| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
бан̃жавад̇т̇уяаажанагат̇аа
Pañcavatthuyācanakathā
343. 1 д̇зна ко бана самаязна д̣̇звад̣̇ад̇д̇о барихийналаабхасаггааро сабарисо гулзсу вин̃н̃аабзд̇ваа вин̃н̃аабзд̇ваа бхун̃ж̇ад̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа гулзсу вин̃н̃аабзд̇ваа вин̃н̃аабзд̇ваа бхун̃ж̇иссанд̇и! гасса самбаннам̣ на манаабам̣, гасса саад̣̇ум̣ на ружжад̇ий’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – гат̇ан̃хи наама д̣̇звад̣̇ад̇д̇о сабарисо гулзсу вин̃н̃аабзд̇ваа вин̃н̃аабзд̇ваа бхун̃ж̇иссад̇ий’’д̇и! бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, д̣̇звад̣̇ад̇д̇а, сабарисо гулзсу вин̃н̃аабзд̇ваа вин̃н̃аабзд̇ваа бхун̃ж̇асий’’д̇и? ‘‘сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘д̇зна хи, бхигкавз, бхигкуунам̣ гулзсу д̇игабхож̇анам̣ бан̃н̃абзссаами д̇аяо ад̇т̇авасз бадижжа – д̣̇умман̇гуунам̣ буг̇г̇алаана ниг̇г̇ахааяа ; бзсалаанам̣ бхигкуунам̣ паасувихаарааяа, маа баабижчаа багкам̣ ниссааяа сан̇гхам̣ бхинд̣̇зяяунд̇и; гулаануд̣̇д̣̇аяааяа 2 жа. г̇ан̣абхож̇анз яат̇аад̇хаммо гаарзд̇аб̣б̣о’’д̇и.
343.3 Tena kho pana samayena devadatto parihīnalābhasakkāro sapariso kulesu viññāpetvā viññāpetvā bhuñjati. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā kulesu viññāpetvā viññāpetvā bhuñjissanti! Kassa sampannaṃ na manāpaṃ, kassa sāduṃ na ruccatī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – kathañhi nāma devadatto sapariso kulesu viññāpetvā viññāpetvā bhuñjissatī’’ti! Bhagavato etamatthaṃ ārocesuṃ…pe… ‘‘saccaṃ kira tvaṃ, devadatta, sapariso kulesu viññāpetvā viññāpetvā bhuñjasī’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘tena hi, bhikkhave, bhikkhūnaṃ kulesu tikabhojanaṃ paññapessāmi tayo atthavase paṭicca – dummaṅkūnaṃ puggalāna niggahāya ; pesalānaṃ bhikkhūnaṃ phāsuvihārāya, mā pāpicchā pakkhaṃ nissāya saṅghaṃ bhindeyyunti; kulānuddayāya 4 ca. Gaṇabhojane yathādhammo kāretabbo’’ti.
