| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๙๐. ปญฺจุโปสถิกชาตกํ (๗)
490. Pañcuposathikajātakaṃ (7)
๑๒๗.
127.
อโปฺปสฺสุโกฺก ทานิ ตุวํ กโปต, วิหงฺคม น ตว โภชนโตฺถ;
Appossukko dāni tuvaṃ kapota, vihaṅgama na tava bhojanattho;
๑๒๘.
128.
อหํ ปุเร คิทฺธิคโต กโปติยา, อสฺมิํ ปเทสสฺมิมุโภ รมาม;
Ahaṃ pure giddhigato kapotiyā, asmiṃ padesasmimubho ramāma;
อถคฺคหี สากุณิโก กโปติํ, อกามโก ตาย วินา อโหสิํฯ
Athaggahī sākuṇiko kapotiṃ, akāmako tāya vinā ahosiṃ.
๑๒๙.
129.
นานาภวา วิปฺปโยเคน ตสฺสา, มโนมยํ เวทน เวทยามิ 5;
Nānābhavā vippayogena tassā, manomayaṃ vedana vedayāmi 6;
ตสฺมา อหํโปสถํ ปาลยามิ, ราโค มมํ มา ปุนราคมาสิฯ
Tasmā ahaṃposathaṃ pālayāmi, rāgo mamaṃ mā punarāgamāsi.
๑๓๐.
130.
อนุชฺชุคามี อุรคา ทุชิวฺห 7, ทาฐาวุโธ โฆรวิโสสิ สปฺป;
Anujjugāmī uragā dujivha 8, dāṭhāvudho ghoravisosi sappa;
ขุทํ ปิปาสํ อธิวาสยโนฺต, กสฺมา ภวํโปสถิโก นุ ทีฆ 9ฯ
Khudaṃ pipāsaṃ adhivāsayanto, kasmā bhavaṃposathiko nu dīgha 10.
๑๓๑.
131.
อุสโภ อหู พลวา คามิกสฺส, จลกฺกกู วณฺณพลูปปโนฺน;
Usabho ahū balavā gāmikassa, calakkakū vaṇṇabalūpapanno;
โส มํ อกฺกมิ ตํ กุปิโต อฑํสิ, ทุกฺขาภิตุโณฺณ มรณํ อุปาคา 11ฯ
So maṃ akkami taṃ kupito aḍaṃsi, dukkhābhituṇṇo maraṇaṃ upāgā 12.
๑๓๒.
132.
ตโต ชนา นิกฺขมิตฺวาน คามา, กนฺทิตฺวา โรทิตฺวา 13 อปกฺกมิํสุ;
Tato janā nikkhamitvāna gāmā, kanditvā roditvā 14 apakkamiṃsu;
ตสฺมา อหํโปสถํ ปาลยามิ, โกโธ มมํ มา ปุนราคมาสิฯ
Tasmā ahaṃposathaṃ pālayāmi, kodho mamaṃ mā punarāgamāsi.
๑๓๓.
133.
มตาน มํสานิ พหู สุสาเน, มนุญฺญรูปํ ตว โภชเน ตํ;
Matāna maṃsāni bahū susāne, manuññarūpaṃ tava bhojane taṃ;
ขุทํ ปิปาสํ อธิวาสยโนฺต, กสฺมา ภวํโปสถิโก สิงฺคาล 15ฯ
Khudaṃ pipāsaṃ adhivāsayanto, kasmā bhavaṃposathiko siṅgāla 16.
๑๓๔.
134.
อุโณฺห จ วาโต ติขิณา จ รสฺมิโย, เต โสสยุํ ตสฺส กรีสมคฺคํฯ
Uṇho ca vāto tikhiṇā ca rasmiyo, te sosayuṃ tassa karīsamaggaṃ.
๑๓๕.
135.
