| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
бан̃жавийсад̇иавахаарагат̇ааван̣н̣анаа
Pañcavīsatiavahārakathāvaṇṇanā
аагулаад̇и сан̇гулаа. лул̣ид̇аад̇и вилол̣ид̇аа. гад̇т̇ажийд̇и згиссааяа адтагат̇ааяам̣. згам̣ бан̃жагам̣ д̣̇ассид̇анд̇и ‘‘барабариг̇г̇ахид̇ан̃жа ход̇и, барабариг̇г̇ахид̇асан̃н̃ий жа, г̇аруго жа ход̇и баригкааро бан̃жамаасаго ваа ад̇ирзгабан̃жамаасаго ваа, т̇зяяажид̇д̇ан̃жа бажжубадтид̇ам̣ ход̇и, аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игассаа’’д̇и (баараа. 122) звам̣ вуд̇д̇абан̃жаавахааран̇г̇аани згам̣ бан̃жаганд̇и д̣̇ассид̇ам̣. д̣̇вз бан̃жагаани д̣̇ассид̇аанийд̇и ‘‘чахаагаарзхи ад̣̇иннам̣ аад̣̇ияанд̇асса аабад̇д̇и баарааж̇игасса. на жа сагасан̃н̃ий, на жа виссаасаг̇г̇аахий, на жа д̇аавагаалигам̣, г̇аруго жа ход̇и баригкааро бан̃жамаасаго ваа ад̇ирзгабан̃жамаасаго ваа, т̇зяяажид̇д̇ан̃жа бажжубадтид̇ам̣ ход̇и, аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игассаа’’д̇и звам̣ вуд̇д̇зсу часу бад̣̇зсу згам̣ абанзд̇ваа авасзсаани бан̃жа бад̣̇аани згам̣ бан̃жаганд̇и д̣̇ассзд̇ваа хздтаа вуд̇д̇абан̃жаган̃жа г̇ахзд̇ваа д̣̇вз бан̃жагаани д̣̇ассид̇аани. зд̇т̇а банаад̇и ‘‘бан̃жахаагаарзхи ад̣̇иннам̣ аад̣̇ияанд̇ассаа’’д̇иаад̣̇ийсу. саб̣б̣зхиби бад̣̇зхийд̇и ‘‘барабариг̇г̇ахид̇ан̃жа ход̇ий’’д̇иаад̣̇ийхи бад̣̇зхи. лаб̣бхамаанааниязва бан̃жагаанийд̇и бан̃жавийсад̇ияаа авахаарзсу лаб̣бхамаанабан̃жагаани.
Ākulāti saṅkulā. Luḷitāti viloḷitā. Katthacīti ekissāya aṭṭhakathāyaṃ. Ekaṃ pañcakaṃ dassitanti ‘‘parapariggahitañca hoti, parapariggahitasaññī ca, garuko ca hoti parikkhāro pañcamāsako vā atirekapañcamāsako vā, theyyacittañca paccupaṭṭhitaṃ hoti, āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassā’’ti (pārā. 122) evaṃ vuttapañcaavahāraṅgāni ekaṃ pañcakanti dassitaṃ. Dve pañcakāni dassitānīti ‘‘chahākārehi adinnaṃ ādiyantassa āpatti pārājikassa. Na ca sakasaññī, na ca vissāsaggāhī, na ca tāvakālikaṃ, garuko ca hoti parikkhāro pañcamāsako vā atirekapañcamāsako vā, theyyacittañca paccupaṭṭhitaṃ hoti, āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassā’’ti evaṃ vuttesu chasu padesu ekaṃ apanetvā avasesāni pañca padāni ekaṃ pañcakanti dassetvā heṭṭhā vuttapañcakañca gahetvā dve pañcakāni dassitāni. Ettha panāti ‘‘pañcahākārehi adinnaṃ ādiyantassā’’tiādīsu. Sabbehipi padehīti ‘‘parapariggahitañca hotī’’tiādīhi padehi. Labbhamānāniyeva pañcakānīti pañcavīsatiyā avahāresu labbhamānapañcakāni.