5 ат̇а ко д̣̇звад̣̇ад̇д̇о язна гогаалиго гадамод̣̇агад̇иссаго 6 кан̣д̣ад̣̇звияаа буд̇д̇о самуд̣̇д̣̇ад̣̇ад̇д̇о д̇знубасан̇гами, убасан̇гамид̇ваа гогаалигам̣ гадамод̣̇агад̇иссагам̣ кан̣д̣ад̣̇звияаа буд̇д̇ам̣ самуд̣̇д̣̇ад̣̇ад̇д̇ам̣ зд̇ад̣̇авожа – ‘‘зт̇а, маяам̣, аавусо, саман̣асса г̇од̇амасса сан̇гхабхзд̣̇ам̣ гариссаама жаггабхзд̣̇а’’нд̇и. звам̣ вуд̇д̇з гогаалиго д̣̇звад̣̇ад̇д̇ам̣ зд̇ад̣̇авожа – ‘‘саман̣о ко, аавусо, г̇од̇амо махид̣̇д̇хиго махаанубхааво. гат̇ам̣ маяам̣ саман̣асса г̇од̇амасса сан̇гхабхзд̣̇ам̣ гариссаама жаггабхзд̣̇а’’нд̇и? ‘‘зт̇а, маяам̣, аавусо, саман̣ам̣ г̇од̇амам̣ убасан̇гамид̇ваа бан̃жа вад̇т̇ууни яаажиссаама – ‘бхаг̇аваа, бханд̇з, анзгабарияааязна аббижчасса санд̇удтасса саллзкасса д̇худ̇асса баасаад̣̇игасса абажаяасса вийрияаарамбхасса ван̣н̣аваад̣̇ий. имаани, бханд̇з, бан̃жа вад̇т̇ууни анзгабарияааязна аббижчад̇ааяа санд̇удтияаа саллзкааяа д̇худ̇ад̇ааяа баасаад̣̇игад̇ааяа абажаяааяа вийрияаарамбхааяа сам̣вад̇д̇анд̇и. саад̇ху, бханд̇з, бхигкуу яааваж̇ийвам̣ ааран̃н̃игаа ассу; яо г̇ааманд̇ам̣ осарзяяа, важ̇ж̇ам̣ нам̣ пусзяяа. яааваж̇ийвам̣ бин̣д̣абаад̇игаа ассу; яо ниманд̇анам̣ саад̣̇иязяяа, важ̇ж̇ам̣ нам̣ пусзяяа. яааваж̇ийвам̣ бам̣сугуулигаа ассу; яо г̇ахабад̇ижийварам̣ саад̣̇иязяяа, важ̇ж̇ам̣ нам̣ пусзяяа. яааваж̇ийвам̣ ругкамуулигаа ассу; яо чаннам̣ убаг̇ажчзяяа, важ̇ж̇ам̣ нам̣ пусзяяа. яааваж̇ийвам̣ мажчамам̣сам̣ на каад̣̇зяяум̣; яо мажчамам̣сам̣ каад̣̇зяяа, важ̇ж̇ам̣ нам̣ пусзяяаа’д̇и. имаани бан̃жа вад̇т̇ууни саман̣о г̇од̇амо наануж̇ааниссад̇и. д̇з маяам̣ имзхи бан̃жахи вад̇т̇уухи ж̇анам̣ сан̃н̃аабзссаамаа’’д̇и. ‘‘саггаа ко, аавусо, имзхи бан̃жахи вад̇т̇уухи саман̣асса г̇од̇амасса сан̇гхабхзд̣̇о гаад̇ум̣ жаггабхзд̣̇о. луукаббасаннаа хи, аавусо, мануссаа’’д̇и.
7 Atha kho devadatto yena kokāliko kaṭamodakatissako 8 khaṇḍadeviyā putto samuddadatto tenupasaṅkami, upasaṅkamitvā kokālikaṃ kaṭamodakatissakaṃ khaṇḍadeviyā puttaṃ samuddadattaṃ etadavoca – ‘‘etha, mayaṃ, āvuso, samaṇassa gotamassa saṅghabhedaṃ karissāma cakkabheda’’nti. Evaṃ vutte kokāliko devadattaṃ etadavoca – ‘‘samaṇo kho, āvuso, gotamo mahiddhiko mahānubhāvo. Kathaṃ mayaṃ samaṇassa gotamassa saṅghabhedaṃ karissāma cakkabheda’’nti? ‘‘Etha, mayaṃ, āvuso, samaṇaṃ gotamaṃ upasaṅkamitvā pañca vatthūni yācissāma – ‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī. Imāni, bhante, pañca vatthūni anekapariyāyena appicchatāya santuṭṭhiyā sallekhāya dhutatāya pāsādikatāya apacayāya vīriyārambhāya saṃvattanti. Sādhu, bhante, bhikkhū yāvajīvaṃ āraññikā assu; yo gāmantaṃ osareyya, vajjaṃ naṃ phuseyya. Yāvajīvaṃ piṇḍapātikā assu; yo nimantanaṃ sādiyeyya, vajjaṃ naṃ phuseyya. Yāvajīvaṃ paṃsukūlikā assu; yo gahapaticīvaraṃ sādiyeyya, vajjaṃ naṃ phuseyya. Yāvajīvaṃ rukkhamūlikā assu; yo channaṃ upagaccheyya, vajjaṃ naṃ phuseyya. Yāvajīvaṃ macchamaṃsaṃ na khādeyyuṃ; yo macchamaṃsaṃ khādeyya, vajjaṃ naṃ phuseyyā’ti. Imāni pañca vatthūni samaṇo gotamo nānujānissati. Te mayaṃ imehi pañcahi vatthūhi janaṃ saññāpessāmā’’ti. ‘‘Sakkā kho, āvuso, imehi pañcahi vatthūhi samaṇassa gotamassa saṅghabhedo kātuṃ cakkabhedo. Lūkhappasannā hi, āvuso, manussā’’ti.
