| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
бан̃жавийсад̇иавахаарагат̇ааван̣н̣анаа
Pañcavīsatiavahārakathāvaṇṇanā
гад̇т̇ажийд̇и згиссаа адтагат̇ааяам̣. згам̣ бан̃жагам̣ д̣̇ассид̇анд̇и ‘‘барабариг̇г̇ахид̇ан̃жа ход̇и, барабариг̇г̇ахид̇асан̃н̃ий жа, г̇аруго жа ход̇и баригкааро бан̃жамаасаго ваа ад̇ирзгабан̃жамаасаго ваа, т̇зяяажид̇д̇ан̃жа бажжубадтид̇ам̣ ход̇и, таанаа жаавзд̇ий’’д̇и (баараа. 122) вуд̇д̇абан̃жаавахааран̇г̇аани згам̣ бан̃жаганд̇и д̣̇ассид̇ам̣. д̣̇вз бан̃жагаани д̣̇ассид̇аанийд̇и ‘‘чахи аагаарзхи ад̣̇иннам̣ аад̣̇ияанд̇асса аабад̇д̇и баарааж̇игасса. на жа сагасан̃н̃ий, на жа виссаасаг̇г̇аахий, на жа д̇аавагаалигам̣, г̇аруго жа ход̇и баригкааро бан̃жамаасаго ваа ад̇ирзгабан̃жамаасаго ваа, т̇зяяажид̇д̇ан̃жа бажжубадтид̇ам̣ ход̇и, таанаа жаавзд̇и, аабад̇д̇и баарааж̇игассаа’’д̇и (баараа. 125) звам̣ вуд̇д̇зсу часу бад̣̇зсу згам̣ абанзд̇ваа сзсаани бан̃жа бад̣̇аани згам̣ бан̃жагам̣ гад̇ваа хздтаа вуд̇д̇абан̃жаган̃жа г̇ахзд̇ваа д̣̇вз бан̃жагаани д̣̇ассид̇аани. зд̇т̇а банаад̇и бан̃жахаагаарзхийд̇иаад̣̇ийсу. саб̣б̣зхиби бад̣̇зхийд̇и барабариг̇г̇ахид̇ан̃жа ход̇ийд̇иаад̣̇ийхи саб̣б̣зхи бан̃жахи бад̣̇зхи.
Katthacīti ekissā aṭṭhakathāyaṃ. Ekaṃ pañcakaṃ dassitanti ‘‘parapariggahitañca hoti, parapariggahitasaññī ca, garuko ca hoti parikkhāro pañcamāsako vā atirekapañcamāsako vā, theyyacittañca paccupaṭṭhitaṃ hoti, ṭhānā cāvetī’’ti (pārā. 122) vuttapañcaavahāraṅgāni ekaṃ pañcakanti dassitaṃ. Dve pañcakāni dassitānīti ‘‘chahi ākārehi adinnaṃ ādiyantassa āpatti pārājikassa. Na ca sakasaññī, na ca vissāsaggāhī, na ca tāvakālikaṃ, garuko ca hoti parikkhāro pañcamāsako vā atirekapañcamāsako vā, theyyacittañca paccupaṭṭhitaṃ hoti, ṭhānā cāveti, āpatti pārājikassā’’ti (pārā. 125) evaṃ vuttesu chasu padesu ekaṃ apanetvā sesāni pañca padāni ekaṃ pañcakaṃ katvā heṭṭhā vuttapañcakañca gahetvā dve pañcakāni dassitāni. Ettha panāti pañcahākārehītiādīsu. Sabbehipi padehīti parapariggahitañca hotītiādīhi sabbehi pañcahi padehi.
бан̃жаннам̣ авахаараанам̣ самуухо бан̃жагам̣. саго хад̇т̇о сахад̇т̇о, д̇зна ниб̣б̣ад̇д̇о, д̇асса ваа самб̣анд̇хийд̇и саахад̇т̇иго, авахааро. саахад̇т̇игаад̣̇и бан̃жагам̣ саахад̇т̇игабан̃жаганд̇иаад̣̇ибад̣̇авасзна наамалаабхо д̣̇адтаб̣б̣о. звам̣ сзсзсуби. д̇ад̇ияабан̃жамзсу бан̃жагзсууд̇и саахад̇т̇игабан̃жагат̇зяяаавахаарабан̃жагзсу. лаб̣бхамаанабад̣̇авасзнаад̇и саахад̇т̇игабан̃жагз лаб̣бхамаанасса ниссаг̇г̇ияаавахаарабад̣̇асса васзна, т̇зяяаавахаарабан̃жагз лаб̣бхамаанасса баригаббаавахаарабад̣̇асса жа васзна яож̇зд̇аб̣б̣анд̇и ад̇т̇о.
