| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бан̃жавийсад̇иавахаарагат̇ааван̣н̣анаа
Pañcavīsatiavahārakathāvaṇṇanā
бан̃жавийсад̇и авахаараа наама важанабхзд̣̇знзва бхиннаа, ад̇т̇ад̇о бана абхиннаа. аагулаа д̣̇увин̃н̃зяяавинижчаяаад̇и аажарияаанам̣ мукз санд̇игз саб̣б̣аагаарзна аг̇г̇ахид̇авинижчаяаанам̣ д̣̇увин̃н̃зяяаа. д̣̇угад̇игабадтаанабаал̣и (бадтаа. 5.1.1 аад̣̇аяо, д̣̇угад̇игабадтаанабаал̣и) вияа аагулаа д̣̇увин̃н̃зяяавинижчаяаа, гзвалам̣ д̇ам̣ аажарияаа буб̣б̣аабаравирод̇хамагад̇ваа сан̇г̇ийд̇ид̇о бадтааяа ааг̇ад̇анаяамавинаасзд̇ваа ван̣н̣аяанд̇ийд̇и ‘‘бадтаанабаал̣имиваад̇и абарз вад̣̇анд̇ий’’д̇и жа вуд̇д̇аа. бораан̣аад̇и сан̇г̇ийд̇иаажарияаа. аяамзд̇т̇а саамийжи зва, сажз на д̣̇зд̇и, аабад̇д̇и над̇т̇и, баарааж̇игабхаяаа бана яат̇аа сигкаагаамо д̣̇зд̇и, звам̣ д̣̇аад̇аб̣б̣амзва. яаани банзд̇т̇а вад̇т̇ууни, д̇аани сийхал̣ад̣̇ийбз аажариязхи сан̇гхаад̣̇ийнаманумад̇ияаа адтагат̇аасу багкид̇д̇аани, ‘‘анааг̇ад̇з б̣рахмажаарийнам̣ хид̇ад̇т̇ааяа бод̇т̇агаарул̣хагаалад̇о бажчаабий’’д̇и вуд̇д̇ам̣. аан̣ад̇д̇игам̣ аан̣ад̇д̇игкан̣зби г̇ан̣хаад̇и, гааланд̇арзнааби ад̇т̇асаад̇хаго, гааланд̇арам̣ санд̇хааяаад̇и ид̣̇амзд̇зсам̣ наанад̇д̇ам̣. бхадтзд̇и абаг̇ад̇з. анд̇арасамуд̣̇д̣̇з ад̇урумухуд̣̇з. парад̇и саад̇хзд̇и. навад̇ход̇од̇и навагад̇о. баасаан̣асагкаранд̇и баасаан̣ан̃жа сагкаран̃жа.
Pañcavīsati avahārā nāma vacanabhedeneva bhinnā, atthato pana abhinnā. Ākulā duviññeyyavinicchayāti ācariyānaṃ mukhe santike sabbākārena aggahitavinicchayānaṃ duviññeyyā. Dukatikapaṭṭhānapāḷi (paṭṭhā. 5.1.1 ādayo, dukatikapaṭṭhānapāḷi) viya ākulā duviññeyyavinicchayā, kevalaṃ taṃ ācariyā pubbāparavirodhamakatvā saṅgītito paṭṭhāya āgatanayamavināsetvā vaṇṇayantīti ‘‘paṭṭhānapāḷimivāti apare vadantī’’ti ca vuttā. Porāṇāti saṅgītiācariyā. Ayamettha sāmīci eva, sace na deti, āpatti natthi, pārājikabhayā pana yathā sikkhākāmo deti, evaṃ dātabbameva. Yāni panettha vatthūni, tāni sīhaḷadīpe ācariyehi saṅghādīnamanumatiyā aṭṭhakathāsu pakkhittāni, ‘‘anāgate brahmacārīnaṃ hitatthāya potthakāruḷhakālato pacchāpī’’ti vuttaṃ. Āṇattikaṃ āṇattikkhaṇepi gaṇhāti, kālantarenāpi atthasādhako, kālantaraṃ sandhāyāti idametesaṃ nānattaṃ. Bhaṭṭheti apagate. Antarasamudde aturumuhude. Pharati sādheti. Navadhototi navakato. Pāsāṇasakkharanti pāsāṇañca sakkharañca.
