| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
бан̃жавад̇т̇уяаажанагат̇ааван̣н̣анаа
Pañcavatthuyācanakathāvaṇṇanā
343. д̇игабхож̇ананд̇и д̇ийхи бхун̃ж̇ид̇аб̣б̣абхож̇анам̣, д̇ин̣н̣ам̣ згад̇о бадиг̇г̇ахзд̇ваа бхун̃ж̇ид̇ум̣ бан̃н̃абзссаамийд̇и ад̇т̇о. гогаалигод̇иаад̣̇ийни жад̇уннам̣ д̣̇звад̣̇ад̇д̇абагкияаанам̣ г̇ан̣абаамогкаанам̣ наамаани. ааяугаббанд̇и згам̣ махаагаббам̣ асийд̇ибхааг̇ам̣ гад̇ваа д̇ад̇о згабхааг̇амад̇д̇ам̣ гаалам̣ анд̇арагаббасан̃н̃ид̇ам̣ гаалам̣.
343.Tikabhojananti tīhi bhuñjitabbabhojanaṃ, tiṇṇaṃ ekato paṭiggahetvā bhuñjituṃ paññapessāmīti attho. Kokālikotiādīni catunnaṃ devadattapakkhiyānaṃ gaṇapāmokkhānaṃ nāmāni. Āyukappanti ekaṃ mahākappaṃ asītibhāgaṃ katvā tato ekabhāgamattaṃ kālaṃ antarakappasaññitaṃ kālaṃ.
ааяасманд̇ам̣ аананд̣̇ам̣ зд̇ад̣̇авожаад̇и (уд̣̇аа. адта. 48) д̣̇звад̣̇ад̇д̇о саб̣б̣ам̣ сан̇гхабхзд̣̇асса буб̣б̣абхааг̇ам̣ нибпаад̣̇зд̇ваа ‘‘згам̣сзнзва аж̇ж̇а аавзн̣игам̣ убосат̇ам̣ сан̇гхагамман̃жа гариссаамий’’д̇и жинд̇зд̇ваа зд̇ам̣ ‘‘аж̇ж̇ад̇аг̇г̇з’’д̇иаад̣̇иважанам̣ авожа. д̇ад̇т̇а ан̃н̃ад̇рзва бхаг̇авад̇аад̇и винаа зва бхаг̇аванд̇ам̣, д̇ам̣ сад̇т̇аарам̣ агад̇ваад̇и ад̇т̇о. ан̃н̃ад̇ра бхигкусан̇гхаа убосат̇ам̣ гариссаами сан̇гхагаммаани жаад̇и бхаг̇авад̇о оваад̣̇агаарагам̣ бхигкусан̇гхам̣ винаа мам̣ анувад̇д̇анд̇зхи бхигкуухи сад̣̇д̇хим̣ аавзн̣игам̣ убосат̇ам̣ сан̇гхагаммаани жа гариссаами. аж̇ж̇ад̇аг̇г̇з, бханд̇з, д̣̇звад̣̇ад̇д̇о сан̇гхам̣ бхинд̣̇иссад̇ийд̇и бхзд̣̇агаарагаанам̣ саб̣б̣зсам̣ д̣̇звад̣̇ад̇д̇зна саж̇ж̇ид̇ад̇д̇аа ‘‘згам̣сзнзва д̣̇звад̣̇ад̇д̇о аж̇ж̇а сан̇гхам̣ бхинд̣̇иссад̇ий’’д̇и ман̃н̃амаано звамааха. бхинд̣̇иссад̇ийд̇и д̣̇вид̇хаа гариссад̇и.
Āyasmantaṃ ānandaṃ etadavocāti (udā. aṭṭha. 48) devadatto sabbaṃ saṅghabhedassa pubbabhāgaṃ nipphādetvā ‘‘ekaṃseneva ajja āveṇikaṃ uposathaṃ saṅghakammañca karissāmī’’ti cintetvā etaṃ ‘‘ajjatagge’’tiādivacanaṃ avoca. Tattha aññatreva bhagavatāti vinā eva bhagavantaṃ, taṃ satthāraṃ akatvāti attho. Aññatra bhikkhusaṅghā uposathaṃ karissāmi saṅghakammāni cāti bhagavato ovādakārakaṃ bhikkhusaṅghaṃ vinā maṃ anuvattantehi bhikkhūhi saddhiṃ āveṇikaṃ uposathaṃ saṅghakammāni ca karissāmi. Ajjatagge, bhante, devadatto saṅghaṃ bhindissatīti bhedakārakānaṃ sabbesaṃ devadattena sajjitattā ‘‘ekaṃseneva devadatto ajja saṅghaṃ bhindissatī’’ti maññamāno evamāha. Bhindissatīti dvidhā karissati.