Pañcannaṃ avahārānaṃ samūho pañcakaṃ. Sako hattho sahattho, tena nibbatto, tassa vā sambandhīti sāhatthiko, avahāro. Sāhatthikādi pañcakaṃ sāhatthikapañcakantiādipadavasena nāmalābho daṭṭhabbo. Evaṃ sesesupi. Tatiyapañcamesu pañcakesūti sāhatthikapañcakatheyyāvahārapañcakesu. Labbhamānapadavasenāti sāhatthikapañcake labbhamānassa nissaggiyāvahārapadassa vasena, theyyāvahārapañcake labbhamānassa parikappāvahārapadassa ca vasena yojetabbanti attho.
ниссаг̇г̇ияо наама…бз… баарааж̇игассаад̇и иминаа б̣ахисун̇гагхаад̇абаад̇анам̣ ниссаг̇г̇ияабаяог̇од̇и д̣̇ассзд̇и. ‘‘хад̇т̇з бхаарам̣ т̇зяяажид̇д̇о бхуумияам̣ нигкибад̇и, аабад̇д̇и баарааж̇игассаа’’д̇и (баараа. 101) вуд̇д̇ад̇д̇аа бана суд̣̇д̇хажид̇д̇зна г̇ахид̇абарабхан̣д̣асса т̇зяяажид̇д̇зна г̇умб̣аад̣̇ибадижчаннадтаанз кибанамби имасмим̣ ниссаг̇г̇ияабаяог̇з сан̇г̇аяхад̇ийд̇и д̣̇адтаб̣б̣ам̣. гирияаасид̣̇д̇хид̇о бурзд̇арамзва баарааж̇игаабад̇д̇исан̇каад̇ам̣ ад̇т̇ам̣ саад̇хзд̇ийд̇и ад̇т̇асаад̇хаго. ат̇а ваа ад̇д̇ано вад̇д̇амаанагкан̣з авиж̇ж̇амаанамби гирияаасид̣̇д̇хисан̇каад̇ам̣ ад̇т̇ам̣ авассам̣ аабад̇д̇им̣ саад̇хзд̇ийд̇иби ад̇т̇асаад̇хаго. асугам̣ наама бхан̣д̣ам̣ яад̣̇аа саггосийд̇и ид̣̇ам̣ нид̣̇ассанамад̇д̇ам̣ барасса д̇злагумбхияаа убааханаад̣̇ийнам̣ нигкзбабаяог̇ассааби ад̇т̇асаад̇хагад̇д̇аа. д̇ат̇аа хи вуд̇д̇ам̣ маад̇игаадтагат̇ааяам̣ –
Nissaggiyo nāma…pe… pārājikassāti iminā bahisuṅkaghātapātanaṃ nissaggiyapayogoti dasseti. ‘‘Hatthe bhāraṃ theyyacitto bhūmiyaṃ nikkhipati, āpatti pārājikassā’’ti (pārā. 101) vuttattā pana suddhacittena gahitaparabhaṇḍassa theyyacittena gumbādipaṭicchannaṭṭhāne khipanampi imasmiṃ nissaggiyapayoge saṅgayhatīti daṭṭhabbaṃ. Kiriyāsiddhito puretarameva pārājikāpattisaṅkhātaṃ atthaṃ sādhetīti atthasādhako. Atha vā attano vattamānakkhaṇe avijjamānampi kiriyāsiddhisaṅkhātaṃ atthaṃ avassaṃ āpattiṃ sādhetītipi atthasādhako. Asukaṃ nāma bhaṇḍaṃ yadā sakkosīti idaṃ nidassanamattaṃ parassa telakumbhiyā upāhanādīnaṃ nikkhepapayogassāpi atthasādhakattā. Tathā hi vuttaṃ mātikāṭṭhakathāyaṃ –
‘‘ад̇т̇асаад̇хаго наама ‘асугасса бхан̣д̣ам̣ яад̣̇аа саггод̇и, д̇ад̣̇аа д̇ам̣ авахараа’д̇и ан̃н̃ам̣ аан̣аабзд̇и. д̇ад̇т̇а сажз баро ананд̇арааяиго худ̇ваа д̇ам̣ авахарад̇и, аан̣аабагасса аан̣ад̇д̇игкан̣зязва баарааж̇игам̣. барасса ваа бана д̇злагумбхияаа баад̣̇аг̇гханагад̇злам̣ авассам̣ биванагаани убааханаад̣̇ийни багкибад̇и, хад̇т̇ад̇о муд̇д̇амад̇д̇зязва баарааж̇ига’’нд̇и (ган̇каа. адта. д̣̇уд̇ияабаарааж̇игаван̣н̣анаа).
