| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[490] 7. бан̃жубосат̇аж̇аад̇агаван̣н̣анаа
[490] 7. Pañcuposathajātakavaṇṇanā
аббоссугго д̣̇аани д̇увам̣ габод̇аад̇и ид̣̇ам̣ сад̇т̇аа ж̇зд̇аванз вихаранд̇о убосат̇игз бан̃жасад̇з убаасагз аараб̣бха гат̇зси. д̇ад̣̇аа хи сад̇т̇аа д̇хаммасабхааяам̣ жад̇убарисамаж̇жхз алан̇гад̇аб̣уд̣̇д̇хаасанз нисийд̣̇ид̇ваа муд̣̇ужид̇д̇зна барисам̣ ологзд̇ваа ‘‘аж̇ж̇а убаасагаанам̣ гат̇ам̣ бадижжа д̣̇зсанаа самудтахиссад̇ий’’д̇и н̃ад̇ваа убаасагз ааманд̇зд̇ваа ‘‘убосат̇игад̇т̇а убаасагаа’’д̇и бужчид̇ваа ‘‘аама , бханд̇з’’д̇и вуд̇д̇з ‘‘саад̇ху во гад̇ам̣, убосат̇о наамзса бораан̣агабан̣д̣ид̇аанам̣ вам̣со, бораан̣агабан̣д̣ид̇аа хи рааг̇аад̣̇игилзсаниг̇г̇ахад̇т̇ам̣ убосат̇аваасам̣ васим̣суу’’д̇и вад̇ваа д̇зхи яаажид̇о ад̇ийд̇ам̣ аахари.
Appossukko dāni tuvaṃ kapotāti idaṃ satthā jetavane viharanto uposathike pañcasate upāsake ārabbha kathesi. Tadā hi satthā dhammasabhāyaṃ catuparisamajjhe alaṅkatabuddhāsane nisīditvā muducittena parisaṃ oloketvā ‘‘ajja upāsakānaṃ kathaṃ paṭicca desanā samuṭṭhahissatī’’ti ñatvā upāsake āmantetvā ‘‘uposathikattha upāsakā’’ti pucchitvā ‘‘āma , bhante’’ti vutte ‘‘sādhu vo kataṃ, uposatho nāmesa porāṇakapaṇḍitānaṃ vaṃso, porāṇakapaṇḍitā hi rāgādikilesaniggahatthaṃ uposathavāsaṃ vasiṃsū’’ti vatvā tehi yācito atītaṃ āhari.
ад̇ийд̇з маг̇ад̇харадтаад̣̇ийнам̣ д̇ин̣н̣ам̣ радтаанам̣ анд̇арз адавий ахоси. б̣од̇хисад̇д̇о маг̇ад̇харадтз б̣раахман̣амахаасаалагулз ниб̣б̣ад̇д̇ид̇ваа ваяаббад̇д̇о гаамз бахааяа нигкамид̇ваа д̇ам̣ адавим̣ бависид̇ваа ассамам̣ гад̇ваа исибаб̣б̣аж̇ж̇ам̣ баб̣б̣аж̇ид̇ваа ваасам̣ габбзси. д̇асса бана ассамасса авид̣̇уурз згасмим̣ взл̣уг̇аханз ад̇д̇ано бхарияааяа сад̣̇д̇хим̣ габод̇асагун̣о васад̇и, згасмим̣ ваммигз ахи, згасмим̣ ванаг̇умб̣з син̇г̇аало, згасмим̣ ванаг̇умб̣з ажчо. д̇з жад̇д̇аароби гаалзна гаалам̣ исим̣ убасан̇гамид̇ваа д̇хаммам̣ сун̣анд̇и.
Atīte magadharaṭṭhādīnaṃ tiṇṇaṃ raṭṭhānaṃ antare aṭavī ahosi. Bodhisatto magadharaṭṭhe brāhmaṇamahāsālakule nibbattitvā vayappatto kāme pahāya nikkhamitvā taṃ aṭaviṃ pavisitvā assamaṃ katvā isipabbajjaṃ pabbajitvā vāsaṃ kappesi. Tassa pana assamassa avidūre ekasmiṃ veḷugahane attano bhariyāya saddhiṃ kapotasakuṇo vasati, ekasmiṃ vammike ahi, ekasmiṃ vanagumbe siṅgālo, ekasmiṃ vanagumbe accho. Te cattāropi kālena kālaṃ isiṃ upasaṅkamitvā dhammaṃ suṇanti.
ат̇згад̣̇ивасам̣ габод̇о бхарияааяа сад̣̇д̇хим̣ гулаавагаа нигкамид̇ваа г̇ожарааяа баггаами. д̇асса бажчад̇о г̇ажчанд̇им̣ габод̇им̣ зго сзно г̇ахзд̇ваа балааяи. д̇ассаа виравасад̣̇д̣̇ам̣ суд̇ваа габод̇о нивад̇д̇ид̇ваа ологзнд̇о д̇ам̣ д̇зна харияамаанам̣ басси. сзноби нам̣ вираванд̇им̣язва маарзд̇ваа каад̣̇и. габод̇о д̇ааяа вияог̇зна рааг̇абарил̣аахзна барид̣аяхамаано жинд̇зси ‘‘аяам̣ рааг̇о мам̣ ад̇ивияа гиламзд̇и, на ид̣̇аани имам̣ аниг̇г̇ахзд̇ваа г̇ожарааяа баггамиссаамий’’д̇и. со г̇ожарабат̇ам̣ бажчинд̣̇ид̇ваа д̇аабасасса санд̇игам̣ г̇анд̇ваа рааг̇аниг̇г̇ахааяа убосат̇ам̣ самаад̣̇ияид̇ваа згаманд̇ам̣ нибаж̇ж̇и.
