| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៩០. បញ្ចុបោសថិកជាតកំ (៧)
490. Pañcuposathikajātakaṃ (7)
១២៧.
127.
អប្បោស្សុក្កោ ទានិ តុវំ កបោត, វិហង្គម ន តវ ភោជនត្ថោ;
Appossukko dāni tuvaṃ kapota, vihaṅgama na tava bhojanattho;
១២៨.
128.
អហំ បុរេ គិទ្ធិគតោ កបោតិយា, អស្មិំ បទេសស្មិមុភោ រមាម;
Ahaṃ pure giddhigato kapotiyā, asmiṃ padesasmimubho ramāma;
អថគ្គហី សាកុណិកោ កបោតិំ, អកាមកោ តាយ វិនា អហោសិំ។
Athaggahī sākuṇiko kapotiṃ, akāmako tāya vinā ahosiṃ.
១២៩.
129.
នានាភវា វិប្បយោគេន តស្សា, មនោមយំ វេទន វេទយាមិ 5;
Nānābhavā vippayogena tassā, manomayaṃ vedana vedayāmi 6;
តស្មា អហំបោសថំ បាលយាមិ, រាគោ មមំ មា បុនរាគមាសិ។
Tasmā ahaṃposathaṃ pālayāmi, rāgo mamaṃ mā punarāgamāsi.
១៣០.
130.
អនុជ្ជុគាមី ឧរគា ទុជិវ្ហ 7, ទាឋាវុធោ ឃោរវិសោសិ សប្ប;
Anujjugāmī uragā dujivha 8, dāṭhāvudho ghoravisosi sappa;
ខុទំ បិបាសំ អធិវាសយន្តោ, កស្មា ភវំបោសថិកោ នុ ទីឃ 9។
Khudaṃ pipāsaṃ adhivāsayanto, kasmā bhavaṃposathiko nu dīgha 10.
១៣១.
131.
ឧសភោ អហូ ពលវា គាមិកស្ស, ចលក្កកូ វណ្ណពលូបបន្នោ;
Usabho ahū balavā gāmikassa, calakkakū vaṇṇabalūpapanno;
សោ មំ អក្កមិ តំ កុបិតោ អឌំសិ, ទុក្ខាភិតុណ្ណោ មរណំ ឧបាគា 11។
So maṃ akkami taṃ kupito aḍaṃsi, dukkhābhituṇṇo maraṇaṃ upāgā 12.
១៣២.
132.
តតោ ជនា និក្ខមិត្វាន គាមា, កន្ទិត្វា រោទិត្វា 13 អបក្កមិំសុ;
Tato janā nikkhamitvāna gāmā, kanditvā roditvā 14 apakkamiṃsu;
តស្មា អហំបោសថំ បាលយាមិ, កោធោ មមំ មា បុនរាគមាសិ។
Tasmā ahaṃposathaṃ pālayāmi, kodho mamaṃ mā punarāgamāsi.
១៣៣.
133.
មតាន មំសានិ ពហូ សុសានេ, មនុញ្ញរូបំ តវ ភោជនេ តំ;
Matāna maṃsāni bahū susāne, manuññarūpaṃ tava bhojane taṃ;
ខុទំ បិបាសំ អធិវាសយន្តោ, កស្មា ភវំបោសថិកោ សិង្គាល 15។
Khudaṃ pipāsaṃ adhivāsayanto, kasmā bhavaṃposathiko siṅgāla 16.
១៣៤.
134.
ឧណ្ហោ ច វាតោ តិខិណា ច រស្មិយោ, តេ សោសយុំ តស្ស ករីសមគ្គំ។
Uṇho ca vāto tikhiṇā ca rasmiyo, te sosayuṃ tassa karīsamaggaṃ.
១៣៥.
135.