ат̇а ко д̣̇звад̣̇ад̇д̇о сабарисо язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко д̣̇звад̣̇ад̇д̇о бхаг̇аванд̇ам̣ зд̇ад̣̇авожа – ‘‘бхаг̇аваа, бханд̇з, анзгабарияааязна аббижчасса санд̇удтасса саллзкасса д̇худ̇асса баасаад̣̇игасса абажаяасса вийрияаарамбхасса ван̣н̣аваад̣̇ий. имаани, бханд̇з, бан̃жа вад̇т̇ууни анзгабарияааязна аббижчад̇ааяа санд̇удтияаа саллзкааяа д̇худ̇ад̇ааяа баасаад̣̇игад̇ааяа абажаяааяа вийрияаарамбхааяа сам̣вад̇д̇анд̇и. саад̇ху, бханд̇з, бхигкуу яааваж̇ийвам̣ ааран̃н̃игаа ассу; яо г̇ааманд̇ам̣ осарзяяа, важ̇ж̇ам̣ нам̣ пусзяяа. яааваж̇ийвам̣ бин̣д̣абаад̇игаа ассу; яо ниманд̇анам̣ саад̣̇иязяяа, важ̇ж̇ам̣ нам̣ пусзяяа. яааваж̇ийвам̣ бам̣сугуулигаа ассу; яо г̇ахабад̇ижийварам̣ саад̣̇иязяяа, важ̇ж̇ам̣ нам̣ пусзяяа. яааваж̇ийвам̣ ругкамуулигаа ассу; яо чаннам̣ убаг̇ажчзяяа, важ̇ж̇ам̣ нам̣ пусзяяа. яааваж̇ийвам̣ мажчамам̣сам̣ на каад̣̇зяяум̣; яо мажчамам̣сам̣ каад̣̇зяяа, важ̇ж̇ам̣ нам̣ пусзяяаа’’д̇и. ‘‘алам̣, д̣̇звад̣̇ад̇д̇а. яо ижчад̇и, ааран̃н̃иго ход̇у; яо ижчад̇и, г̇ааманд̇з вихарад̇у. яо ижчад̇и, бин̣д̣абаад̇иго ход̇у; яо ижчад̇и, ниманд̇анам̣ саад̣̇ияад̇у. яо ижчад̇и, бам̣сугуулиго ход̇у; яо ижчад̇и, г̇ахабад̇ижийварам̣ саад̣̇ияад̇у. адтамаасз ко маяаа, д̣̇звад̣̇ад̇д̇а, ругкамууласзнаасанам̣ анун̃н̃аад̇ам̣; д̇игодибарисуд̣̇д̇хам̣ мажчамам̣сам̣ – ад̣̇идтам̣, ассуд̇ам̣, абарисан̇гид̇а’’нд̇и. ат̇а ко д̣̇звад̣̇ад̇д̇о – на бхаг̇аваа имаани бан̃жа вад̇т̇ууни ануж̇аанаад̇ийд̇и – хадто уд̣̇аг̇г̇о сабарисо удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.
