Library / Tipiṭaka / തിപിടക • Tipiṭaka / ജാതകപാളി • Jātakapāḷi |
൪൯൦. പഞ്ചുപോസഥികജാതകം (൭)
490. Pañcuposathikajātakaṃ (7)
൧൨൭.
127.
അപ്പോസ്സുക്കോ ദാനി തുവം കപോത, വിഹങ്ഗമ ന തവ ഭോജനത്ഥോ;
Appossukko dāni tuvaṃ kapota, vihaṅgama na tava bhojanattho;
൧൨൮.
128.
അഹം പുരേ ഗിദ്ധിഗതോ കപോതിയാ, അസ്മിം പദേസസ്മിമുഭോ രമാമ;
Ahaṃ pure giddhigato kapotiyā, asmiṃ padesasmimubho ramāma;
അഥഗ്ഗഹീ സാകുണികോ കപോതിം, അകാമകോ തായ വിനാ അഹോസിം.
Athaggahī sākuṇiko kapotiṃ, akāmako tāya vinā ahosiṃ.
൧൨൯.
129.
നാനാഭവാ വിപ്പയോഗേന തസ്സാ, മനോമയം വേദന വേദയാമി 5;
Nānābhavā vippayogena tassā, manomayaṃ vedana vedayāmi 6;
തസ്മാ അഹംപോസഥം പാലയാമി, രാഗോ മമം മാ പുനരാഗമാസി.
Tasmā ahaṃposathaṃ pālayāmi, rāgo mamaṃ mā punarāgamāsi.
൧൩൦.
130.
അനുജ്ജുഗാമീ ഉരഗാ ദുജിവ്ഹ 7, ദാഠാവുധോ ഘോരവിസോസി സപ്പ;
Anujjugāmī uragā dujivha 8, dāṭhāvudho ghoravisosi sappa;
ഖുദം പിപാസം അധിവാസയന്തോ, കസ്മാ ഭവംപോസഥികോ നു ദീഘ 9.
Khudaṃ pipāsaṃ adhivāsayanto, kasmā bhavaṃposathiko nu dīgha 10.
൧൩൧.
131.
ഉസഭോ അഹൂ ബലവാ ഗാമികസ്സ, ചലക്കകൂ വണ്ണബലൂപപന്നോ;
Usabho ahū balavā gāmikassa, calakkakū vaṇṇabalūpapanno;
സോ മം അക്കമി തം കുപിതോ അഡംസി, ദുക്ഖാഭിതുണ്ണോ മരണം ഉപാഗാ 11.
So maṃ akkami taṃ kupito aḍaṃsi, dukkhābhituṇṇo maraṇaṃ upāgā 12.
൧൩൨.
132.
തതോ ജനാ നിക്ഖമിത്വാന ഗാമാ, കന്ദിത്വാ രോദിത്വാ 13 അപക്കമിംസു;
Tato janā nikkhamitvāna gāmā, kanditvā roditvā 14 apakkamiṃsu;
തസ്മാ അഹംപോസഥം പാലയാമി, കോധോ മമം മാ പുനരാഗമാസി.
Tasmā ahaṃposathaṃ pālayāmi, kodho mamaṃ mā punarāgamāsi.
൧൩൩.
133.
മതാന മംസാനി ബഹൂ സുസാനേ, മനുഞ്ഞരൂപം തവ ഭോജനേ തം;
Matāna maṃsāni bahū susāne, manuññarūpaṃ tava bhojane taṃ;
ഖുദം പിപാസം അധിവാസയന്തോ, കസ്മാ ഭവംപോസഥികോ സിങ്ഗാല 15.
Khudaṃ pipāsaṃ adhivāsayanto, kasmā bhavaṃposathiko siṅgāla 16.
൧൩൪.
134.
ഉണ്ഹോ ച വാതോ തിഖിണാ ച രസ്മിയോ, തേ സോസയും തസ്സ കരീസമഗ്ഗം.
Uṇho ca vāto tikhiṇā ca rasmiyo, te sosayuṃ tassa karīsamaggaṃ.
൧൩൫.
135.