бан̃жаннам̣ авахаараанам̣ самуухо бан̃жагам̣, саго хад̇т̇о сахад̇т̇о, д̇зна ниб̣б̣ад̇д̇о, д̇асса ваа самб̣анд̇хийд̇и саахад̇т̇иго, авахааро. саахад̇т̇игаад̣̇и бан̃жагам̣ саахад̇т̇игабан̃жаганд̇и аад̣̇ибад̣̇авасзна наамалаабхо д̣̇адтаб̣б̣о гусалаад̣̇ид̇д̇игасса гусалад̇д̇игавохааро вияа. иминаава наязна буб̣б̣абаяог̇аад̣̇и бан̃жагам̣ буб̣б̣абаяог̇абан̃жагам̣, т̇зяяаавахаараад̣̇и бан̃жагам̣ т̇зяяаавахаарабан̃жаганд̇и наамалаабхо д̣̇адтаб̣б̣од̇и. д̇ад̇ияабан̃жамзсу бан̃жагзсууд̇и саахад̇т̇игабан̃жагат̇зяяаавахаарабан̃жагзсу. лаб̣бхамаанабад̣̇авасзнаад̇и саахад̇т̇игабан̃жагз лаб̣бхамаанасса ниссаг̇г̇ияаавахаарабад̣̇асса васзна т̇зяяаавахаарабан̃жагз лаб̣бхамаанасса баригаббаавахаарабад̣̇асса жа васзна яож̇зд̇аб̣б̣анд̇и ад̇т̇о.
Pañcannaṃ avahārānaṃ samūho pañcakaṃ, sako hattho sahattho, tena nibbatto, tassa vā sambandhīti sāhatthiko, avahāro. Sāhatthikādi pañcakaṃ sāhatthikapañcakanti ādipadavasena nāmalābho daṭṭhabbo kusalādittikassa kusalattikavohāro viya. Imināva nayena pubbapayogādi pañcakaṃ pubbapayogapañcakaṃ, theyyāvahārādi pañcakaṃ theyyāvahārapañcakanti nāmalābho daṭṭhabboti. Tatiyapañcamesu pañcakesūti sāhatthikapañcakatheyyāvahārapañcakesu. Labbhamānapadavasenāti sāhatthikapañcake labbhamānassa nissaggiyāvahārapadassa vasena theyyāvahārapañcake labbhamānassa parikappāvahārapadassa ca vasena yojetabbanti attho.
аан̣ад̇д̇ияаа ниб̣б̣ад̇д̇о авахааро аан̣ад̇д̇иго. ниссаж̇ж̇анам̣ ниссаг̇г̇о, сун̇гагхаад̇адтаанз баригаббид̇огаасз ваа тад̇ваа бхан̣д̣асса б̣ахи баад̇анам̣. ниссаг̇г̇ова ниссаг̇г̇ияо. гирияаасид̣̇д̇хид̇о бурзд̇арамзва баарааж̇игаабад̇д̇исан̇каад̇ам̣ ад̇т̇ам̣ саад̇хзд̇ийд̇и ад̇т̇асаад̇хаго. ‘‘асугасса бхан̣д̣ам̣ яад̣̇аа саггоси, д̇ад̣̇аа авахараа’’д̇и зваруубо хи аан̣аабанабаяог̇о барасса д̇злагумбхияаа баад̣̇аг̇гханагам̣ д̇злам̣ авассам̣ биванагаанам̣ убааханаад̣̇ийнам̣ нигкзбабаяог̇о жа аан̣ад̇д̇асса бхан̣д̣аг̇г̇ахан̣ад̇о убааханаад̣̇ийнам̣ д̇злабаад̇анад̇о жа бурзд̇арамзва баарааж̇игаабад̇д̇исан̇каад̇ам̣ ад̇т̇ам̣ саад̇хзд̇и. саахад̇т̇игабаяог̇оби хи зваруубо ад̇т̇асаад̇хагод̇и вужжад̇и. вуд̇д̇ан̃хзд̇ам̣ маад̇игаадтагат̇ааяам̣ (ган̇каа. адта. д̣̇уд̇ияабаарааж̇игаван̣н̣анаа) –