កិសោ ច បណ្ឌូ ច អហំ ភទន្តេ, ន មេ អហូ និក្ខមនាយ មគ្គោ;
Kiso ca paṇḍū ca ahaṃ bhadante, na me ahū nikkhamanāya maggo;
មហា ច មេឃោ សហសា បវស្សិ, សោ តេមយី តស្ស ករីសមគ្គំ។
Mahā ca megho sahasā pavassi, so temayī tassa karīsamaggaṃ.
១៣៦.
136.
តតោ អហំ និក្ខមិសំ ភទន្តេ, ចន្ទោ យថា រាហុមុខា បមុត្តោ;
Tato ahaṃ nikkhamisaṃ bhadante, cando yathā rāhumukhā pamutto;
តស្មា អហំបោសថំ បាលយាមិ, លោភោ មមំ មា បុនរាគមាសិ។
Tasmā ahaṃposathaṃ pālayāmi, lobho mamaṃ mā punarāgamāsi.
១៣៧.
137.
វម្មីកថូបស្មិំ កិបិល្លិកានិ, និប្បោថយន្តោ តុវំ បុរេ ចរាសិ;
Vammīkathūpasmiṃ kipillikāni, nippothayanto tuvaṃ pure carāsi;
ខុទំ បិបាសំ អធិវាសយន្តោ, កស្មា ភវំបោសថិកោ នុ អច្ឆ 21។
Khudaṃ pipāsaṃ adhivāsayanto, kasmā bhavaṃposathiko nu accha 22.
១៣៨.
138.
តតោ ជនា និក្ខមិត្វាន គាមា, កោទណ្ឌកេន បរិបោថយិំសុ មំ។
Tato janā nikkhamitvāna gāmā, kodaṇḍakena paripothayiṃsu maṃ.
១៣៩.
139.
សោ ភិន្នសីសោ រុហិរមក្ខិតង្គោ, បច្ចាគមាសិំ សកំ 29 និកេតំ;
So bhinnasīso ruhiramakkhitaṅgo, paccāgamāsiṃ sakaṃ 30 niketaṃ;
តស្មា អហំបោសថំ បាលយាមិ, អត្រិច្ឆតា មា បុនរាគមាសិ។
Tasmā ahaṃposathaṃ pālayāmi, atricchatā mā punarāgamāsi.
១៤០.
140.
យំ នោ អបុច្ឆិត្ថ តុវំ ភទន្តេ, សព្ពេវ ព្យាករិម្ហ យថា បជានំ;
Yaṃ no apucchittha tuvaṃ bhadante, sabbeva byākarimha yathā pajānaṃ;
មយម្បិ បុច្ឆាម តុវំ ភទន្តេ, កស្មា ភវំបោសថិកោ នុ ព្រហ្មេ។
Mayampi pucchāma tuvaṃ bhadante, kasmā bhavaṃposathiko nu brahme.
១៤១.
141.
អនូបលិត្តោ មម អស្សមម្ហិ, បច្ចេកពុទ្ធោ មុហុត្តំ និសីទិ;
Anūpalitto mama assamamhi, paccekabuddho muhuttaṃ nisīdi;
សោ មំ អវេទី គតិមាគតិញ្ច, នាមញ្ច គោត្តំ ចរណញ្ច សព្ពំ។
So maṃ avedī gatimāgatiñca, nāmañca gottaṃ caraṇañca sabbaṃ.
១៤២.
142.
ឯវម្បហំ វន្ទិ ន 31 តស្ស បាទេ, ន ចាបិ នំ មានគតេន បុច្ឆិំ;
Evampahaṃ vandi na 32 tassa pāde, na cāpi naṃ mānagatena pucchiṃ;
តស្មា អហំបោសថំ បាលយាមិ, មានោ មមំ មា បុនរាគមាសីតិ។
Tasmā ahaṃposathaṃ pālayāmi, māno mamaṃ mā punarāgamāsīti.
បញ្ចុបោសថិកជាតកំ សត្តមំ។
Pañcuposathikajātakaṃ sattamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៩០] ៧. បញ្ចុបោសថជាតកវណ្ណនា • [490] 7. Pañcuposathajātakavaṇṇanā
