| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
10. д̣̇асамаваг̇г̇о
10. Dasamavaggo
(97) 3. бан̃жавин̃н̃аан̣асаман̇г̇исса маг̇г̇агат̇аа
(97) 3. Pañcaviññāṇasamaṅgissa maggakathā
576. бан̃жавин̃н̃аан̣асаман̇г̇исса ад̇т̇и маг̇г̇абхааванаад̇и? ааманд̇аа. нану бан̃жавин̃н̃аан̣аа уббаннавад̇т̇угаа уббаннаарамман̣аад̇и? ааманд̇аа. хан̃жи бан̃жавин̃н̃аан̣аа уббаннавад̇т̇угаа уббаннаарамман̣аа, но жа вад̇а рз вад̇д̇аб̣б̣з – ‘‘бан̃жавин̃н̃аан̣асаман̇г̇исса ад̇т̇и маг̇г̇абхааванаа’’д̇и.
576. Pañcaviññāṇasamaṅgissa atthi maggabhāvanāti? Āmantā. Nanu pañcaviññāṇā uppannavatthukā uppannārammaṇāti? Āmantā. Hañci pañcaviññāṇā uppannavatthukā uppannārammaṇā, no ca vata re vattabbe – ‘‘pañcaviññāṇasamaṅgissa atthi maggabhāvanā’’ti.
нану бан̃жавин̃н̃аан̣аа бурзж̇аад̇авад̇т̇угаа бурзж̇аад̇аарамман̣аа аж̇жхад̇д̇игавад̇т̇угаа б̣аахираарамман̣аа асамбхиннавад̇т̇угаа асамбхиннаарамман̣аа наанаавад̇т̇угаа наанаарамман̣аа на ан̃н̃аман̃н̃асса г̇ожарависаяам̣ бажжанубхонд̇и, на асаманнаахаараа уббаж̇ж̇анд̇и, на аманасигаараа уббаж̇ж̇анд̇и, на аб̣б̣огин̣н̣аа уббаж̇ж̇анд̇и, на абуб̣б̣ам̣ ажаримам̣ уббаж̇ж̇анд̇и, на ан̃н̃аман̃н̃асса самананд̇араа уббаж̇ж̇анд̇и, нану бан̃жавин̃н̃аан̣аа анаабхог̇аад̇и? ааманд̇аа. хан̃жи бан̃жавин̃н̃аан̣аа анаабхог̇аа, но жа вад̇а рз вад̇д̇аб̣б̣з – ‘‘бан̃жавин̃н̃аан̣асаман̇г̇исса ад̇т̇и маг̇г̇абхааванаа’’д̇и.
Nanu pañcaviññāṇā purejātavatthukā purejātārammaṇā ajjhattikavatthukā bāhirārammaṇā asambhinnavatthukā asambhinnārammaṇā nānāvatthukā nānārammaṇā na aññamaññassa gocaravisayaṃ paccanubhonti, na asamannāhārā uppajjanti, na amanasikārā uppajjanti, na abbokiṇṇā uppajjanti, na apubbaṃ acarimaṃ uppajjanti, na aññamaññassa samanantarā uppajjanti, nanu pañcaviññāṇā anābhogāti? Āmantā. Hañci pañcaviññāṇā anābhogā, no ca vata re vattabbe – ‘‘pañcaviññāṇasamaṅgissa atthi maggabhāvanā’’ti.
577. жагкувин̃н̃аан̣асаман̇г̇исса ад̇т̇и маг̇г̇абхааванаад̇и? ааманд̇аа. жагкувин̃н̃аан̣ам̣ сун̃н̃ад̇ам̣ аараб̣бха уббаж̇ж̇ад̇ийд̇и? на хзвам̣ вад̇д̇аб̣б̣з…бз… жагкувин̃н̃аан̣ам̣ сун̃н̃ад̇ам̣ аараб̣бха уббаж̇ж̇ад̇ийд̇и? ааманд̇аа. жагкун̃жа бадижжа сун̃н̃ад̇ан̃жа уббаж̇ж̇ад̇и жагкувин̃н̃аан̣анд̇и? на хзвам̣ вад̇д̇аб̣б̣з…бз… жагкун̃жа бадижжа сун̃н̃ад̇ан̃жа уббаж̇ж̇ад̇и жагкувин̃н̃аан̣анд̇и? ааманд̇аа. ‘‘жагкун̃жа бадижжа сун̃н̃ад̇ан̃жа уббаж̇ж̇ад̇и жагкувин̃н̃аан̣а’’нд̇и – ад̇т̇зва суд̇д̇анд̇од̇и? над̇т̇и. ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇и – ад̇т̇зва суд̇д̇анд̇од̇и? ааманд̇аа. хан̃жи ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇и – ад̇т̇зва суд̇д̇анд̇о, но жа вад̇а рз вад̇д̇аб̣б̣з – ‘‘жагкун̃жа бадижжа сун̃н̃ад̇ан̃жа уббаж̇ж̇ад̇и жагкувин̃н̃аан̣а’’нд̇и.