Āṇattiyā nibbatto avahāro āṇattiko. Nissajjanaṃ nissaggo, suṅkaghātaṭṭhāne parikappitokāse vā ṭhatvā bhaṇḍassa bahi pātanaṃ. Nissaggova nissaggiyo. Kiriyāsiddhito puretarameva pārājikāpattisaṅkhātaṃ atthaṃ sādhetīti atthasādhako. ‘‘Asukassa bhaṇḍaṃ yadā sakkosi, tadā avaharā’’ti evarūpo hi āṇāpanapayogo parassa telakumbhiyā pādagghanakaṃ telaṃ avassaṃ pivanakānaṃ upāhanādīnaṃ nikkhepapayogo ca āṇattassa bhaṇḍaggahaṇato upāhanādīnaṃ telapātanato ca puretarameva pārājikāpattisaṅkhātaṃ atthaṃ sādheti. Sāhatthikapayogopi hi evarūpo atthasādhakoti vuccati. Vuttañhetaṃ mātikāṭṭhakathāyaṃ (kaṅkhā. aṭṭha. dutiyapārājikavaṇṇanā) –
‘‘ад̇т̇асаад̇хаго наама ‘асугасса бхан̣д̣ам̣ яад̣̇аа саггоси, д̇ад̣̇аа д̇ам̣ авахараа’д̇и аан̣аабзд̇и. д̇ад̇т̇а сажз баро ананд̇арааяиго худ̇ваа д̇ам̣ авахарад̇и, аан̣аабагасса аан̣ад̇д̇игкан̣зязва баарааж̇игам̣. барасса ваа бана д̇злагумбхияаа баад̣̇аг̇гханагам̣ д̇злам̣ авассам̣ биванагаани убааханаад̣̇ийни багкибад̇и, хад̇т̇ад̇о муд̇д̇амад̇д̇зязва баарааж̇ига’’нд̇и.
‘‘Atthasādhako nāma ‘asukassa bhaṇḍaṃ yadā sakkosi, tadā taṃ avaharā’ti āṇāpeti. Tattha sace paro anantarāyiko hutvā taṃ avaharati, āṇāpakassa āṇattikkhaṇeyeva pārājikaṃ. Parassa vā pana telakumbhiyā pādagghanakaṃ telaṃ avassaṃ pivanakāni upāhanādīni pakkhipati, hatthato muttamatteyeva pārājika’’nti.
д̇хурасса нигкибанам̣ д̇хуранигкзбо. аараамаабхияун̃ж̇анаад̣̇ийсу ад̇д̇ано жа барасса жа д̣̇аанаг̇г̇ахан̣зсу нируссаахабхааваабаж̇ж̇анам̣. сахад̇т̇аа авахарад̇ийд̇и сахад̇т̇зна г̇ан̣хаад̇и. ‘‘асугасса бхан̣д̣ам̣ авахараа’’д̇и ан̃н̃ам̣ аан̣аабзд̇ийд̇и зд̇т̇ааби аан̣аабагасса аан̣ад̇д̇игкан̣зязва аабад̇д̇и д̣̇адтаб̣б̣аа. яад̣̇и звам̣ имасса, ад̇т̇асаад̇хагасса жа го висзсод̇и? д̇ан̇кан̣ан̃н̃зва г̇ахан̣з нияун̃ж̇анам̣ аан̣ад̇д̇игабаяог̇о, гааланд̇арзна г̇ахан̣ад̇т̇ам̣ нияог̇о ад̇т̇асаад̇хагод̇и аяамзд̇зсам̣ висзсо. д̇знзвааха – ‘‘асугасса бхан̣д̣ам̣ яад̣̇аа саггоси, д̇ад̣̇аа авахараад̇и аан̣аабзд̇ий’’д̇и. зд̇т̇а жа аан̣аабанабаяог̇ова ад̇т̇асаад̇хагод̇и д̣̇ассид̇о, саахад̇т̇игавасзнаби ад̇т̇асаад̇хагабаяог̇о бана убари аави бхависсад̇и. д̇хуранигкзбо бана убанигкид̇д̇абхан̣д̣авасзна взд̣̇ид̇аб̣б̣од̇и ид̣̇ам̣ нид̣̇ассанамад̇д̇ам̣. аараамаабхияун̃ж̇анаад̣̇ийсуби д̇аавагаалигабхан̣д̣ад̣̇зяяаанам̣ ад̣̇аанзби зсзва наяо.