กิโส จ ปณฺฑู จ อหํ ภทเนฺต, น เม อหู นิกฺขมนาย มโคฺค;
Kiso ca paṇḍū ca ahaṃ bhadante, na me ahū nikkhamanāya maggo;
มหา จ เมโฆ สหสา ปวสฺสิ, โส เตมยี ตสฺส กรีสมคฺคํฯ
Mahā ca megho sahasā pavassi, so temayī tassa karīsamaggaṃ.
๑๓๖.
136.
ตโต อหํ นิกฺขมิสํ ภทเนฺต, จโนฺท ยถา ราหุมุขา ปมุโตฺต;
Tato ahaṃ nikkhamisaṃ bhadante, cando yathā rāhumukhā pamutto;
ตสฺมา อหํโปสถํ ปาลยามิ, โลโภ มมํ มา ปุนราคมาสิฯ
Tasmā ahaṃposathaṃ pālayāmi, lobho mamaṃ mā punarāgamāsi.
๑๓๗.
137.
วมฺมีกถูปสฺมิํ กิปิลฺลิกานิ, นิโปฺปถยโนฺต ตุวํ ปุเร จราสิ;
Vammīkathūpasmiṃ kipillikāni, nippothayanto tuvaṃ pure carāsi;
ขุทํ ปิปาสํ อธิวาสยโนฺต, กสฺมา ภวํโปสถิโก นุ อจฺฉ 21ฯ
Khudaṃ pipāsaṃ adhivāsayanto, kasmā bhavaṃposathiko nu accha 22.
๑๓๘.
138.
ตโต ชนา นิกฺขมิตฺวาน คามา, โกทณฺฑเกน ปริโปถยิํสุ มํฯ
Tato janā nikkhamitvāna gāmā, kodaṇḍakena paripothayiṃsu maṃ.
๑๓๙.
139.
โส ภินฺนสีโส รุหิรมกฺขิตโงฺค, ปจฺจาคมาสิํ สกํ 29 นิเกตํ;
So bhinnasīso ruhiramakkhitaṅgo, paccāgamāsiṃ sakaṃ 30 niketaṃ;
ตสฺมา อหํโปสถํ ปาลยามิ, อตฺริจฺฉตา มา ปุนราคมาสิฯ
Tasmā ahaṃposathaṃ pālayāmi, atricchatā mā punarāgamāsi.
๑๔๐.
140.
ยํ โน อปุจฺฉิตฺถ ตุวํ ภทเนฺต, สเพฺพว พฺยากริมฺห ยถา ปชานํ;
Yaṃ no apucchittha tuvaṃ bhadante, sabbeva byākarimha yathā pajānaṃ;
มยมฺปิ ปุจฺฉาม ตุวํ ภทเนฺต, กสฺมา ภวํโปสถิโก นุ พฺรเหฺมฯ
Mayampi pucchāma tuvaṃ bhadante, kasmā bhavaṃposathiko nu brahme.
๑๔๑.
141.
อนูปลิโตฺต มม อสฺสมมฺหิ, ปเจฺจกพุโทฺธ มุหุตฺตํ นิสีทิ;
Anūpalitto mama assamamhi, paccekabuddho muhuttaṃ nisīdi;
โส มํ อเวที คติมาคติญฺจ, นามญฺจ โคตฺตํ จรณญฺจ สพฺพํฯ
So maṃ avedī gatimāgatiñca, nāmañca gottaṃ caraṇañca sabbaṃ.
๑๔๒.
142.
เอวมฺปหํ วนฺทิ น 31 ตสฺส ปาเท, น จาปิ นํ มานคเตน ปุจฺฉิํ;
Evampahaṃ vandi na 32 tassa pāde, na cāpi naṃ mānagatena pucchiṃ;
ตสฺมา อหํโปสถํ ปาลยามิ, มาโน มมํ มา ปุนราคมาสีติฯ
Tasmā ahaṃposathaṃ pālayāmi, māno mamaṃ mā punarāgamāsīti.
ปญฺจุโปสถิกชาตกํ สตฺตมํฯ
Pañcuposathikajātakaṃ sattamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๙๐] ๗. ปญฺจุโปสถชาตกวณฺณนา • [490] 7. Pañcuposathajātakavaṇṇanā