Atha kho devadatto sapariso yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho devadatto bhagavantaṃ etadavoca – ‘‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī. Imāni, bhante, pañca vatthūni anekapariyāyena appicchatāya santuṭṭhiyā sallekhāya dhutatāya pāsādikatāya apacayāya vīriyārambhāya saṃvattanti. Sādhu, bhante, bhikkhū yāvajīvaṃ āraññikā assu; yo gāmantaṃ osareyya, vajjaṃ naṃ phuseyya. Yāvajīvaṃ piṇḍapātikā assu; yo nimantanaṃ sādiyeyya, vajjaṃ naṃ phuseyya. Yāvajīvaṃ paṃsukūlikā assu; yo gahapaticīvaraṃ sādiyeyya, vajjaṃ naṃ phuseyya. Yāvajīvaṃ rukkhamūlikā assu; yo channaṃ upagaccheyya, vajjaṃ naṃ phuseyya. Yāvajīvaṃ macchamaṃsaṃ na khādeyyuṃ; yo macchamaṃsaṃ khādeyya, vajjaṃ naṃ phuseyyā’’ti. ‘‘Alaṃ, devadatta. Yo icchati, āraññiko hotu; yo icchati, gāmante viharatu. Yo icchati, piṇḍapātiko hotu; yo icchati, nimantanaṃ sādiyatu. Yo icchati, paṃsukūliko hotu; yo icchati, gahapaticīvaraṃ sādiyatu. Aṭṭhamāse kho mayā, devadatta, rukkhamūlasenāsanaṃ anuññātaṃ; tikoṭiparisuddhaṃ macchamaṃsaṃ – adiṭṭhaṃ, assutaṃ, aparisaṅkita’’nti. Atha kho devadatto – na bhagavā imāni pañca vatthūni anujānātīti – haṭṭho udaggo sapariso uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
ат̇а ко д̣̇звад̣̇ад̇д̇о сабарисо рааж̇аг̇ахам̣ бависид̇ваа бан̃жахи вад̇т̇уухи ж̇анам̣ сан̃н̃аабзси – ‘‘маяам̣, аавусо, саман̣ам̣ г̇од̇амам̣ убасан̇гамид̇ваа бан̃жа вад̇т̇ууни яаажимхаа – ‘бхаг̇аваа, бханд̇з, анзгабарияааязна аббижчасса…бз… вийрияаарамбхасса ван̣н̣аваад̣̇ий. имаани, бханд̇з, бан̃жа вад̇т̇ууни анзгабарияааязна аббижчад̇ааяа…бз… вийрияаарамбхааяа сам̣вад̇д̇анд̇и. саад̇ху, бханд̇з, бхигкуу яааваж̇ийвам̣ ааран̃н̃игаа ассу; яо г̇ааманд̇ам̣ осарзяяа, важ̇ж̇ам̣ нам̣ пусзяяа…бз… яааваж̇ийвам̣ мажчамам̣сам̣ на каад̣̇зяяум̣; яо мажчамам̣сам̣ каад̣̇зяяа, важ̇ж̇ам̣ нам̣ пусзяяаа’д̇и. имаани бан̃жа вад̇т̇ууни саман̣о г̇од̇амо наануж̇аанаад̇и. д̇з маяам̣ имзхи бан̃жахи вад̇т̇уухи самаад̣̇ааяа вад̇д̇аамаа’’д̇и.
Atha kho devadatto sapariso rājagahaṃ pavisitvā pañcahi vatthūhi janaṃ saññāpesi – ‘‘mayaṃ, āvuso, samaṇaṃ gotamaṃ upasaṅkamitvā pañca vatthūni yācimhā – ‘bhagavā, bhante, anekapariyāyena appicchassa…pe… vīriyārambhassa vaṇṇavādī. Imāni, bhante, pañca vatthūni anekapariyāyena appicchatāya…pe… vīriyārambhāya saṃvattanti. Sādhu, bhante, bhikkhū yāvajīvaṃ āraññikā assu; yo gāmantaṃ osareyya, vajjaṃ naṃ phuseyya…pe… yāvajīvaṃ macchamaṃsaṃ na khādeyyuṃ; yo macchamaṃsaṃ khādeyya, vajjaṃ naṃ phuseyyā’ti. Imāni pañca vatthūni samaṇo gotamo nānujānāti. Te mayaṃ imehi pañcahi vatthūhi samādāya vattāmā’’ti.