Dhurassa nikkhipanaṃ dhuranikkhepo. Ārāmābhiyuñjanādīsu attano ca parassa ca dānaggahaṇesu nirussāhabhāvāpajjanaṃ. Sahatthā avaharatīti sahatthena gaṇhāti. ‘‘Asukassa bhaṇḍaṃ avaharā’’ti aññaṃ āṇāpetīti etthāpi āṇāpakassa āṇattikkhaṇeyeva āpatti daṭṭhabbā. Yadi evaṃ imassa, atthasādhakassa ca ko visesoti? Taṅkhaṇaññeva gahaṇe niyuñjanaṃ āṇattikapayogo, kālantarena gahaṇatthaṃ niyogo atthasādhakoti ayametesaṃ viseso. Tenevāha – ‘‘asukassa bhaṇḍaṃ yadā sakkosi, tadā avaharāti āṇāpetī’’ti. Ettha ca āṇāpanapayogova atthasādhakoti dassito, sāhatthikavasenapi atthasādhakapayogo pana upari āvi bhavissati. Dhuranikkhepo pana upanikkhittabhaṇḍavasena veditabboti idaṃ nidassanamattaṃ. Ārāmābhiyuñjanādīsupi tāvakālikabhaṇḍadeyyānaṃ adānepi eseva nayo.
‘‘аан̣ад̇д̇ивасзна буб̣б̣абаяог̇о взд̣̇ид̇аб̣б̣о’’д̇и вуд̇д̇ад̇д̇аа ананд̇арааязна г̇ан̣ханд̇асса ‘асугасса бхан̣д̣ам̣ авахараа’д̇и аан̣аабанам̣ бхан̣д̣аг̇г̇ахан̣ад̇о буб̣б̣ад̇д̇аа буб̣б̣абаяог̇о, баяог̇зна саха вад̇д̇амаано авахааро сахабаяог̇о, ‘‘асугам̣ наама бхан̣д̣ам̣ хариссаамаа’’д̇и сам̣вид̣̇ахид̇ваа самманд̇аяид̇ваа авахаран̣ам̣ сам̣вид̣̇аавахааро. сан̇гзд̇агаммам̣ наама буб̣б̣ан̣хаад̣̇игаалабарижчзд̣̇авасзна сан̃ж̇аананагаммам̣, нимид̇д̇агаммам̣ наама сан̃н̃уббаад̣̇анад̇т̇ам̣ агкиникан̣анаад̣̇инимид̇д̇агаран̣ам̣. таанаажааванавасзна сахабаяог̇од̇и ид̣̇ам̣ бана нид̣̇ассанамад̇д̇ам̣ д̣̇адтаб̣б̣ам̣, киласан̇гаманаад̣̇ийсуби асад̇и жа таанаажааванз сахабаяог̇о д̣̇адтаб̣б̣о. вуд̇д̇ан̃хзд̇ам̣ маад̇игаадтагат̇ааяам̣ (ган̇каа. адта. д̣̇уд̇ияабаарааж̇игаван̣н̣анаа) ‘‘таанаажааванавасзна килаад̣̇ийни сан̇гаамзд̇ваа кзд̇д̇аад̣̇иг̇г̇ахан̣авасзна жа сахабаяог̇о взд̣̇ид̇аб̣б̣о’’д̇и.
‘‘Āṇattivasenapubbapayogo veditabbo’’ti vuttattā anantarāyena gaṇhantassa ‘asukassa bhaṇḍaṃ avaharā’ti āṇāpanaṃ bhaṇḍaggahaṇato pubbattā pubbapayogo, payogena saha vattamāno avahāro sahapayogo, ‘‘asukaṃ nāma bhaṇḍaṃ harissāmā’’ti saṃvidahitvā sammantayitvā avaharaṇaṃ saṃvidāvahāro. Saṅketakammaṃ nāma pubbaṇhādikālaparicchedavasena sañjānanakammaṃ, nimittakammaṃ nāma saññuppādanatthaṃ akkhinikhaṇanādinimittakaraṇaṃ. Ṭhānācāvanavasena sahapayogoti idaṃ pana nidassanamattaṃ daṭṭhabbaṃ, khilasaṅkamanādīsupi asati ca ṭhānācāvane sahapayogo daṭṭhabbo. Vuttañhetaṃ mātikāṭṭhakathāyaṃ (kaṅkhā. aṭṭha. dutiyapārājikavaṇṇanā) ‘‘ṭhānācāvanavasena khilādīni saṅkāmetvā khettādiggahaṇavasena ca sahapayogo veditabbo’’ti.