‘‘Atthasādhako nāma ‘asukassa bhaṇḍaṃ yadā sakkoti, tadā taṃ avaharā’ti aññaṃ āṇāpeti. Tattha sace paro anantarāyiko hutvā taṃ avaharati, āṇāpakassa āṇattikkhaṇeyeva pārājikaṃ. Parassa vā pana telakumbhiyā pādagghanakatelaṃ avassaṃ pivanakāni upāhanādīni pakkhipati, hatthato muttamatteyeva pārājika’’nti (kaṅkhā. aṭṭha. dutiyapārājikavaṇṇanā).
имасса ад̇т̇асаад̇хагасса аан̣ад̇д̇ияаа жа го висзсод̇и? д̇ан̇кан̣ан̃н̃зва г̇ахан̣з нияун̃ж̇анам̣ аан̣ад̇д̇игабаяог̇о, гааланд̇арзна г̇ахан̣ад̇т̇ам̣ нияог̇о ад̇т̇асаад̇хагод̇и аяам̣ нзсам̣ висзсо. д̇знзвааха ‘‘асугам̣ наама бхан̣д̣ам̣ яад̣̇аа саггосий’’д̇иаад̣̇и. д̇хуранигкзбо бана убанигкид̇д̇абхан̣д̣авасзна взд̣̇ид̇аб̣б̣од̇и ид̣̇ам̣ нид̣̇ассанамад̇д̇ам̣, аараамаабхияун̃ж̇анаад̣̇ийсуби д̇аавагаалигабхан̣д̣ад̣̇зяяаанам̣ ад̣̇аанзби зсзва наяо. бхан̣д̣аг̇г̇ахан̣аббаяог̇ад̇о аан̣ад̇д̇ияаа буб̣б̣ад̇д̇аа ааха ‘‘аан̣ад̇д̇ивасзна буб̣б̣абаяог̇о взд̣̇ид̇аб̣б̣о’’д̇и. баяог̇зна саха вад̇д̇амаано авахааро сахабаяог̇од̇и ааха ‘‘таанаажааванавасзнаа’’д̇и, ид̣̇ан̃жа нид̣̇ассанамад̇д̇ам̣ кийласан̇гаманаад̣̇ийсуби асад̇и таанаажааванз сахабаяог̇ад̇д̇аа. вуд̇д̇ан̃хи маад̇игаадтагат̇ааяам̣ ‘‘таанаажааванавасзна кийлаад̣̇ийни сан̇гаамзд̇ваа кзд̇д̇аад̣̇иг̇г̇ахан̣авасзна жа сахабаяог̇о взд̣̇ид̇аб̣б̣о’’д̇и (ган̇каа. адта. д̣̇уд̇ияабаарааж̇игаван̣н̣анаа).