д̇ад̇т̇а яз д̇з мануссаа ассад̣̇д̇хаа аббасаннаа д̣̇уб̣б̣уд̣̇д̇хино, д̇з звамаахам̣су – ‘‘имз ко саман̣аа сагяабуд̇д̇ияаа д̇худ̇аа саллзкавуд̇д̇ино. саман̣о бана г̇од̇амо б̣аахуллиго б̣аахуллааяа жзд̇зд̇ий’’д̇и. яз бана д̇з мануссаа сад̣̇д̇хаа басаннаа бан̣д̣ид̇аа б̣яад̇д̇аа б̣уд̣̇д̇химанд̇о, д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама д̣̇звад̣̇ад̇д̇о бхаг̇авад̇о сан̇гхабхзд̣̇ааяа бараггамиссад̇и жаггабхзд̣̇ааяаа’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама д̣̇звад̣̇ад̇д̇о сан̇гхабхзд̣̇ааяа бараггамиссад̇и жаггабхзд̣̇ааяаа’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, д̣̇звад̣̇ад̇д̇а, сан̇гхабхзд̣̇ааяа бараггамаси жаггабхзд̣̇ааяаа’’д̇и? ‘‘сажжам̣ бхаг̇аваа’’д̇и. ‘‘алам̣, д̣̇звад̣̇ад̇д̇а. маа д̇з ружжи сан̇гхабхзд̣̇о. г̇аруго ко, д̣̇звад̣̇ад̇д̇а, сан̇гхабхзд̣̇о. яо ко, д̣̇звад̣̇ад̇д̇а, самаг̇г̇ам̣ сан̇гхам̣ бхинд̣̇ад̇и, габбадтигам̣ 9 гиб̣б̣исам̣ басавад̇и, габбам̣ нираяамхи бажжад̇и. яо жа ко, д̣̇звад̣̇ад̇д̇а, бхиннам̣ сан̇гхам̣ самаг̇г̇ам̣ гарод̇и, б̣рахмам̣ бун̃н̃ам̣ басавад̇и, габбам̣ саг̇г̇амхи мод̣̇ад̇и. алам̣, д̣̇звад̣̇ад̇д̇а. маа д̇з ружжи сан̇гхабхзд̣̇о. г̇аруго ко, д̣̇звад̣̇ад̇д̇а, сан̇гхабхзд̣̇о’’д̇и.
Tattha ye te manussā assaddhā appasannā dubbuddhino, te evamāhaṃsu – ‘‘ime kho samaṇā sakyaputtiyā dhutā sallekhavuttino. Samaṇo pana gotamo bāhulliko bāhullāya cetetī’’ti. Ye pana te manussā saddhā pasannā paṇḍitā byattā buddhimanto, te ujjhāyanti khiyyanti vipācenti – ‘‘kathañhi nāma devadatto bhagavato saṅghabhedāya parakkamissati cakkabhedāyā’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma devadatto saṅghabhedāya parakkamissati cakkabhedāyā’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira tvaṃ, devadatta, saṅghabhedāya parakkamasi cakkabhedāyā’’ti? ‘‘Saccaṃ bhagavā’’ti. ‘‘Alaṃ, devadatta. Mā te rucci saṅghabhedo. Garuko kho, devadatta, saṅghabhedo. Yo kho, devadatta, samaggaṃ saṅghaṃ bhindati, kappaṭṭhikaṃ 10 kibbisaṃ pasavati, kappaṃ nirayamhi paccati. Yo ca kho, devadatta, bhinnaṃ saṅghaṃ samaggaṃ karoti, brahmaṃ puññaṃ pasavati, kappaṃ saggamhi modati. Alaṃ, devadatta. Mā te rucci saṅghabhedo. Garuko kho, devadatta, saṅghabhedo’’ti.