Athekadivasaṃ kapoto bhariyāya saddhiṃ kulāvakā nikkhamitvā gocarāya pakkāmi. Tassa pacchato gacchantiṃ kapotiṃ eko seno gahetvā palāyi. Tassā viravasaddaṃ sutvā kapoto nivattitvā olokento taṃ tena hariyamānaṃ passi. Senopi naṃ viravantiṃyeva māretvā khādi. Kapoto tāya viyogena rāgapariḷāhena pariḍayhamāno cintesi ‘‘ayaṃ rāgo maṃ ativiya kilameti, na idāni imaṃ aniggahetvā gocarāya pakkamissāmī’’ti. So gocarapathaṃ pacchinditvā tāpasassa santikaṃ gantvā rāganiggahāya uposathaṃ samādiyitvā ekamantaṃ nipajji.
саббоби ‘‘г̇ожарам̣ бариязсиссаамий’’д̇и васанадтаанаа нигкамид̇ваа бажжанд̇аг̇аамз г̇аавийнам̣ вижаран̣адтаанз г̇ожарам̣ бариязсад̇и. д̇ад̣̇аа г̇аамабхож̇агасса саб̣б̣асзд̇о ман̇г̇алаусабхо г̇ожарам̣ г̇ахзд̇ваа згасмим̣ ваммигабаад̣̇з ж̇ан̣н̣унаа бад̇идтааяа син̇г̇зхи мад̇д̇игам̣ г̇ан̣ханд̇о гийл̣ад̇и, саббо г̇аавийнам̣ бад̣̇асад̣̇д̣̇зна бхийд̇о д̇ам̣ ваммигам̣ бависид̇ум̣ багганд̇о. ат̇а нам̣ усабхо баад̣̇зна аггами. со д̇ам̣ гуж̇жхид̇ваа д̣ам̣си, усабхо д̇ад̇т̇зва ж̇ийвид̇агкаяам̣ бад̇д̇о. г̇аамаваасино ‘‘усабхо гира мад̇о’’д̇и суд̇ваа саб̣б̣з згад̇о ааг̇анд̇ваа род̣̇ид̇ваа ганд̣̇ид̇ваа д̇ам̣ г̇анд̇хамаалаад̣̇ийхи бууж̇зд̇ваа ааваадз никан̣ид̇ваа баггамим̣су. саббо д̇зсам̣ г̇ад̇агаалз нигкамид̇ваа ‘‘ахам̣ год̇хам̣ ниссааяа имам̣ ж̇ийвид̇аа воробзд̇ваа махааж̇анасса хад̣̇аяз согам̣ бавзсзсим̣, на д̣̇аани имам̣ год̇хам̣ аниг̇г̇ахзд̇ваа г̇ожарааяа баггамиссаамий’’д̇и жинд̇зд̇ваа нивад̇д̇ид̇ваа д̇ам̣ ассамам̣ г̇анд̇ваа год̇ханиг̇г̇ахааяа убосат̇ам̣ самаад̣̇ияид̇ваа згаманд̇ам̣ нибаж̇ж̇и.
Sappopi ‘‘gocaraṃ pariyesissāmī’’ti vasanaṭṭhānā nikkhamitvā paccantagāme gāvīnaṃ vicaraṇaṭṭhāne gocaraṃ pariyesati. Tadā gāmabhojakassa sabbaseto maṅgalausabho gocaraṃ gahetvā ekasmiṃ vammikapāde jaṇṇunā patiṭṭhāya siṅgehi mattikaṃ gaṇhanto kīḷati, sappo gāvīnaṃ padasaddena bhīto taṃ vammikaṃ pavisituṃ pakkanto. Atha naṃ usabho pādena akkami. So taṃ kujjhitvā ḍaṃsi, usabho tattheva jīvitakkhayaṃ patto. Gāmavāsino ‘‘usabho kira mato’’ti sutvā sabbe ekato āgantvā roditvā kanditvā taṃ gandhamālādīhi pūjetvā āvāṭe nikhaṇitvā pakkamiṃsu. Sappo tesaṃ gatakāle nikkhamitvā ‘‘ahaṃ kodhaṃ nissāya imaṃ jīvitā voropetvā mahājanassa hadaye sokaṃ pavesesiṃ, na dāni imaṃ kodhaṃ aniggahetvā gocarāya pakkamissāmī’’ti cintetvā nivattitvā taṃ assamaṃ gantvā kodhaniggahāya uposathaṃ samādiyitvā ekamantaṃ nipajji.