കിസോ ച പണ്ഡൂ ച അഹം ഭദന്തേ, ന മേ അഹൂ നിക്ഖമനായ മഗ്ഗോ;
Kiso ca paṇḍū ca ahaṃ bhadante, na me ahū nikkhamanāya maggo;
മഹാ ച മേഘോ സഹസാ പവസ്സി, സോ തേമയീ തസ്സ കരീസമഗ്ഗം.
Mahā ca megho sahasā pavassi, so temayī tassa karīsamaggaṃ.
൧൩൬.
136.
തതോ അഹം നിക്ഖമിസം ഭദന്തേ, ചന്ദോ യഥാ രാഹുമുഖാ പമുത്തോ;
Tato ahaṃ nikkhamisaṃ bhadante, cando yathā rāhumukhā pamutto;
തസ്മാ അഹംപോസഥം പാലയാമി, ലോഭോ മമം മാ പുനരാഗമാസി.
Tasmā ahaṃposathaṃ pālayāmi, lobho mamaṃ mā punarāgamāsi.
൧൩൭.
137.
വമ്മീകഥൂപസ്മിം കിപില്ലികാനി, നിപ്പോഥയന്തോ തുവം പുരേ ചരാസി;
Vammīkathūpasmiṃ kipillikāni, nippothayanto tuvaṃ pure carāsi;
ഖുദം പിപാസം അധിവാസയന്തോ, കസ്മാ ഭവംപോസഥികോ നു അച്ഛ 21.
Khudaṃ pipāsaṃ adhivāsayanto, kasmā bhavaṃposathiko nu accha 22.
൧൩൮.
138.
തതോ ജനാ നിക്ഖമിത്വാന ഗാമാ, കോദണ്ഡകേന പരിപോഥയിംസു മം.
Tato janā nikkhamitvāna gāmā, kodaṇḍakena paripothayiṃsu maṃ.
൧൩൯.
139.
സോ ഭിന്നസീസോ രുഹിരമക്ഖിതങ്ഗോ, പച്ചാഗമാസിം സകം 29 നികേതം;
So bhinnasīso ruhiramakkhitaṅgo, paccāgamāsiṃ sakaṃ 30 niketaṃ;
തസ്മാ അഹംപോസഥം പാലയാമി, അത്രിച്ഛതാ മാ പുനരാഗമാസി.
Tasmā ahaṃposathaṃ pālayāmi, atricchatā mā punarāgamāsi.
൧൪൦.
140.
യം നോ അപുച്ഛിത്ഥ തുവം ഭദന്തേ, സബ്ബേവ ബ്യാകരിമ്ഹ യഥാ പജാനം;
Yaṃ no apucchittha tuvaṃ bhadante, sabbeva byākarimha yathā pajānaṃ;
മയമ്പി പുച്ഛാമ തുവം ഭദന്തേ, കസ്മാ ഭവംപോസഥികോ നു ബ്രഹ്മേ.
Mayampi pucchāma tuvaṃ bhadante, kasmā bhavaṃposathiko nu brahme.
൧൪൧.
141.
അനൂപലിത്തോ മമ അസ്സമമ്ഹി, പച്ചേകബുദ്ധോ മുഹുത്തം നിസീദി;
Anūpalitto mama assamamhi, paccekabuddho muhuttaṃ nisīdi;
സോ മം അവേദീ ഗതിമാഗതിഞ്ച, നാമഞ്ച ഗോത്തം ചരണഞ്ച സബ്ബം.
So maṃ avedī gatimāgatiñca, nāmañca gottaṃ caraṇañca sabbaṃ.
൧൪൨.
142.
ഏവമ്പഹം വന്ദി ന 31 തസ്സ പാദേ, ന ചാപി നം മാനഗതേന പുച്ഛിം;
Evampahaṃ vandi na 32 tassa pāde, na cāpi naṃ mānagatena pucchiṃ;
തസ്മാ അഹംപോസഥം പാലയാമി, മാനോ മമം മാ പുനരാഗമാസീതി.
Tasmā ahaṃposathaṃ pālayāmi, māno mamaṃ mā punarāgamāsīti.
പഞ്ചുപോസഥികജാതകം സത്തമം.
Pañcuposathikajātakaṃ sattamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ജാതക-അട്ഠകഥാ • Jātaka-aṭṭhakathā / [൪൯൦] ൭. പഞ്ചുപോസഥജാതകവണ്ണനാ • [490] 7. Pañcuposathajātakavaṇṇanā