т̇зно вужжад̇и жоро, д̇асса бхааво т̇зяяам̣, д̇зна авахаран̣ам̣ т̇зяяаавахааро. яо хи санд̇хижчзд̣̇аад̣̇ийни гад̇ваа ад̣̇иссамаано авахарад̇и, д̇улаагуудамаанагуудагуудагахаабан̣аад̣̇ийхи ваа ван̃жзд̇ваа г̇ан̣хаад̇и, д̇ассзвам̣ г̇ан̣хад̇о авахааро т̇зяяаавахааро. басаяха абхибхавид̇ваа авахаран̣ам̣ басаяхаавахааро. яо хи басаяха б̣алаггаарзна барзсам̣ санд̇агам̣ г̇ан̣хаад̇и г̇аамагхаад̇агаад̣̇аяо вияа, ад̇д̇ано бад̇д̇аб̣алид̇о ваа вуд̇д̇анаязна ад̇хигам̣ г̇ан̣хаад̇и рааж̇абхадаад̣̇аяо вияа, д̇ассзвам̣ г̇ан̣хад̇о авахааро басаяхаавахааро. бхан̣д̣авасзна жа огаасавасзна жа баригаббзд̇ваа авахаран̣ам̣ баригаббаавахааро. д̇ин̣абан̣н̣аад̣̇ийхи ан̇г̇улимуд̣̇д̣̇игаад̣̇им̣ бадижчаад̣̇зд̇ваа бажчаа д̇асса бадижчаннасса авахаран̣ам̣ бадижчаннаавахааро. гусам̣ сан̇гаамзд̇ваа авахаран̣ам̣ гусаавахааро.
Theno vuccati coro, tassa bhāvo theyyaṃ, tena avaharaṇaṃ theyyāvahāro. Yo hi sandhicchedādīni katvā adissamāno avaharati, tulākūṭamānakūṭakūṭakahāpaṇādīhi vā vañcetvā gaṇhāti, tassevaṃ gaṇhato avahāro theyyāvahāro. Pasayha abhibhavitvā avaharaṇaṃ pasayhāvahāro. Yo hi pasayha balakkārena paresaṃ santakaṃ gaṇhāti gāmaghātakādayo viya, attano pattabalito vā vuttanayena adhikaṃ gaṇhāti rājabhaṭādayo viya, tassevaṃ gaṇhato avahāro pasayhāvahāro. Bhaṇḍavasena ca okāsavasena ca parikappetvā avaharaṇaṃ parikappāvahāro. Tiṇapaṇṇādīhi aṅgulimuddikādiṃ paṭicchādetvā pacchā tassa paṭicchannassa avaharaṇaṃ paṭicchannāvahāro. Kusaṃ saṅkāmetvā avaharaṇaṃ kusāvahāro.
д̇улаяид̇ваад̇и убабаригкид̇ваа. саамийжийд̇и вад̇д̇ам̣, аабад̇д̇и бана над̇т̇ийд̇и ад̇хиббааяо. махааж̇анасаммад̣̇д̣̇од̇и махааж̇анасан̇кобхо. бхадтз ж̇анагааязд̇и абаг̇ад̇з ж̇анагааяз. ‘‘ид̣̇ан̃жа гаасаавам̣ ад̇д̇ано санд̇агам̣ гад̇ваа зд̇ассзва бхигкуно д̣̇зхий’’д̇и гим̣гааран̣аа звамааха? жийварасаамигзна яасмаа д̇хуранигкзбо гад̇о, д̇асмаа д̇асса ад̣̇иннам̣ г̇ахзд̇ум̣ на ваддад̇и. авахаарагоби виббадисаарасса уббаннагаалад̇о бадтааяа жийварасаамигам̣ бариязсанд̇о вижарад̇и ‘‘д̣̇ассаамий’’д̇и, жийварасаамигзна жа ‘‘мамзд̇а’’нд̇и вуд̇д̇з зд̇знаби авахаарагзна аалаяо барижжад̇д̇о, д̇асмаа звамааха. яад̣̇и звам̣ жийварасаамигоязва ‘‘ад̇д̇ано санд̇агам̣ г̇ан̣хаахий’’д̇и гасмаа на вуд̇д̇од̇и? убхиннамби гуггужжавинод̣̇анад̇т̇ам̣. гат̇ам̣? авахаарагасса ‘‘маяаа сахад̇т̇зна на д̣̇иннам̣, бхан̣д̣ад̣̇зяяамзд̇а’’нд̇и гуггужжам̣ уббаж̇ж̇зяяа, ид̇арасса ‘‘маяаа батамам̣ д̇хуранигкзбам̣ гад̇ваа бажчаа ад̣̇иннам̣ г̇ахид̇а’’нд̇и гуггужжам̣ уббаж̇ж̇зяяаад̇и.