син̇г̇аалоби г̇ожарам̣ бариязсанд̇о згам̣ мад̇ахад̇т̇им̣ д̣̇исваа ‘‘махаа мз г̇ожаро лад̣̇д̇хо’’д̇и д̇удто г̇анд̇ваа сон̣д̣ааяам̣ д̣ам̣си, т̇амбхз д̣̇адтагаало вияа ахоси. д̇ад̇т̇а ассаад̣̇ам̣ алабхид̇ваа д̣̇анд̇з д̣ам̣си, баасаан̣з д̣̇адтагаало вияа ахоси. гужчияам̣ д̣ам̣си, гусулз д̣̇адтагаало вияа ахоси. нан̇г̇удтз д̣ам̣си, аяасалаагз д̣̇адтагаало вияа ахоси. важжамаг̇г̇з д̣ам̣си, гхад̇абуувз д̣̇адтагаало вияа ахоси. со лобхавасзна каад̣̇анд̇о анд̇огужчияам̣ баависи, д̇ад̇т̇а чаад̇агаалз мам̣сам̣ каад̣̇ад̇и, бибаасид̇агаалз лохид̇ам̣ бивад̇и, нибаж̇ж̇анагаалз анд̇аани жа бабпаасан̃жа авад̇т̇арид̇ваа нибаж̇ж̇и. со ‘‘ид̇хзва мз аннабаанан̃жа саяанан̃жа нибпаннам̣, ан̃н̃ад̇т̇а гим̣ гариссаамий’’д̇и жинд̇зд̇ваа д̇ад̇т̇зва абхирад̇о б̣ахи анигкамид̇ваа анд̇огужчияам̣язва васи. абарабхааг̇з ваад̇аад̇абзна хад̇т̇игун̣абз сугканд̇з гарийсамаг̇г̇о бихид̇о, син̇г̇аало анд̇огужчияам̣ нибаж̇ж̇амаано аббамам̣салохид̇о бан̣д̣усарийро худ̇ваа нигкаманамаг̇г̇ам̣ на басси. ат̇згад̣̇ивасам̣ агааламзгхо васси, гарийсамаг̇г̇о д̇змияамаано муд̣̇у худ̇ваа виварам̣ д̣̇ассзси. син̇г̇аало чид̣̇д̣̇ам̣ д̣̇исваа ‘‘ад̇ижирамхи гиланд̇о, иминаа чид̣̇д̣̇зна балааяиссаамий’’д̇и гарийсамаг̇г̇ам̣ сийсзна бахари. д̇асса самб̣аад̇хадтаанзна взг̇зна нигканд̇асса синнасарийрасса саб̣б̣аани ломаани гарийсамаг̇г̇з лаг̇г̇аани, д̇аалаганд̣̇о вияа нилломасарийро худ̇ваа нигками. со ‘‘лобхам̣ ниссааяа маяаа ид̣̇ам̣ д̣̇угкам̣ анубхууд̇ам̣, на д̣̇аани имам̣ аниг̇г̇ахзд̇ваа г̇ожарам̣ г̇ан̣хиссаамий’’д̇и жинд̇зд̇ваа д̇ам̣ ассамам̣ г̇анд̇ваа лобханиг̇г̇ахад̇т̇ааяа убосат̇ам̣ самаад̣̇ияид̇ваа згаманд̇ам̣ нибаж̇ж̇и.
Siṅgālopi gocaraṃ pariyesanto ekaṃ matahatthiṃ disvā ‘‘mahā me gocaro laddho’’ti tuṭṭho gantvā soṇḍāyaṃ ḍaṃsi, thambhe daṭṭhakālo viya ahosi. Tattha assādaṃ alabhitvā dante ḍaṃsi, pāsāṇe daṭṭhakālo viya ahosi. Kucchiyaṃ ḍaṃsi, kusule daṭṭhakālo viya ahosi. Naṅguṭṭhe ḍaṃsi, ayasalāke daṭṭhakālo viya ahosi. Vaccamagge ḍaṃsi, ghatapūve daṭṭhakālo viya ahosi. So lobhavasena khādanto antokucchiyaṃ pāvisi, tattha chātakāle maṃsaṃ khādati, pipāsitakāle lohitaṃ pivati, nipajjanakāle antāni ca papphāsañca avattharitvā nipajji. So ‘‘idheva me annapānañca sayanañca nipphannaṃ, aññattha kiṃ karissāmī’’ti cintetvā tattheva abhirato bahi anikkhamitvā antokucchiyaṃyeva vasi. Aparabhāge vātātapena hatthikuṇape sukkhante karīsamaggo pihito, siṅgālo antokucchiyaṃ nipajjamāno appamaṃsalohito paṇḍusarīro hutvā nikkhamanamaggaṃ na passi. Athekadivasaṃ akālamegho vassi, karīsamaggo temiyamāno mudu hutvā vivaraṃ dassesi. Siṅgālo chiddaṃ disvā ‘‘aticiramhi kilanto, iminā chiddena palāyissāmī’’ti karīsamaggaṃ sīsena pahari. Tassa sambādhaṭṭhānena vegena nikkhantassa sinnasarīrassa sabbāni lomāni karīsamagge laggāni, tālakando viya nillomasarīro hutvā nikkhami. So ‘‘lobhaṃ nissāya mayā idaṃ dukkhaṃ anubhūtaṃ, na dāni imaṃ aniggahetvā gocaraṃ gaṇhissāmī’’ti cintetvā taṃ assamaṃ gantvā lobhaniggahatthāya uposathaṃ samādiyitvā ekamantaṃ nipajji.
ажчоби аран̃н̃аа нигкамид̇ваа ад̇рижчаабхибхууд̇о малларадтз бажжанд̇аг̇аамам̣ г̇ад̇о. г̇аамаваасино ‘‘ажчо гира ааг̇ад̇о’’д̇и д̇хануд̣̇ан̣д̣аад̣̇ихад̇т̇аа нигкамид̇ваа д̇зна бавидтам̣ г̇умб̣ам̣ бариваарзсум̣. со махааж̇анзна бариваарид̇абхаавам̣ н̃ад̇ваа нигкамид̇ваа балааяи, балааяанд̇амзва д̇ам̣ д̇хануухи жзва д̣̇ан̣д̣аад̣̇ийхи жа бот̇зсум̣. со бхиннзна сийсзна лохид̇зна г̇аланд̇зна ад̇д̇ано васанадтаанам̣ г̇анд̇ваа ‘‘ид̣̇ам̣ д̣̇угкам̣ мама ад̇рижчаалобхавасзна уббаннам̣, на д̣̇аани имам̣ аниг̇г̇ахзд̇ваа г̇ожарам̣ г̇ан̣хиссаамий’’д̇и жинд̇зд̇ваа д̇ам̣ ассамам̣ г̇анд̇ваа ад̇рижчааниг̇г̇ахааяа убосат̇ам̣ самаад̣̇ияид̇ваа згаманд̇ам̣ нибаж̇ж̇и.