11 ат̇а ко ааяасмаа аананд̣̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависи. ад̣̇д̣̇асаа ко д̣̇звад̣̇ад̇д̇о ааяасманд̇ам̣ аананд̣̇ам̣ рааж̇аг̇ахз бин̣д̣ааяа жаранд̇ам̣. д̣̇исваана язнааяасмаа аананд̣̇о д̇знубасан̇гами, убасан̇гамид̇ваа ааяасманд̇ам̣ аананд̣̇ам̣ зд̇ад̣̇авожа – ‘‘аж̇ж̇ад̇аг̇г̇зд̣̇аанаахам̣ , аавусо аананд̣̇а, ан̃н̃ад̇рзва бхаг̇авад̇аа, ан̃н̃ад̇рзва бхигкусан̇гхаа, убосат̇ам̣ гариссаами сан̇гхагаммам̣ гариссаамий’’д̇и.
12 Atha kho āyasmā ānando pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi. Addasā kho devadatto āyasmantaṃ ānandaṃ rājagahe piṇḍāya carantaṃ. Disvāna yenāyasmā ānando tenupasaṅkami, upasaṅkamitvā āyasmantaṃ ānandaṃ etadavoca – ‘‘ajjataggedānāhaṃ , āvuso ānanda, aññatreva bhagavatā, aññatreva bhikkhusaṅghā, uposathaṃ karissāmi saṅghakammaṃ karissāmī’’ti.
ат̇а ко ааяасмаа аананд̣̇о рааж̇аг̇ахз бин̣д̣ааяа жарид̇ваа бажчаабхад̇д̇ам̣ бин̣д̣абаад̇аббадигганд̇о язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ид̇хаахам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависим̣. ад̣̇д̣̇асаа ко мам̣, бханд̇з, д̣̇звад̣̇ад̇д̇о рааж̇аг̇ахз бин̣д̣ааяа жаранд̇ам̣. д̣̇исваана язнаахам̣ д̇знубасан̇гами, убасан̇гамид̇ваа мам̣ зд̇ад̣̇авожа – ‘аж̇ж̇ад̇аг̇г̇зд̣̇аанаахам̣, аавусо аананд̣̇а, ан̃н̃ад̇рзва бхаг̇авад̇аа, ан̃н̃ад̇рзва бхигкусан̇гхаа, убосат̇ам̣ гариссаами сан̇гхагаммам̣ гариссаамий’д̇и. аж̇ж̇ад̇аг̇г̇з, бханд̇з, д̣̇звад̣̇ад̇д̇о сан̇гхам̣ бхинд̣̇иссад̇ий’’д̇и. ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho āyasmā ānando rājagahe piṇḍāya caritvā pacchābhattaṃ piṇḍapātappaṭikkanto yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘idhāhaṃ, bhante, pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisiṃ. Addasā kho maṃ, bhante, devadatto rājagahe piṇḍāya carantaṃ. Disvāna yenāhaṃ tenupasaṅkami, upasaṅkamitvā maṃ etadavoca – ‘ajjataggedānāhaṃ, āvuso ānanda, aññatreva bhagavatā, aññatreva bhikkhusaṅghā, uposathaṃ karissāmi saṅghakammaṃ karissāmī’ti. Ajjatagge, bhante, devadatto saṅghaṃ bhindissatī’’ti. Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
13 ‘‘сугарам̣ саад̇хунаа саад̇хум̣, саад̇хум̣ баабзна д̣̇уггарам̣;
14 ‘‘Sukaraṃ sādhunā sādhuṃ, sādhuṃ pāpena dukkaraṃ;
баабам̣ баабзна сугарам̣, баабамариязхи д̣̇уггара’’нд̇и.
Pāpaṃ pāpena sukaraṃ, pāpamariyehi dukkara’’nti.
д̣̇уд̇ияабхаан̣авааро нидтид̇о.
Dutiyabhāṇavāro niṭṭhito.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / багаасанийяагаммаад̣̇игат̇аа • Pakāsanīyakammādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жавад̇т̇уяаажанагат̇ааван̣н̣анаа • Pañcavatthuyācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / часагяабаб̣б̣аж̇ж̇аагат̇аад̣̇иван̣н̣анаа • Chasakyapabbajjākathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / багаасанийяагаммаад̣̇игат̇аа • Pakāsanīyakammādikathā
