| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
৩. পঞ্চৰিঞ্ঞাণসমঙ্গিস্সমগ্গকথাৰণ্ণনা
3. Pañcaviññāṇasamaṅgissamaggakathāvaṇṇanā
৫৭৬. লক্খণন্তি পঞ্চৰিঞ্ঞাণানং উপ্পন্নারম্মণতাদিঅৰিতথেকপ্পকারতালক্খণং। কামং মনোৰিঞ্ঞাণং অৰত্থুকম্পি হোতি, সৰত্থুকত্তে পন তম্পি উপ্পন্নৰত্থুকমেৰ। তথা হি পাল়িযং ঠপনাযং ‘‘হঞ্চি পঞ্চৰিঞ্ঞাণা উপ্পন্নারম্মণা’’ত্ৰেৰ ৰুত্তং। মনোৰিঞ্ঞাণস্সপি উপ্পন্নৰত্থুকতাপরিযাযো অত্থীতি ‘‘পঞ্চ ৰিঞ্ঞাণা’’তি অৰত্ৰা ‘‘ছ ৰিঞ্ঞাণা উপ্পন্নৰত্থুকা’’তি ৰুত্তে ‘‘নো চ ৰত রে ৰত্তব্বে পঞ্চৰিঞ্ঞাণসমঙ্গিস্স অত্থি মগ্গভাৰনা’’তি ৰত্তুং ন সক্কাতি দস্সেন্তো আহ ‘‘ছ ৰিঞ্ঞাণা…পে॰… অধিপ্পেত’’ন্তি।
576. Lakkhaṇanti pañcaviññāṇānaṃ uppannārammaṇatādiavitathekappakāratālakkhaṇaṃ. Kāmaṃ manoviññāṇaṃ avatthukampi hoti, savatthukatte pana tampi uppannavatthukameva. Tathā hi pāḷiyaṃ ṭhapanāyaṃ ‘‘hañci pañcaviññāṇā uppannārammaṇā’’tveva vuttaṃ. Manoviññāṇassapi uppannavatthukatāpariyāyo atthīti ‘‘pañca viññāṇā’’ti avatvā ‘‘cha viññāṇā uppannavatthukā’’ti vutte ‘‘no ca vata re vattabbe pañcaviññāṇasamaṅgissa atthi maggabhāvanā’’ti vattuṃ na sakkāti dassento āha ‘‘cha viññāṇā…pe… adhippeta’’nti.
৫৭৭. ‘‘অনিমিত্তং সুঞ্ঞতং অপ্পণিহিত’’ন্তি নিব্বানস্স তে পরিযাযা। চক্খুৰিঞ্ঞাণস্স অনিমিত্তগাহিভাৰে সুঞ্ঞতারম্মণতাপি সিযাতি ৰুত্তং ‘‘তদেৰ সুঞ্ঞতন্তি অধিপ্পাযো’’তি।
577. ‘‘Animittaṃ suññataṃ appaṇihita’’nti nibbānassa te pariyāyā. Cakkhuviññāṇassa animittagāhibhāve suññatārammaṇatāpi siyāti vuttaṃ ‘‘tadeva suññatanti adhippāyo’’ti.
পঞ্চৰিঞ্ঞাণসমঙ্গিস্সমগ্গকথাৰণ্ণনা নিট্ঠিতা।
Pañcaviññāṇasamaṅgissamaggakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৯৭) ৩. পঞ্চৰিঞ্ঞাণসমঙ্গিস্স মগ্গকথা • (97) 3. Pañcaviññāṇasamaṅgissa maggakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৩. পঞ্চৰিঞ্ঞাণসমঙ্গিস্স মগ্গকথাৰণ্ণনা • 3. Pañcaviññāṇasamaṅgissa maggakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৩. পঞ্চৰিঞ্ঞাণসমঙ্গিস্সমগ্গকথাৰণ্ণনা • 3. Pañcaviññāṇasamaṅgissamaggakathāvaṇṇanā