Imassa atthasādhakassa āṇattiyā ca ko visesoti? Taṅkhaṇaññeva gahaṇe niyuñjanaṃ āṇattikapayogo, kālantarena gahaṇatthaṃ niyogo atthasādhakoti ayaṃ nesaṃ viseso. Tenevāha ‘‘asukaṃ nāma bhaṇḍaṃ yadā sakkosī’’tiādi. Dhuranikkhepo pana upanikkhittabhaṇḍavasena veditabboti idaṃ nidassanamattaṃ, ārāmābhiyuñjanādīsupi tāvakālikabhaṇḍadeyyānaṃ adānepi eseva nayo. Bhaṇḍaggahaṇappayogato āṇattiyā pubbattā āha ‘‘āṇattivasena pubbapayogo veditabbo’’ti. Payogena saha vattamāno avahāro sahapayogoti āha ‘‘ṭhānācāvanavasenā’’ti, idañca nidassanamattaṃ khīlasaṅkamanādīsupi asati ṭhānācāvane sahapayogattā. Vuttañhi mātikāṭṭhakathāyaṃ ‘‘ṭhānācāvanavasena khīlādīni saṅkāmetvā khettādiggahaṇavasena ca sahapayogo veditabbo’’ti (kaṅkhā. aṭṭha. dutiyapārājikavaṇṇanā).
д̇улаяид̇ваад̇и убабаригкид̇ваа. саамийжийд̇и вад̇д̇ам̣. сагасан̃н̃ааяа ад̣̇знд̇асса аабад̇д̇и над̇т̇ийд̇и вад̣̇анд̇и. саммад̣̇д̣̇од̇и нивид̣̇д̇хад̇аасан̇кобхо. бхадтз ж̇анагааязд̇и абаг̇ад̇з ж̇анасамуухз. ад̇д̇ано санд̇агам̣ гад̇ваа зд̇ассзва бхигкуно д̣̇зхийд̇и ид̣̇ам̣ убхиннамби гуггужжавинод̣̇анад̇т̇ам̣ вуд̇д̇ам̣. авахаарагасса хи ‘‘маяаа сахад̇т̇зна на д̣̇иннам̣, бхан̣д̣ад̣̇зяяам̣ зд̇а’’нд̇и гуггужжам̣ уббаж̇ж̇зяяа, ид̇арасса жа ‘‘маяаа батамам̣ д̇хуранигкзбам̣ гад̇ваа бажчаа ад̣̇иннам̣ г̇ахид̇а’’нд̇и гуггужжам̣ уббаж̇ж̇зяяаад̇и.
Tulayitvāti upaparikkhitvā. Sāmīcīti vattaṃ. Sakasaññāya adentassa āpatti natthīti vadanti. Sammaddoti nividdhatāsaṅkhobho. Bhaṭṭhe janakāyeti apagate janasamūhe. Attano santakaṃ katvā etasseva bhikkhuno dehīti idaṃ ubhinnampi kukkuccavinodanatthaṃ vuttaṃ. Avahārakassa hi ‘‘mayā sahatthena na dinnaṃ, bhaṇḍadeyyaṃ eta’’nti kukkuccaṃ uppajjeyya, itarassa ca ‘‘mayā paṭhamaṃ dhuranikkhepaṃ katvā pacchā adinnaṃ gahita’’nti kukkuccaṃ uppajjeyyāti.
самаг̇гханд̇и аббаг̇гхам̣. д̣̇ааруад̇т̇ам̣ парад̇ийд̇и д̣̇ааруухи гад̇д̇аб̣б̣агижжам̣ саад̇хзд̇и. згад̣̇ивасам̣ д̣̇анд̇агадтажчзд̣̇анаад̣̇инаа яаа аяам̣ аг̇гхахаани вуд̇д̇аа, саа саб̣б̣аа бхан̣д̣асааминаа гин̣ид̇ваа г̇ахид̇амзва санд̇хааяа вуд̇д̇аа. саб̣б̣ам̣ банзд̇ам̣ адтагат̇аажарияаббамаан̣зна взд̣̇ид̇аб̣б̣ам̣. баасаан̣ан̃жа сагкаран̃жа баасаан̣асагкарам̣.
Samagghanti appagghaṃ. Dāruatthaṃ pharatīti dārūhi kattabbakiccaṃ sādheti. Ekadivasaṃ dantakaṭṭhacchedanādinā yā ayaṃ agghahāni vuttā, sā sabbā bhaṇḍasāminā kiṇitvā gahitameva sandhāya vuttā. Sabbaṃ panetaṃ aṭṭhakathācariyappamāṇena veditabbaṃ. Pāsāṇañca sakkharañca pāsāṇasakkharaṃ.
