| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੩. ਪਞ੍ਚਾਯਤਨਕਮ੍ਮਨਿਬ੍ਬਤ੍ਤਪਞ੍ਹੋ
3. Pañcāyatanakammanibbattapañho
੩. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਯਾਨਿਮਾਨਿ ਪਞ੍ਚਾਯਤਨਾਨਿ, ਕਿਂ ਨੁ ਤਾਨਿ ਨਾਨਾਕਮ੍ਮੇਹਿ ਨਿਬ੍ਬਤ੍ਤਾਨਿ, ਉਦਾਹੁ ਏਕੇਨ ਕਮ੍ਮੇਨਾ’’ਤਿ? ‘‘ਨਾਨਾਕਮ੍ਮੇਹਿ, ਮਹਾਰਾਜ, ਨਿਬ੍ਬਤ੍ਤਾਨਿ, ਨ ਏਕੇਨ ਕਮ੍ਮੇਨਾ’’ਤਿ।
3. Rājā āha ‘‘bhante nāgasena, yānimāni pañcāyatanāni, kiṃ nu tāni nānākammehi nibbattāni, udāhu ekena kammenā’’ti? ‘‘Nānākammehi, mahārāja, nibbattāni, na ekena kammenā’’ti.
‘‘ਓਪਮ੍ਮਂ ਕਰੋਹੀ’’ਤਿ। ‘‘ਤਂ ਕਿਂ ਮਞ੍ਞਸਿ, ਮਹਾਰਾਜ, ਏਕਸ੍ਮਿਂ ਖੇਤ੍ਤੇ ਨਾਨਾਬੀਜਾਨਿ વਪ੍ਪੇਯ੍ਯੁਂ , ਤੇਸਂ ਨਾਨਾਬੀਜਾਨਂ ਨਾਨਾਫਲਾਨਿ ਨਿਬ੍ਬਤ੍ਤੇਯ੍ਯੁ’’ਨ੍ਤਿ? ‘‘ਆਮ, ਭਨ੍ਤੇ, ਨਿਬ੍ਬਤ੍ਤੇਯ੍ਯੁ’’ਨ੍ਤਿ। ‘‘ਏવਮੇવ ਖੋ, ਮਹਾਰਾਜ, ਯਾਨਿ ਯਾਨਿ ਪਞ੍ਚਾਯਤਨਾਨਿ, ਤਾਨਿ ਤਾਨਿ ਨਾਨਾਕਮ੍ਮੇਹਿ ਨਿਬ੍ਬਤ੍ਤਾਨਿ, ਨ ਏਕੇਨ ਕਮ੍ਮੇਨਾ’’ਤਿ।
‘‘Opammaṃ karohī’’ti. ‘‘Taṃ kiṃ maññasi, mahārāja, ekasmiṃ khette nānābījāni vappeyyuṃ , tesaṃ nānābījānaṃ nānāphalāni nibbatteyyu’’nti? ‘‘Āma, bhante, nibbatteyyu’’nti. ‘‘Evameva kho, mahārāja, yāni yāni pañcāyatanāni, tāni tāni nānākammehi nibbattāni, na ekena kammenā’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਪਞ੍ਚਾਯਤਨਕਮ੍ਮਨਿਬ੍ਬਤ੍ਤਪਞ੍ਹੋ ਤਤਿਯੋ।
Pañcāyatanakammanibbattapañho tatiyo.