Acchopi araññā nikkhamitvā atricchābhibhūto mallaraṭṭhe paccantagāmaṃ gato. Gāmavāsino ‘‘accho kira āgato’’ti dhanudaṇḍādihatthā nikkhamitvā tena paviṭṭhaṃ gumbaṃ parivāresuṃ. So mahājanena parivāritabhāvaṃ ñatvā nikkhamitvā palāyi, palāyantameva taṃ dhanūhi ceva daṇḍādīhi ca pothesuṃ. So bhinnena sīsena lohitena galantena attano vasanaṭṭhānaṃ gantvā ‘‘idaṃ dukkhaṃ mama atricchālobhavasena uppannaṃ, na dāni imaṃ aniggahetvā gocaraṃ gaṇhissāmī’’ti cintetvā taṃ assamaṃ gantvā atricchāniggahāya uposathaṃ samādiyitvā ekamantaṃ nipajji.
д̇аабасоби ад̇д̇ано ж̇аад̇им̣ ниссааяа маанавасиго худ̇ваа жхаанам̣ уббаад̣̇зд̇ум̣ на саггод̇и. ат̇зго бажжзгаб̣уд̣̇д̇хо д̇асса маананиссид̇абхаавам̣ н̃ад̇ваа ‘‘аяам̣ на лаамагасад̇д̇о, б̣уд̣̇д̇хан̇гуро зса, имасмим̣язва бхад̣̇д̣̇агаббз саб̣б̣ан̃н̃уд̇ам̣ баабун̣иссад̇и, имасса маананиг̇г̇ахам̣ гад̇ваа самаабад̇д̇иниб̣б̣ад̇д̇анаагаарам̣ гариссаамий’’д̇и д̇асмим̣ бан̣н̣асаалааяа нисиннзязва уд̇д̇арахимаванд̇ад̇о ааг̇анд̇ваа д̇асса баасаан̣апалагз нисийд̣̇и. со нигкамид̇ваа д̇ам̣ ад̇д̇ано аасанз нисиннам̣ д̣̇исваа маананиссид̇абхаавзна анад̇д̇амано худ̇ваа д̇ам̣ убасан̇гамид̇ваа ажчарам̣ бахарид̇ваа ‘‘насса, васала, гаал̣аган̣н̣и, мун̣д̣ага, саман̣ага, гимад̇т̇ам̣ мама нисиннапалагз нисинносий’’д̇и ааха. ат̇а нам̣ со ‘‘саббуриса, гасмаа маананиссид̇оси, ахам̣ бадивид̣̇д̇хабажжзгаб̣од̇хин̃аан̣о, д̇вам̣ имасмим̣язва бхад̣̇д̣̇агаббз саб̣б̣ан̃н̃уб̣уд̣̇д̇хо бхависсаси, б̣уд̣̇д̇хан̇гуроси, баарамияо буурзд̇ваа ааг̇ад̇о ан̃н̃ам̣ зд̇д̇агам̣ наама гаалам̣ ад̇иггамид̇ваа б̣уд̣̇д̇хо бхависсаси, б̣уд̣̇д̇хад̇д̇абхаавз тид̇о сид̣̇д̇хад̇т̇о наама бхависсасий’’д̇и нааман̃жа г̇од̇д̇ан̃жа гулан̃жа аг̇г̇асаавагаад̣̇аяо жа саб̣б̣з аажигкид̇ваа ‘‘гимад̇т̇ам̣ д̇вам̣ маананиссид̇о худ̇ваа парусо хоси, наяид̣̇ам̣ д̇ава анужчавига’’нд̇и оваад̣̇амад̣̇ааси. со д̇зна звам̣ вуд̇д̇оби нзва нам̣ ванд̣̇и, на жа ‘‘гад̣̇аахам̣ б̣уд̣̇д̇хо бхависсаамий’’д̇иаад̣̇ийни бужчи. ат̇а нам̣ бажжзгаб̣уд̣̇д̇хо ‘‘д̇ава ж̇аад̇ияаа мама г̇ун̣аанам̣ маханд̇абхаавам̣ ж̇аана, сажз саггоси, ахам̣ вияа аагаасз вижараахий’’д̇и вад̇ваа аагаасз уббад̇ид̇ваа ад̇д̇ано баад̣̇абам̣сум̣ д̇асса ж̇адааман̣д̣алз вигиранд̇о уд̇д̇арахимаванд̇амзва г̇ад̇о.