агкад̣̇ассаад̇и зд̇т̇а агка-сад̣̇д̣̇зна гира винижчаяасаалаа вужжад̇и, д̇ад̇т̇а нисийд̣̇ид̇ваа важ̇ж̇ааваж̇ж̇ам̣ нируубаяанд̇ийд̇и ‘‘агкад̣̇ассаа’’д̇и вужжанд̇и д̇хаммавинижчанагаа. хананам̣ наама хад̇т̇абаад̣̇аад̣̇ийхи бот̇анан̃жзва хад̇т̇анаасаад̣̇ижчзд̣̇анан̃жа ход̇ийд̇и ааха ‘‘ханзяяунд̇и бот̇зяяун̃жзва чинд̣̇зяяун̃жаа’’д̇и.
Akkhadassāti ettha akkha-saddena kira vinicchayasālā vuccati, tattha nisīditvā vajjāvajjaṃ nirūpayantīti ‘‘akkhadassā’’ti vuccanti dhammavinicchanakā. Hananaṃ nāma hatthapādādīhi pothanañceva hatthanāsādicchedanañca hotīti āha ‘‘haneyyunti potheyyuñceva chindeyyuñcā’’ti.
бад̣̇абхааж̇анийяан̃жа ‘‘хад̇т̇зна ваа баад̣̇зна ваа гасааяа ваа взд̇д̇зна ваа ад̣дхад̣̇ан̣д̣агзна ваа чаж̇ж̇ааяа ваа ханзяяу’’нд̇и (баараа. 92) вуд̇д̇ам̣. д̇ад̇т̇а ад̣дхад̣̇ан̣д̣агзнаад̇и д̣̇вихад̇т̇аббамаан̣зна рассамуг̇г̇арзна, взл̣убзсигааяа ваа. чзж̇ж̇ааяа ваад̇и хад̇т̇аад̣̇ийнам̣ чзд̣̇анзна. чинд̣̇анд̇и зд̇ааяа хад̇т̇абаад̣̇аад̣̇ийнийд̇и чзж̇ж̇аа, сад̇т̇ам̣, д̇зна сад̇т̇знаад̇иби ад̇т̇о. нийхарзяяунд̇и радтад̇о нийхарзяяум̣. ‘‘жороси…бз… т̇зносий’’д̇и зд̇т̇а барибхаасзяяунд̇и бад̣̇ам̣ аж̇жхаахарид̇ваа ад̇т̇о взд̣̇ид̇аб̣б̣од̇и ааха ‘‘жороси…бз… барибхаасзяяу’’нд̇и. яам̣ д̇ам̣ бхан̣д̣ам̣ д̣̇ассид̇анд̇и самб̣анд̇хо.
Padabhājanīyañca ‘‘hatthena vā pādena vā kasāya vā vettena vā aḍḍhadaṇḍakena vā chajjāya vā haneyyu’’nti (pārā. 92) vuttaṃ. Tattha aḍḍhadaṇḍakenāti dvihatthappamāṇena rassamuggarena, veḷupesikāya vā. Chejjāya vāti hatthādīnaṃ chedanena. Chindanti etāya hatthapādādīnīti chejjā, satthaṃ, tena satthenātipi attho. Nīhareyyunti raṭṭhato nīhareyyuṃ. ‘‘Corosi…pe… thenosī’’ti ettha paribhāseyyunti padaṃ ajjhāharitvā attho veditabboti āha ‘‘corosi…pe… paribhāseyyu’’nti. Yaṃ taṃ bhaṇḍaṃ dassitanti sambandho.
93. яад̇т̇а яад̇т̇а тид̇анд̇и бхуумияаад̣̇ийсу яад̇т̇а яад̇т̇а тид̇ам̣. яат̇аа яат̇аа аад̣̇аанам̣ г̇ажчад̇ийд̇и язна язна аагаарзна г̇ахан̣ам̣ убаг̇ажчад̇и.
93.Yattha yattha ṭhitanti bhūmiyādīsu yattha yattha ṭhitaṃ. Yathā yathā ādānaṃ gacchatīti yena yena ākārena gahaṇaṃ upagacchati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жавийсад̇иавахаарагат̇ааван̣н̣анаа • Pañcavīsatiavahārakathāvaṇṇanā