577. Cakkhuviññāṇasamaṅgissa atthi maggabhāvanāti? Āmantā. Cakkhuviññāṇaṃ suññataṃ ārabbha uppajjatīti? Na hevaṃ vattabbe…pe… cakkhuviññāṇaṃ suññataṃ ārabbha uppajjatīti? Āmantā. Cakkhuñca paṭicca suññatañca uppajjati cakkhuviññāṇanti? Na hevaṃ vattabbe…pe… cakkhuñca paṭicca suññatañca uppajjati cakkhuviññāṇanti? Āmantā. ‘‘Cakkhuñca paṭicca suññatañca uppajjati cakkhuviññāṇa’’nti – attheva suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca suññatañca uppajjati cakkhuviññāṇa’’nti.
578. жагкувин̃н̃аан̣асаман̇г̇исса ад̇т̇и маг̇г̇абхааванаад̇и? ааманд̇аа. жагкувин̃н̃аан̣ам̣ ад̇ийд̇аанааг̇ад̇ам̣ аараб̣бха уббаж̇ж̇ад̇ийд̇и? на хзвам̣ вад̇д̇аб̣б̣з…бз… жагкувин̃н̃аан̣асаман̇г̇исса ад̇т̇и маг̇г̇абхааванаад̇и? ааманд̇аа. жагкувин̃н̃аан̣ам̣ пассам̣ аараб̣бха…бз… взд̣̇анам̣ аараб̣бха… сан̃н̃ам̣ аараб̣бха … жзд̇анам̣ аараб̣бха… жид̇д̇ам̣ аараб̣бха… жагкум̣ аараб̣бха… гааяам̣ аараб̣бха…бз… сад̣̇д̣̇ам̣ аараб̣бха…бз… подтаб̣б̣ам̣ аараб̣бха уббаж̇ж̇ад̇ийд̇и? на хзвам̣ вад̇д̇аб̣б̣з…бз….
578. Cakkhuviññāṇasamaṅgissa atthi maggabhāvanāti? Āmantā. Cakkhuviññāṇaṃ atītānāgataṃ ārabbha uppajjatīti? Na hevaṃ vattabbe…pe… cakkhuviññāṇasamaṅgissa atthi maggabhāvanāti? Āmantā. Cakkhuviññāṇaṃ phassaṃ ārabbha…pe… vedanaṃ ārabbha… saññaṃ ārabbha … cetanaṃ ārabbha… cittaṃ ārabbha… cakkhuṃ ārabbha… kāyaṃ ārabbha…pe… saddaṃ ārabbha…pe… phoṭṭhabbaṃ ārabbha uppajjatīti? Na hevaṃ vattabbe…pe….
