| Library / Tipiṭaka / තිපිටක • Tipiṭaka / පඤ්‌චපකරණ-අනුටීකා • Pañcapakaraṇa-anuṭīkā |
3. පඤ්‌චවිඤ්‌ඤාණසමඞ්‌ගිස්‌සමග්‌ගකථාවණ්‌ණනා
3. Pañcaviññāṇasamaṅgissamaggakathāvaṇṇanā
576. ලක්‌ඛණන්‌ති පඤ්‌චවිඤ්‌ඤාණානං උප්‌පන්‌නාරම්‌මණතාදිඅවිතථෙකප්‌පකාරතාලක්‌ඛණං. කාමං මනොවිඤ්‌ඤාණං අවත්‌ථුකම්‌පි හොති, සවත්‌ථුකත්‌තෙ පන තම්‌පි උප්‌පන්‌නවත්‌ථුකමෙව. තථා හි පාළියං ඨපනායං ‘‘හඤ්‌චි පඤ්‌චවිඤ්‌ඤාණා උප්‌පන්‌නාරම්‌මණා’’ත්‌වෙව වුත්‌තං. මනොවිඤ්‌ඤාණස්‌සපි උප්‌පන්‌නවත්‌ථුකතාපරියායො අත්‌ථීති ‘‘පඤ්‌ච විඤ්‌ඤාණා’’ති අවත්‌වා ‘‘ඡ විඤ්‌ඤාණා උප්‌පන්‌නවත්‌ථුකා’’ති වුත්‌තෙ ‘‘නො ච වත රෙ වත්‌තබ්‌බෙ පඤ්‌චවිඤ්‌ඤාණසමඞ්‌ගිස්‌ස අත්‌ථි මග්‌ගභාවනා’’ති වත්‌තුං න සක්‌කාති දස්‌සෙන්‌තො ආහ ‘‘ඡ විඤ්‌ඤාණා…පෙ.… අධිප්‌පෙත’’න්‌ති.
576. Lakkhaṇanti pañcaviññāṇānaṃ uppannārammaṇatādiavitathekappakāratālakkhaṇaṃ. Kāmaṃ manoviññāṇaṃ avatthukampi hoti, savatthukatte pana tampi uppannavatthukameva. Tathā hi pāḷiyaṃ ṭhapanāyaṃ ‘‘hañci pañcaviññāṇā uppannārammaṇā’’tveva vuttaṃ. Manoviññāṇassapi uppannavatthukatāpariyāyo atthīti ‘‘pañca viññāṇā’’ti avatvā ‘‘cha viññāṇā uppannavatthukā’’ti vutte ‘‘no ca vata re vattabbe pañcaviññāṇasamaṅgissa atthi maggabhāvanā’’ti vattuṃ na sakkāti dassento āha ‘‘cha viññāṇā…pe… adhippeta’’nti.
577. ‘‘අනිමිත්‌තං සුඤ්‌ඤතං අප්‌පණිහිත’’න්‌ති නිබ්‌බානස්‌ස තෙ පරියායා. චක්‌ඛුවිඤ්‌ඤාණස්‌ස අනිමිත්‌තගාහිභාවෙ සුඤ්‌ඤතාරම්‌මණතාපි සියාති වුත්‌තං ‘‘තදෙව සුඤ්‌ඤතන්‌ති අධිප්‌පායො’’ති.
577. ‘‘Animittaṃ suññataṃ appaṇihita’’nti nibbānassa te pariyāyā. Cakkhuviññāṇassa animittagāhibhāve suññatārammaṇatāpi siyāti vuttaṃ ‘‘tadeva suññatanti adhippāyo’’ti.
පඤ්‌චවිඤ්‌ඤාණසමඞ්‌ගිස්‌සමග්‌ගකථාවණ්‌ණනා නිට්‌ඨිතා.
Pañcaviññāṇasamaṅgissamaggakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (97) 3. පඤ්‌චවිඤ්‌ඤාණසමඞ්‌ගිස්‌ස මග්‌ගකථා • (97) 3. Pañcaviññāṇasamaṅgissa maggakathā
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 3. පඤ්‌චවිඤ්‌ඤාණසමඞ්‌ගිස්‌ස මග්‌ගකථාවණ්‌ණනා • 3. Pañcaviññāṇasamaṅgissa maggakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 3. පඤ්‌චවිඤ්‌ඤාණසමඞ්‌ගිස්‌සමග්‌ගකථාවණ්‌ණනා • 3. Pañcaviññāṇasamaṅgissamaggakathāvaṇṇanā