Tulayitvāti upaparikkhitvā. Sāmīcīti vattaṃ, āpatti pana natthīti adhippāyo. Mahājanasammaddoti mahājanasaṅkhobho. Bhaṭṭhe janakāyeti apagate janakāye. ‘‘Idañca kāsāvaṃ attano santakaṃ katvā etasseva bhikkhuno dehī’’ti kiṃkāraṇā evamāha? Cīvarasāmikena yasmā dhuranikkhepo kato, tasmā tassa adinnaṃ gahetuṃ na vaṭṭati. Avahārakopi vippaṭisārassa uppannakālato paṭṭhāya cīvarasāmikaṃ pariyesanto vicarati ‘‘dassāmī’’ti, cīvarasāmikena ca ‘‘mameta’’nti vutte etenapi avahārakena ālayo pariccatto, tasmā evamāha. Yadi evaṃ cīvarasāmikoyeva ‘‘attano santakaṃ gaṇhāhī’’ti kasmā na vuttoti? Ubhinnampi kukkuccavinodanatthaṃ. Kathaṃ? Avahārakassa ‘‘mayā sahatthena na dinnaṃ, bhaṇḍadeyyameta’’nti kukkuccaṃ uppajjeyya, itarassa ‘‘mayā paṭhamaṃ dhuranikkhepaṃ katvā pacchā adinnaṃ gahita’’nti kukkuccaṃ uppajjeyyāti.
самаг̇гханд̇и аббаг̇гхам̣. д̣̇ааруад̇т̇ам̣ парад̇ийд̇и д̣̇ааруухи гад̇д̇аб̣б̣агижжам̣ саад̇хзд̇и. маяи санд̇зд̇иаад̣̇и саб̣б̣ам̣ ран̃н̃аа басаад̣̇зна вуд̇д̇ам̣, ‘‘т̇зрзна бана ананужчавигам̣ гад̇а’’нд̇и на ман̃н̃ид̇аб̣б̣ам̣.
Samagghanti appagghaṃ. Dāruatthaṃ pharatīti dārūhi kattabbakiccaṃ sādheti. Mayi santetiādi sabbaṃ raññā pasādena vuttaṃ, ‘‘therena pana ananucchavikaṃ kata’’nti na maññitabbaṃ.
згад̣̇ивасам̣ д̣̇анд̇агадтажчзд̣̇анаад̣̇инаа яаа аяам̣ аг̇гхахаани вуд̇д̇аа, саа саб̣б̣аа бхан̣д̣асааминаа
Ekadivasaṃ dantakaṭṭhacchedanādinā yā ayaṃ agghahāni vuttā, sā sabbā bhaṇḍasāminā
гин̣ид̇ваа г̇ахид̇амзва санд̇хааяа вуд̇д̇аа, саб̣б̣ам̣ банзд̇ам̣ адтагат̇аажарияаббамаан̣зна г̇ахзд̇аб̣б̣ам̣. баасаан̣ан̃жа сагкаран̃жа баасаан̣асагкарам̣. д̇хаарзяяад̇т̇ам̣ вижагкан̣од̇и имассзва виваран̣ам̣ ‘‘аабад̇д̇им̣ ваа анаабад̇д̇им̣ ваа’’д̇иаад̣̇и.
Kiṇitvā gahitameva sandhāya vuttā, sabbaṃ panetaṃ aṭṭhakathācariyappamāṇena gahetabbaṃ. Pāsāṇañca sakkharañca pāsāṇasakkharaṃ. Dhāreyyatthaṃ vicakkhaṇoti imasseva vivaraṇaṃ ‘‘āpattiṃ vā anāpattiṃ vā’’tiādi.
бан̃жавийсад̇иавахаарагат̇ааван̣н̣анаа нидтид̇аа.