мановин̃н̃аан̣асаман̇г̇исса ад̇т̇и маг̇г̇абхааванаа, мановин̃н̃аан̣ам̣ сун̃н̃ад̇ам̣ аараб̣бха уббаж̇ж̇ад̇ийд̇и? ааманд̇аа. жагкувин̃н̃аан̣асаман̇г̇исса ад̇т̇и маг̇г̇абхааванаа, жагкувин̃н̃аан̣ам̣ сун̃н̃ад̇ам̣ аараб̣бха уббаж̇ж̇ад̇ийд̇и? на хзвам̣ вад̇д̇аб̣б̣з…бз… мановин̃н̃аан̣асаман̇г̇исса ад̇т̇и маг̇г̇абхааванаа, мановин̃н̃аан̣ам̣ ад̇ийд̇аанааг̇ад̇ам̣ аараб̣бха уббаж̇ж̇ад̇ийд̇и? ааманд̇аа. жагкувин̃н̃аан̣асаман̇г̇исса ад̇т̇и маг̇г̇абхааванаа, жагкувин̃н̃аан̣ам̣ ад̇ийд̇аанааг̇ад̇ам̣ аараб̣бха уббаж̇ж̇ад̇ийд̇и? на хзвам̣ вад̇д̇аб̣б̣з…бз… мановин̃н̃аан̣асаман̇г̇исса ад̇т̇и маг̇г̇абхааванаа, мановин̃н̃аан̣ам̣ пассам̣ аараб̣бха… взд̣̇анам̣ аараб̣бха…бз… подтаб̣б̣ам̣ аараб̣бха уббаж̇ж̇ад̇ийд̇и? ааманд̇аа. жагкувин̃н̃аан̣асаман̇г̇исса ад̇т̇и маг̇г̇абхааванаа, жагкувин̃н̃аан̣ам̣ пассам̣ аараб̣бха… взд̣̇анам̣ аараб̣бха…бз… подтаб̣б̣ам̣ аараб̣бха уббаж̇ж̇ад̇ийд̇и? на хзвам̣ вад̇д̇аб̣б̣з…бз….
Manoviññāṇasamaṅgissa atthi maggabhāvanā, manoviññāṇaṃ suññataṃ ārabbha uppajjatīti? Āmantā. Cakkhuviññāṇasamaṅgissa atthi maggabhāvanā, cakkhuviññāṇaṃ suññataṃ ārabbha uppajjatīti? Na hevaṃ vattabbe…pe… manoviññāṇasamaṅgissa atthi maggabhāvanā, manoviññāṇaṃ atītānāgataṃ ārabbha uppajjatīti? Āmantā. Cakkhuviññāṇasamaṅgissa atthi maggabhāvanā, cakkhuviññāṇaṃ atītānāgataṃ ārabbha uppajjatīti? Na hevaṃ vattabbe…pe… manoviññāṇasamaṅgissa atthi maggabhāvanā, manoviññāṇaṃ phassaṃ ārabbha… vedanaṃ ārabbha…pe… phoṭṭhabbaṃ ārabbha uppajjatīti? Āmantā. Cakkhuviññāṇasamaṅgissa atthi maggabhāvanā, cakkhuviññāṇaṃ phassaṃ ārabbha… vedanaṃ ārabbha…pe… phoṭṭhabbaṃ ārabbha uppajjatīti? Na hevaṃ vattabbe…pe….
579. на вад̇д̇аб̣б̣ам̣ – ‘‘бан̃жавин̃н̃аан̣асаман̇г̇исса ад̇т̇и маг̇г̇абхааванаа’’д̇и? ааманд̇аа. нану вуд̇д̇ам̣ бхаг̇авад̇аа – ‘‘ид̇ха, бхигкавз, бхигку жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий…бз… сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий’’д̇и! 1 ад̇т̇зва суд̇д̇анд̇од̇и? ааманд̇аа . д̇зна хи бан̃жавин̃н̃аан̣асаман̇г̇исса ад̇т̇и маг̇г̇абхааванаад̇и.
579. Na vattabbaṃ – ‘‘pañcaviññāṇasamaṅgissa atthi maggabhāvanā’’ti? Āmantā. Nanu vuttaṃ bhagavatā – ‘‘idha, bhikkhave, bhikkhu cakkhunā rūpaṃ disvā na nimittaggāhī hoti nānubyañjanaggāhī…pe… sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā na nimittaggāhī hoti nānubyañjanaggāhī’’ti! 2 Attheva suttantoti? Āmantā . Tena hi pañcaviññāṇasamaṅgissa atthi maggabhāvanāti.
бан̃жавин̃н̃аан̣асаман̇г̇исса маг̇г̇агат̇аа нидтид̇аа.
Pañcaviññāṇasamaṅgissa maggakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. бан̃жавин̃н̃аан̣асаман̇г̇исса маг̇г̇агат̇ааван̣н̣анаа • 3. Pañcaviññāṇasamaṅgissa maggakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. бан̃жавин̃н̃аан̣асаман̇г̇иссамаг̇г̇агат̇ааван̣н̣анаа • 3. Pañcaviññāṇasamaṅgissamaggakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. бан̃жавин̃н̃аан̣асаман̇г̇иссамаг̇г̇агат̇ааван̣н̣анаа • 3. Pañcaviññāṇasamaṅgissamaggakathāvaṇṇanā