Tāpasopi attano jātiṃ nissāya mānavasiko hutvā jhānaṃ uppādetuṃ na sakkoti. Atheko paccekabuddho tassa mānanissitabhāvaṃ ñatvā ‘‘ayaṃ na lāmakasatto, buddhaṅkuro esa, imasmiṃyeva bhaddakappe sabbaññutaṃ pāpuṇissati, imassa mānaniggahaṃ katvā samāpattinibbattanākāraṃ karissāmī’’ti tasmiṃ paṇṇasālāya nisinneyeva uttarahimavantato āgantvā tassa pāsāṇaphalake nisīdi. So nikkhamitvā taṃ attano āsane nisinnaṃ disvā mānanissitabhāvena anattamano hutvā taṃ upasaṅkamitvā accharaṃ paharitvā ‘‘nassa, vasala, kāḷakaṇṇi, muṇḍaka, samaṇaka, kimatthaṃ mama nisinnaphalake nisinnosī’’ti āha. Atha naṃ so ‘‘sappurisa, kasmā mānanissitosi, ahaṃ paṭividdhapaccekabodhiñāṇo, tvaṃ imasmiṃyeva bhaddakappe sabbaññubuddho bhavissasi, buddhaṅkurosi, pāramiyo pūretvā āgato aññaṃ ettakaṃ nāma kālaṃ atikkamitvā buddho bhavissasi, buddhattabhāve ṭhito siddhattho nāma bhavissasī’’ti nāmañca gottañca kulañca aggasāvakādayo ca sabbe ācikkhitvā ‘‘kimatthaṃ tvaṃ mānanissito hutvā pharuso hosi, nayidaṃ tava anucchavika’’nti ovādamadāsi. So tena evaṃ vuttopi neva naṃ vandi, na ca ‘‘kadāhaṃ buddho bhavissāmī’’tiādīni pucchi. Atha naṃ paccekabuddho ‘‘tava jātiyā mama guṇānaṃ mahantabhāvaṃ jāna, sace sakkosi, ahaṃ viya ākāse vicarāhī’’ti vatvā ākāse uppatitvā attano pādapaṃsuṃ tassa jaṭāmaṇḍale vikiranto uttarahimavantameva gato.
д̇аабасо д̇асса г̇ад̇агаалз сам̣взг̇аббад̇д̇о худ̇ваа ‘‘аяам̣ саман̣о звам̣ г̇арусарийро ваад̇амукз кид̇д̇ад̇уулабижу вияа аагаасз багканд̣̇о, ахам̣ ж̇аад̇имаанзна зваруубасса бажжзгаб̣уд̣̇д̇хасса нзва баад̣̇з ванд̣̇им̣, на жа ‘‘гад̣̇аахам̣ б̣уд̣̇д̇хо бхависсаамий’д̇и бужчим̣, ж̇аад̇и наамзсаа гим̣ гариссад̇и, имасмим̣ логз сийлажаран̣амзва маханд̇ам̣, аяам̣ ко бана мз маано вад̣дханд̇о нираяам̣ убанзссад̇и, на ид̣̇аани имам̣ маанам̣ аниг̇г̇ахзд̇ваа палаапалад̇т̇ааяа г̇амиссаамий’’д̇и бан̣н̣асаалам̣ бависид̇ваа маананиг̇г̇ахааяа убосат̇ам̣ самаад̣̇ааяа гадтад̇т̇аригааяа нисинно махаан̃аан̣о гулабуд̇д̇о маанам̣ ниг̇г̇ахзд̇ваа гасин̣ам̣ вад̣дхзд̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа нигкамид̇ваа жан̇гаманагодияам̣ баасаан̣апалагз нисийд̣̇и. ат̇а нам̣ габод̇аад̣̇аяо убасан̇гамид̇ваа ванд̣̇ид̇ваа згаманд̇ам̣ нисийд̣̇им̣су. махаасад̇д̇о габод̇ам̣ бужчи ‘‘д̇вам̣ ан̃н̃зсу д̣̇ивасзсу на имааяа взлааяа ааг̇ажчаси, г̇ожарам̣ бариязсаси, гим̣ ну ко аж̇ж̇а убосат̇иго ж̇аад̇осий’’д̇и? ‘‘аама бханд̇з’’д̇и. ат̇а нам̣ ‘‘гзна гааран̣знаа’’д̇и бужчанд̇о батамам̣ г̇аат̇амааха –
Tāpaso tassa gatakāle saṃvegappatto hutvā ‘‘ayaṃ samaṇo evaṃ garusarīro vātamukhe khittatūlapicu viya ākāse pakkhando, ahaṃ jātimānena evarūpassa paccekabuddhassa neva pāde vandiṃ, na ca ‘‘kadāhaṃ buddho bhavissāmī’ti pucchiṃ, jāti nāmesā kiṃ karissati, imasmiṃ loke sīlacaraṇameva mahantaṃ, ayaṃ kho pana me māno vaḍḍhanto nirayaṃ upanessati, na idāni imaṃ mānaṃ aniggahetvā phalāphalatthāya gamissāmī’’ti paṇṇasālaṃ pavisitvā mānaniggahāya uposathaṃ samādāya kaṭṭhattharikāya nisinno mahāñāṇo kulaputto mānaṃ niggahetvā kasiṇaṃ vaḍḍhetvā abhiññā ca samāpattiyo ca nibbattetvā nikkhamitvā caṅkamanakoṭiyaṃ pāsāṇaphalake nisīdi. Atha naṃ kapotādayo upasaṅkamitvā vanditvā ekamantaṃ nisīdiṃsu. Mahāsatto kapotaṃ pucchi ‘‘tvaṃ aññesu divasesu na imāya velāya āgacchasi, gocaraṃ pariyesasi, kiṃ nu kho ajja uposathiko jātosī’’ti? ‘‘Āma bhante’’ti. Atha naṃ ‘‘kena kāraṇenā’’ti pucchanto paṭhamaṃ gāthamāha –
127.
127.