Pañcavīsatiavahārakathāvaṇṇanā niṭṭhitā.
агкад̣̇ассаад̇и зд̇т̇а агка-сад̣̇д̣̇зна гира винижчаяасаалаа вужжад̇и. д̇ад̇т̇а нисийд̣̇ид̇ваа важ̇ж̇ааваж̇ж̇ам̣ бассанд̇ийд̇и агкад̣̇ассаа вужжанд̇и д̇хаммавинижчанагаа. ханзяяунд̇и зд̇т̇а хананам̣ наама хад̇т̇абаад̣̇аад̣̇ийхи бот̇анан̃жзва сийсаад̣̇ижчзд̣̇анан̃жа ход̇ийд̇и ааха – ‘‘ханзяяунд̇и бот̇зяяун̃жзва чинд̣̇зяяун̃жаа’’д̇и. д̇знзва бад̣̇абхааж̇анияан̃жа ‘‘хад̇т̇зна ваа баад̣̇зна ваа гасааяа ваа взд̇д̇зна ваа ад̣дхад̣̇ан̣д̣агзна ваа чзж̇ж̇ааяа ваа ханзяяу’’нд̇и вуд̇д̇ам̣. д̇ад̇т̇а ад̣дхад̣̇ан̣д̣агзнаад̇и д̣̇вихад̇т̇аббамаан̣зна рассамуг̇г̇арзна взл̣убзсигааяа ваа. чзж̇ж̇ааяаад̇и хад̇т̇абаад̣̇асийсаад̣̇ийнам̣ чзд̣̇анзна. нийхарзяяунд̇и г̇ааманиг̇амаад̣̇ид̇о нийхарзяяум̣. жороси…бз… т̇зносийд̇и зд̇т̇а ‘‘барибхаасзяяу’’нд̇и бад̣̇ам̣ аж̇жхаахарид̇ваа ад̇т̇о взд̣̇ид̇аб̣б̣од̇и ааха ‘‘жоросийд̇и звамаад̣̇ийни жа вад̇ваа барибхаасзяяу’’нд̇и.
Akkhadassāti ettha akkha-saddena kira vinicchayasālā vuccati. Tattha nisīditvā vajjāvajjaṃ passantīti akkhadassā vuccanti dhammavinicchanakā. Haneyyunti ettha hananaṃ nāma hatthapādādīhi pothanañceva sīsādicchedanañca hotīti āha – ‘‘haneyyunti potheyyuñceva chindeyyuñcā’’ti. Teneva padabhājaniyañca ‘‘hatthena vā pādena vā kasāya vā vettena vā aḍḍhadaṇḍakena vā chejjāya vā haneyyu’’nti vuttaṃ. Tattha aḍḍhadaṇḍakenāti dvihatthappamāṇena rassamuggarena veḷupesikāya vā. Chejjāyāti hatthapādasīsādīnaṃ chedanena. Nīhareyyunti gāmanigamādito nīhareyyuṃ. Corosi…pe… thenosīti ettha ‘‘paribhāseyyu’’nti padaṃ ajjhāharitvā attho veditabboti āha ‘‘corosīti evamādīni ca vatvā paribhāseyyu’’nti.
93. яам̣ д̇ам̣ бхан̣д̣ам̣ д̣̇ассид̇анд̇и самб̣анд̇хо. яад̇т̇а яад̇т̇а тид̇анд̇и бхуумиаад̣̇ийсу яад̇т̇а яад̇т̇а тид̇ам̣. яат̇аа яат̇аа аад̣̇аанам̣ г̇ажчад̇ийд̇и бхуумиаад̣̇ийсу тид̇ам̣ бхан̣д̣ам̣ саб̣б̣асо аг̇г̇ахан̣зби язна язна аагаарзна г̇ахан̣ам̣ убаг̇ажчад̇и.
93. Yaṃ taṃ bhaṇḍaṃ dassitanti sambandho. Yattha yattha ṭhitanti bhūmiādīsu yattha yattha ṭhitaṃ. Yathā yathā ādānaṃ gacchatīti bhūmiādīsu ṭhitaṃ bhaṇḍaṃ sabbaso aggahaṇepi yena yena ākārena gahaṇaṃ upagacchati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жавийсад̇иавахаарагат̇ааван̣н̣анаа • Pañcavīsatiavahārakathāvaṇṇanā