зд̇амад̇т̇ам̣ вид̣̇ид̇ваад̇и зд̇ам̣ авийжимахаанираяуббад̇д̇исам̣вад̇д̇анияам̣ габбадтияам̣ ад̇згижчам̣ д̣̇звад̣̇ад̇д̇зна ниб̣б̣ад̇д̇ияамаанам̣ сан̇гхабхзд̣̇агаммам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и гусалаагусалзсу яат̇ааггамам̣ саббурисаасаббурисаанам̣ сугараа бадибад̇д̇и, на бана нзсам̣ агусалагусалзсууд̇и ид̣̇амад̇т̇авибхааванам̣ уд̣̇аанам̣ уд̣̇аанзси.
Etamatthaṃviditvāti etaṃ avīcimahānirayuppattisaṃvattaniyaṃ kappaṭṭhiyaṃ atekicchaṃ devadattena nibbattiyamānaṃ saṅghabhedakammaṃ sabbākārato viditvā. Imaṃ udānanti kusalākusalesu yathākkamaṃ sappurisāsappurisānaṃ sukarā paṭipatti, na pana nesaṃ akusalakusalesūti idamatthavibhāvanaṃ udānaṃ udānesi.
д̇ад̇т̇а сугарам̣ саад̇хунаа саад̇хууд̇и ад̇д̇ано барзсан̃жа хид̇ам̣ саад̇хзд̇ийд̇и саад̇ху, саммаабадибанно. д̇зна саад̇хунаа саарибуд̇д̇аад̣̇инаа саавагзна бажжзгасамб̣уд̣̇д̇хзна саммаасамб̣уд̣̇д̇хзна ан̃н̃зна ваа логияасаад̇хунаа саад̇ху сунд̣̇арам̣ бхад̣̇д̣̇агам̣ ад̇д̇ано барзсан̃жа хид̇асукаавахам̣ сугарам̣ сукзна гаад̇ум̣ саггаа. саад̇ху баабзна д̣̇уггаранд̇и д̇ад̣̇зва бана вуд̇д̇алагкан̣ам̣ саад̇ху баабзна д̣̇звад̣̇ад̇д̇аад̣̇инаа баабабуг̇г̇алзна д̣̇уггарам̣ гаад̇ум̣ на саггаа, на со д̇ам̣ гаад̇ум̣ саггод̇ийд̇и ад̇т̇о. баабам̣ баабзна сугаранд̇и баабам̣ асунд̣̇арам̣ ад̇д̇ано барзсан̃жа анад̇т̇аавахам̣ баабзна яат̇аавуд̇д̇абаабабуг̇г̇алзна сугарам̣ сукзна гаад̇ум̣ саггун̣зяяам̣. баабамариязхи д̣̇уггаранд̇и ариязхи бана б̣уд̣̇д̇хаад̣̇ийхи д̇ам̣ баабам̣ д̣̇уггарам̣ д̣̇урабхисамбхавам̣. сзд̇угхаад̇оязва хи д̇зсам̣ д̇ад̇т̇аад̇и д̣̇ийбзд̇и.
Tattha sukaraṃ sādhunā sādhūti attano paresañca hitaṃ sādhetīti sādhu, sammāpaṭipanno. Tena sādhunā sāriputtādinā sāvakena paccekasambuddhena sammāsambuddhena aññena vā lokiyasādhunā sādhu sundaraṃ bhaddakaṃ attano paresañca hitasukhāvahaṃ sukaraṃ sukhena kātuṃ sakkā. Sādhu pāpena dukkaranti tadeva pana vuttalakkhaṇaṃ sādhu pāpena devadattādinā pāpapuggalena dukkaraṃ kātuṃ na sakkā, na so taṃ kātuṃ sakkotīti attho. Pāpaṃ pāpena sukaranti pāpaṃ asundaraṃ attano paresañca anatthāvahaṃ pāpena yathāvuttapāpapuggalena sukaraṃ sukhena kātuṃ sakkuṇeyyaṃ. Pāpamariyehi dukkaranti ariyehi pana buddhādīhi taṃ pāpaṃ dukkaraṃ durabhisambhavaṃ. Setughātoyeva hi tesaṃ tatthāti dīpeti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / бан̃жавад̇т̇уяаажанагат̇аа • Pañcavatthuyācanakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / багаасанийяагаммаад̣̇игат̇аа • Pakāsanīyakammādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / часагяабаб̣б̣аж̇ж̇аагат̇аад̣̇иван̣н̣анаа • Chasakyapabbajjākathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / багаасанийяагаммаад̣̇игат̇аа • Pakāsanīyakammādikathā