‘‘аббоссугго д̣̇аани д̇увам̣ габод̇а, вихан̇г̇ама на д̇ава бхож̇анад̇т̇о;
‘‘Appossukko dāni tuvaṃ kapota, vihaṅgama na tava bhojanattho;
куд̣̇ам̣ бибаасам̣ ад̇хиваасаяанд̇о, гасмаа бхавам̣босат̇иго габод̇аа’’д̇и.
Khudaṃ pipāsaṃ adhivāsayanto, kasmā bhavaṃposathiko kapotā’’ti.
д̇ад̇т̇а аббоссуггод̇и нираалаяо. на д̇ава бхож̇анад̇т̇од̇и гим̣ аж̇ж̇а д̇ава бхож̇анзна ад̇т̇о над̇т̇и.
Tattha appossukkoti nirālayo. Na tava bhojanatthoti kiṃ ajja tava bhojanena attho natthi.
д̇ам̣ суд̇ваа габод̇о д̣̇вз г̇аат̇аа абхааси –
Taṃ sutvā kapoto dve gāthā abhāsi –
128.
128.
‘‘ахам̣ бурз г̇ид̣̇д̇хиг̇ад̇о габод̇ияаа, асмим̣ бад̣̇зсасмимубхо рамаама;
‘‘Ahaṃ pure giddhigato kapotiyā, asmiṃ padesasmimubho ramāma;
ат̇аг̇г̇ахий саагун̣иго габод̇им̣, агаамаго д̇ааяа винаа ахосим̣.
Athaggahī sākuṇiko kapotiṃ, akāmako tāya vinā ahosiṃ.
129.
129.
‘‘наанаабхаваа виббаяог̇зна д̇ассаа, маномаяам̣ взд̣̇ана взд̣̇аяаами;
‘‘Nānābhavā vippayogena tassā, manomayaṃ vedana vedayāmi;
д̇асмаа ахам̣босат̇ам̣ баалаяаами, рааг̇о мамам̣ маа бунарааг̇амаасий’’д̇и.
Tasmā ahaṃposathaṃ pālayāmi, rāgo mamaṃ mā punarāgamāsī’’ti.
д̇ад̇т̇а рамаамаад̇и имасмим̣ бхуумибхааг̇з гаамарад̇ияаа рамаама. саагун̣игод̇и сзнасагун̣о.
Tattha ramāmāti imasmiṃ bhūmibhāge kāmaratiyā ramāma. Sākuṇikoti senasakuṇo.
габод̇зна ад̇д̇ано убосат̇агаммз ван̣н̣ид̇з махаасад̇д̇о саббаад̣̇ийсу згзгам̣ бужчи. д̇зби яат̇аабхууд̇ам̣ б̣яаагарим̣су –
Kapotena attano uposathakamme vaṇṇite mahāsatto sappādīsu ekekaṃ pucchi. Tepi yathābhūtaṃ byākariṃsu –
130.
130.
‘‘ануж̇ж̇уг̇аамий ураг̇аа д̣̇уж̇ивха, д̣̇аатаавуд̇хо гхорависоси сабба;
‘‘Anujjugāmī uragā dujivha, dāṭhāvudho ghoravisosi sappa;
куд̣̇ам̣ бибаасам̣ ад̇хиваасаяанд̇о, гасмаа бхавам̣босат̇иго ну д̣̇ийгха.
Khudaṃ pipāsaṃ adhivāsayanto, kasmā bhavaṃposathiko nu dīgha.
131.
131.
‘‘усабхо ахуу б̣алаваа г̇аамигасса, жалаггагуу ван̣н̣аб̣алуубабанно;
‘‘Usabho ahū balavā gāmikassa, calakkakū vaṇṇabalūpapanno;
со мам̣ аггами д̇ам̣ губид̇о ад̣ам̣сим̣, д̣̇угкаабхид̇ун̣н̣о маран̣ам̣ убааг̇аа.
So maṃ akkami taṃ kupito aḍaṃsiṃ, dukkhābhituṇṇo maraṇaṃ upāgā.
132.
132.
‘‘д̇ад̇о ж̇анаа нигкамид̇ваана г̇аамаа, ганд̣̇ид̇ваа род̣̇ид̇ваа абаггамим̣су;
‘‘Tato janā nikkhamitvāna gāmā, kanditvā roditvā apakkamiṃsu;
д̇асмаа ахам̣босат̇ам̣ баалаяаами, год̇хо мамам̣ маа бунарааг̇амааси.
Tasmā ahaṃposathaṃ pālayāmi, kodho mamaṃ mā punarāgamāsi.
133.
133.
‘‘мад̇аана мам̣саани б̣ахуу сусаанз, манун̃н̃аруубам̣ д̇ава бхож̇анз д̇ам̣;
‘‘Matāna maṃsāni bahū susāne, manuññarūpaṃ tava bhojane taṃ;
куд̣̇ам̣ бибаасам̣ ад̇хиваасаяанд̇о, гасмаа бхавам̣босат̇иго син̇г̇аала.
Khudaṃ pipāsaṃ adhivāsayanto, kasmā bhavaṃposathiko siṅgāla.
134.
134.
‘‘бависи гужчим̣ махад̇о г̇аж̇асса, гун̣абз рад̇о хад̇т̇имам̣сзсу г̇ид̣̇д̇хо;
‘‘Pavisi kucchiṃ mahato gajassa, kuṇape rato hatthimaṃsesu giddho;
ун̣хо жа ваад̇о д̇икин̣аа жа расмияо, д̇з сосаяум̣ д̇асса гарийсамаг̇г̇ам̣.
