| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១៤. បញ្ចវេរសុត្តំ
14. Pañcaverasuttaṃ
២៩៣. ‘‘បញ្ចហិ, អនុរុទ្ធ, ធម្មេហិ សមន្នាគតោ មាតុគាមោ…បេ.… និរយំ ឧបបជ្ជតិ។ កតមេហិ បញ្ចហិ? បាណាតិបាតី ច ហោតិ, អទិន្នាទាយី ច ហោតិ, កាមេសុមិច្ឆាចារី ច ហោតិ, មុសាវាទី ច ហោតិ, សុរាមេរយមជ្ជប្បមាទដ្ឋាយី ច ហោតិ – ឥមេហិ ខោ, អនុរុទ្ធ, បញ្ចហិ ធម្មេហិ សមន្នាគតោ មាតុគាមោ កាយស្ស ភេទា បរំ មរណា អបាយំ ទុគ្គតិំ វិនិបាតំ និរយំ ឧបបជ្ជតី’’តិ។ ចុទ្ទសមំ។
293. ‘‘Pañcahi, anuruddha, dhammehi samannāgato mātugāmo…pe… nirayaṃ upapajjati. Katamehi pañcahi? Pāṇātipātī ca hoti, adinnādāyī ca hoti, kāmesumicchācārī ca hoti, musāvādī ca hoti, surāmerayamajjappamādaṭṭhāyī ca hoti – imehi kho, anuruddha, pañcahi dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī’’ti. Cuddasamaṃ.
បឋមបេយ្យាលវគ្គោ។
Paṭhamapeyyālavaggo.
តស្សុទ្ទានំ –
Tassuddānaṃ –
កោធនោ ឧបនាហី ច, ឥស្សុកី មច្ឆរេន ច;
Kodhano upanāhī ca, issukī maccharena ca;
អតិចារី ច ទុស្សីលោ, អប្បស្សុតោ ច កុសីតោ;
Aticārī ca dussīlo, appassuto ca kusīto;
មុដ្ឋស្សតិ បញ្ចវេរំ, កណ្ហបក្ខេ បកាសិតោ។
Muṭṭhassati pañcaveraṃ, kaṇhapakkhe pakāsito.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. តីហិធម្មេហិសុត្តាទិវណ្ណនា • 4. Tīhidhammehisuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤. តីហិធម្មេហិសុត្តាទិវណ្ណនា • 4. Tīhidhammehisuttādivaṇṇanā
