о нийхарид̇ваа д̣̇иннабхад̇д̇о. галлам̣ нууд̇и яуд̇д̇ам̣ ну. зд̇ам̣ мамаад̇иаад̣̇и яат̇ааггамам̣ д̇ан̣хаамаанад̣̇идтиг̇аахаанам̣ д̣̇ассанам̣.
19-21.Nīhārabhattoti bhikkhūhi gāmato nīharitvā dinnabhatto. Kallaṃ nūti yuttaṃ nu. Etaṃ mamātiādi yathākkamaṃ taṇhāmānadiṭṭhigāhānaṃ dassanaṃ.
22-23. д̇асмаа д̇ихаад̇и зд̇т̇а д̇ихаад̇и нибаад̇амад̇д̇ам̣, д̇асмаад̇и ад̇т̇о. ниб̣б̣инд̣̇ад̇ийд̇и вудтаанаг̇ааминивибассанаавасзна угган̣тад̇и. вираж̇ж̇ад̇ийд̇и жад̇уннам̣ маг̇г̇аанам̣ васзна на раж̇ж̇ад̇и. вимужжад̇ийд̇и палавасзна вимужжад̇и. вимуд̇д̇асминд̇иаад̣̇и бажжавзгкан̣ан̃аан̣ад̣̇ассанам̣. б̣рахмажарияанд̇и маг̇г̇аб̣рахмажарияам̣. гаран̣ийяам̣ жад̇уусу сажжзсу жад̇уухи маг̇г̇зхи бажжзгам̣ гад̇д̇аб̣б̣ам̣ барин̃н̃аад̣̇ивасзна сол̣асавид̇хам̣ гижжам̣. наабарам̣ ид̇т̇ад̇д̇ааяаад̇и ид̇т̇абхаавааяа сол̣асагижжабхаавааяа, гилзсагкаяааяа ваа абарам̣ буна маг̇г̇абхааванаагижжам̣ мз над̇т̇ийд̇и баж̇аанаад̇и. ат̇а ваа ид̇т̇ад̇д̇ааяаад̇и ид̇т̇абхаавад̇о вад̇д̇амаанагканд̇хасанд̇аанад̇о абарам̣ канд̇хасанд̇аанам̣ маяхам̣ на бхависсад̇ийд̇и ад̇т̇о.
22-23.Tasmātihāti ettha tihāti nipātamattaṃ, tasmāti attho. Nibbindatīti vuṭṭhānagāminivipassanāvasena ukkaṇṭhati. Virajjatīti catunnaṃ maggānaṃ vasena na rajjati. Vimuccatīti phalavasena vimuccati. Vimuttasmintiādi paccavekkhaṇañāṇadassanaṃ. Brahmacariyanti maggabrahmacariyaṃ. Karaṇīyaṃ catūsu saccesu catūhi maggehi paccekaṃ kattabbaṃ pariññādivasena soḷasavidhaṃ kiccaṃ. Nāparaṃ itthattāyāti itthabhāvāya soḷasakiccabhāvāya, kilesakkhayāya vā aparaṃ puna maggabhāvanākiccaṃ me natthīti pajānāti. Atha vā itthattāyāti itthabhāvato vattamānakkhandhasantānato aparaṃ khandhasantānaṃ mayhaṃ na bhavissatīti attho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 6. бан̃жаваг̇г̇ияагат̇аа • 6. Pañcavaggiyakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жаваг̇г̇ияагат̇аа • Pañcavaggiyakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
д̇хаммажаггаббавад̇д̇анасуд̇д̇аван̣н̣анаа • Dhammacakkappavattanasuttavaṇṇanā
анад̇д̇алагкан̣асуд̇д̇аван̣н̣анаа • Anattalakkhaṇasuttavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. бан̃жаваг̇г̇ияагат̇аа • 6. Pañcavaggiyakathā