Uṇho ca vāto tikhiṇā ca rasmiyo, te sosayuṃ tassa karīsamaggaṃ.
135.
135.
‘‘гисо жа бан̣д̣уу жа ахам̣ бхад̣̇анд̇з, на мз ахуу нигкаманааяа маг̇г̇о;
‘‘Kiso ca paṇḍū ca ahaṃ bhadante, na me ahū nikkhamanāya maggo;
махаа жа мзгхо сахасаа бавасси, со д̇змаяий д̇асса гарийсамаг̇г̇ам̣.
Mahā ca megho sahasā pavassi, so temayī tassa karīsamaggaṃ.
136.
136.
‘‘д̇ад̇о ахам̣ нигкамисам̣ бхад̣̇анд̇з, жанд̣̇о яат̇аа раахумукаа бамуд̇д̇о;
‘‘Tato ahaṃ nikkhamisaṃ bhadante, cando yathā rāhumukhā pamutto;
д̇асмаа ахам̣босат̇ам̣ баалаяаами, лобхо мамам̣ маа бунарааг̇амааси.
Tasmā ahaṃposathaṃ pālayāmi, lobho mamaṃ mā punarāgamāsi.
137.
137.
‘‘ваммийгат̇уубасмим̣ гибиллигаани, ниббот̇аяанд̇о д̇увам̣ бурз жарааси;
‘‘Vammīkathūpasmiṃ kipillikāni, nippothayanto tuvaṃ pure carāsi;
куд̣̇ам̣ бибаасам̣ ад̇хиваасаяанд̇о, гасмаа бхавам̣босат̇иго ну ажча.
Khudaṃ pipāsaṃ adhivāsayanto, kasmā bhavaṃposathiko nu accha.
138.
138.
‘‘сагам̣ нигзд̇ам̣ ад̇ихийл̣аяаано, ад̇рижчад̇аа маллаг̇аамам̣ аг̇ажчим̣;
‘‘Sakaṃ niketaṃ atihīḷayāno, atricchatā mallagāmaṃ agacchiṃ;
д̇ад̇о ж̇анаа нигкамид̇ваана г̇аамаа, год̣̇ан̣д̣агзна барибот̇аяим̣су мам̣.
Tato janā nikkhamitvāna gāmā, kodaṇḍakena paripothayiṃsu maṃ.
139.
139.
‘‘со бхиннасийсо рухирамагкид̇ан̇г̇о, бажжааг̇амаасим̣ сагам̣ нигзд̇ам̣;
‘‘So bhinnasīso ruhiramakkhitaṅgo, paccāgamāsiṃ sakaṃ niketaṃ;
д̇асмаа ахам̣босат̇ам̣ баалаяаами, ад̇рижчад̇аа маа бунарааг̇амаасий’’д̇и.
Tasmā ahaṃposathaṃ pālayāmi, atricchatā mā punarāgamāsī’’ti.
д̇ад̇т̇а ануж̇ж̇уг̇аамийд̇иаад̣̇ийхи д̇ам̣ аалабад̇и. жалаггагууд̇и жаламаанагагуд̇хо. д̣̇угкаабхид̇ун̣н̣од̇и со усабхо д̣̇угкзна абхид̇ун̣н̣о аад̇уро худ̇ваа. б̣ахууд̇и б̣ахууни. бависийд̇и баависим̣. расмияод̇и суурияарасмияо. нигкамисанд̇и нигкамим̣. гибиллигаанийд̇и убажигааяо. ниббот̇аяанд̇од̇и каад̣̇амаано. ад̇ихийл̣аяаанод̇и ад̇иман̃н̃анд̇о нинд̣̇анд̇о г̇араханд̇о. год̣̇ан̣д̣агзнаад̇и д̇хануд̣̇ан̣д̣агзхи жзва муг̇г̇арзхи жа.
Tattha anujjugāmītiādīhi taṃ ālapati. Calakkakūti calamānakakudho. Dukkhābhituṇṇoti so usabho dukkhena abhituṇṇo āturo hutvā. Bahūti bahūni. Pavisīti pāvisiṃ. Rasmiyoti sūriyarasmiyo. Nikkhamisanti nikkhamiṃ. Kipillikānīti upacikāyo. Nippothayantoti khādamāno. Atihīḷayānoti atimaññanto nindanto garahanto. Kodaṇḍakenāti dhanudaṇḍakehi ceva muggarehi ca.
звам̣ д̇з жад̇д̇аароби ад̇д̇ано убосат̇агаммам̣ ван̣н̣зд̇ваа удтааяа махаасад̇д̇ам̣ ванд̣̇ид̇ваа ‘‘бханд̇з, д̇умхз ан̃н̃зсу д̣̇ивасзсу имааяа взлааяа палаапалад̇т̇ааяа г̇ажчат̇а, аж̇ж̇а аг̇анд̇ваа гасмаа убосат̇игад̇т̇аа’’д̇и бужчанд̇аа г̇аат̇амаахам̣су –
Evaṃ te cattāropi attano uposathakammaṃ vaṇṇetvā uṭṭhāya mahāsattaṃ vanditvā ‘‘bhante, tumhe aññesu divasesu imāya velāya phalāphalatthāya gacchatha, ajja agantvā kasmā uposathikatthā’’ti pucchantā gāthamāhaṃsu –
140.
140.
‘‘яам̣ но абужчид̇т̇а д̇увам̣ бхад̣̇анд̇з, саб̣б̣зва б̣яаагаримха яат̇аабаж̇аанам̣;
‘‘Yaṃ no apucchittha tuvaṃ bhadante, sabbeva byākarimha yathāpajānaṃ;
маяамби бужчаама д̇увам̣ бхад̣̇анд̇з, гасмаа бхавам̣босат̇иго ну б̣рахмз’’д̇и.
