| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
47. бан̣д̣агавад̇т̇у
47. Paṇḍakavatthu
109. д̇зна ко бана самаязна ан̃н̃ад̇аро бан̣д̣аго бхигкуусу баб̣б̣аж̇ид̇о ход̇и. со д̣̇ахарз д̣̇ахарз бхигкуу убасан̇гамид̇ваа звам̣ вад̣̇зд̇и – ‘‘зт̇а, мам̣ ааяасманд̇о д̣̇уусзт̇аа’’д̇и. бхигкуу абасаад̣̇знд̇и – ‘‘насса, бан̣д̣ага, винасса, бан̣д̣ага, го д̇аяаа ад̇т̇о’’д̇и. со бхигкуухи абасаад̣̇ид̇о маханд̇з маханд̇з мол̣иг̇аллз сааман̣зрз убасан̇гамид̇ваа звам̣ вад̣̇зд̇и – ‘‘зт̇а, мам̣ аавусо д̣̇уусзт̇аа’’д̇и. сааман̣зраа абасаад̣̇знд̇и – ‘‘насса, бан̣д̣ага, винасса, бан̣д̣ага, го д̇аяаа ад̇т̇о’’д̇и. со сааман̣зрзхи абасаад̣̇ид̇о хад̇т̇ибхан̣д̣з ассабхан̣д̣з убасан̇гамид̇ваа звам̣ вад̣̇зд̇и – ‘‘зт̇а, мам̣, аавусо , д̣̇уусзт̇аа’’д̇и. хад̇т̇ибхан̣д̣аа ассабхан̣д̣аа д̣̇уусзсум̣. д̇з уж̇жхааяанд̇и кияяанд̇и вибаажзнд̇и – ‘‘бан̣д̣агаа имз саман̣аа сагяабуд̇д̇ияаа. язби имзсам̣ на бан̣д̣агаа, д̇зби имз бан̣д̣агз д̣̇уусзнд̇и. звам̣ имз саб̣б̣зва аб̣рахмажаарино’’д̇и. ассосум̣ ко бхигкуу д̇зсам̣ хад̇т̇ибхан̣д̣аанам̣ ассабхан̣д̣аанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. бан̣д̣аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣од̇и.
109. Tena kho pana samayena aññataro paṇḍako bhikkhūsu pabbajito hoti. So dahare dahare bhikkhū upasaṅkamitvā evaṃ vadeti – ‘‘etha, maṃ āyasmanto dūsethā’’ti. Bhikkhū apasādenti – ‘‘nassa, paṇḍaka, vinassa, paṇḍaka, ko tayā attho’’ti. So bhikkhūhi apasādito mahante mahante moḷigalle sāmaṇere upasaṅkamitvā evaṃ vadeti – ‘‘etha, maṃ āvuso dūsethā’’ti. Sāmaṇerā apasādenti – ‘‘nassa, paṇḍaka, vinassa, paṇḍaka, ko tayā attho’’ti. So sāmaṇerehi apasādito hatthibhaṇḍe assabhaṇḍe upasaṅkamitvā evaṃ vadeti – ‘‘etha, maṃ, āvuso , dūsethā’’ti. Hatthibhaṇḍā assabhaṇḍā dūsesuṃ. Te ujjhāyanti khiyyanti vipācenti – ‘‘paṇḍakā ime samaṇā sakyaputtiyā. Yepi imesaṃ na paṇḍakā, tepi ime paṇḍake dūsenti. Evaṃ ime sabbeva abrahmacārino’’ti. Assosuṃ kho bhikkhū tesaṃ hatthibhaṇḍānaṃ assabhaṇḍānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Paṇḍako, bhikkhave, anupasampanno na upasampādetabbo, upasampanno nāsetabboti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̣д̣агавад̇т̇угат̇аа • Paṇḍakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̣д̣агавад̇т̇угат̇ааван̣н̣анаа • Paṇḍakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̣д̣агавад̇т̇угат̇ааван̣н̣анаа • Paṇḍakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̣д̣агавад̇т̇угат̇ааван̣н̣анаа • Paṇḍakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 47. бан̣д̣агавад̇т̇угат̇аа • 47. Paṇḍakavatthukathā