Mayampi pucchāma tuvaṃ bhadante, kasmā bhavaṃposathiko nu brahme’’ti.
соби нзсам̣ б̣яаагааси –
Sopi nesaṃ byākāsi –
141.
141.
‘‘ануубалид̇д̇о мама ассамамхи, бажжзгаб̣уд̣̇д̇хо мухуд̇д̇ам̣ нисийд̣̇и;
‘‘Anūpalitto mama assamamhi, paccekabuddho muhuttaṃ nisīdi;
со мам̣ авзд̣̇ий г̇ад̇имааг̇ад̇ин̃жа, нааман̃жа г̇од̇д̇ам̣ жаран̣ан̃жа саб̣б̣ам̣.
So maṃ avedī gatimāgatiñca, nāmañca gottaṃ caraṇañca sabbaṃ.
142.
142.
‘‘звамбахам̣ на ванд̣̇и д̇асса баад̣̇з, на жааби нам̣ маанаг̇ад̇зна бужчим̣;
‘‘Evampahaṃ na vandi tassa pāde, na cāpi naṃ mānagatena pucchiṃ;
д̇асмаа ахам̣босат̇ам̣ баалаяаами, маано мамам̣ маа бунарааг̇амаасий’’д̇и.
Tasmā ahaṃposathaṃ pālayāmi, māno mamaṃ mā punarāgamāsī’’ti.
д̇ад̇т̇а яам̣ нод̇и яам̣ ад̇т̇ам̣ д̇вам̣ амхз абужчи. яат̇аабаж̇аананд̇и ад̇д̇ано баж̇аанананияаамзна д̇ам̣ маяам̣ б̣яаагаримха. ануубалид̇д̇од̇и саб̣б̣агилзсзхи алид̇д̇о. со мам̣ авзд̣̇ийд̇и со мама ид̣̇аани г̇анд̇аб̣б̣адтаанан̃жа г̇ад̇адтаанан̃жа ‘‘анааг̇ад̇з д̇вам̣ звам̣наамо б̣уд̣̇д̇хо бхависсаси звам̣г̇од̇д̇о, зваруубам̣ д̇з сийлажаран̣ам̣ бхависсад̇ий’’д̇и звам̣ нааман̃жа г̇од̇д̇ан̃жа жаран̣ан̃жа саб̣б̣ам̣ мам̣ авзд̣̇и ж̇аанаабзси, гат̇зсийд̇и ад̇т̇о. звамбахам̣ на ванд̣̇ийд̇и звам̣ гат̇знд̇ассаби д̇асса ахам̣ ад̇д̇ано маанам̣ ниссааяа баад̣̇з на ванд̣̇инд̇и.
Tattha yaṃ noti yaṃ atthaṃ tvaṃ amhe apucchi. Yathāpajānanti attano pajānananiyāmena taṃ mayaṃ byākarimha. Anūpalittoti sabbakilesehi alitto. So maṃ avedīti so mama idāni gantabbaṭṭhānañca gataṭṭhānañca ‘‘anāgate tvaṃ evaṃnāmo buddho bhavissasi evaṃgotto, evarūpaṃ te sīlacaraṇaṃ bhavissatī’’ti evaṃ nāmañca gottañca caraṇañca sabbaṃ maṃ avedi jānāpesi, kathesīti attho. Evampahaṃ na vandīti evaṃ kathentassapi tassa ahaṃ attano mānaṃ nissāya pāde na vandinti.
звам̣ махаасад̇д̇о ад̇д̇ано убосат̇агааран̣ам̣ гат̇зд̇ваа д̇з овад̣̇ид̇ваа уяяож̇зд̇ваа бан̣н̣асаалам̣ баависи, ид̇арзби яат̇аадтаанаани аг̇амам̣су. махаасад̇д̇о абарихийнаж̇жхаано б̣рахмалогабарааяан̣о ахоси, ид̇арз жа д̇ассоваад̣̇з тад̇ваа саг̇г̇абарааяан̣аа ахзсум̣.
Evaṃ mahāsatto attano uposathakāraṇaṃ kathetvā te ovaditvā uyyojetvā paṇṇasālaṃ pāvisi, itarepi yathāṭṭhānāni agamaṃsu. Mahāsatto aparihīnajjhāno brahmalokaparāyaṇo ahosi, itare ca tassovāde ṭhatvā saggaparāyaṇā ahesuṃ.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣ убаасагаа, убосат̇о наамзса бораан̣агабан̣д̣ид̇аанам̣ вам̣со, убавасид̇аб̣б̣о убосат̇аваасо’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа габод̇о ануруд̣̇д̇хо ахоси, ажчо гассабо, син̇г̇аало мог̇г̇аллаано, саббо саарибуд̇д̇о, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ upāsakā, uposatho nāmesa porāṇakapaṇḍitānaṃ vaṃso, upavasitabbo uposathavāso’’ti vatvā jātakaṃ samodhānesi – ‘‘tadā kapoto anuruddho ahosi, accho kassapo, siṅgālo moggallāno, sappo sāriputto, tāpaso pana ahameva ahosi’’nti.
бан̃жубосат̇аж̇аад̇агаван̣н̣анаа сад̇д̇амаа.
Pañcuposathajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 490. бан̃жубосат̇игаж̇аад̇агам̣ • 490. Pañcuposathikajātakaṃ
