| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
பண்ட³கவத்து²கதா²வண்ணனா
Paṇḍakavatthukathāvaṇṇanā
109. ஓபக்கமிகபண்ட³கஸ்ஸ ஹீனங்க³த்தா அபப்³ப³ஜிதஸ்ஸ பப்³ப³ஜ்ஜா வாரிதா, பப்³ப³ஜிதஸ்ஸ உபஸம்பதா³ ந காதப்³பா³. புப்³பே³ உபஸம்பன்னஸ்ஸ சே உபசரணங் அத்தி², ந நாஸனா காதப்³பா³தி நோ தக்கோதி ஆசரியோ. சி²ன்னங்க³ஜாதோ ந பண்ட³கோ. பஞ்சஸு நபுங்ஸகபண்ட³கோவ அபா⁴வகோ. இதரே சத்தாரோ ஸபா⁴வகாதி வேதி³தப்³பா³. பா⁴வோ பன தேஸங் பண்ட³கோ ஹோதி. ஏதே சத்தாரோபி கிர புரிஸாவாதி ஏகே. இத்தீ²பி பக்க²பண்ட³கீ ஹோதீதி ஏகே. உபக்கமே கதே பண்ட³கபா⁴வோ அவஸ்ஸங் ஹோதி, தஸ்மா பப்³ப³ஜ்ஜங் ந லப⁴தி. ‘‘யதி³ பன கஸ்ஸசி ந ஹோதி, பப்³ப³ஜ்ஜா ந வாரிதாதி வினிச்ச²யங் வத³ந்தீ’’தி வுத்தங்.
109. Opakkamikapaṇḍakassa hīnaṅgattā apabbajitassa pabbajjā vāritā, pabbajitassa upasampadā na kātabbā. Pubbe upasampannassa ce upacaraṇaṃ atthi, na nāsanā kātabbāti no takkoti ācariyo. Chinnaṅgajāto na paṇḍako. Pañcasu napuṃsakapaṇḍakova abhāvako. Itare cattāro sabhāvakāti veditabbā. Bhāvo pana tesaṃ paṇḍako hoti. Ete cattāropi kira purisāvāti eke. Itthīpi pakkhapaṇḍakī hotīti eke. Upakkame kate paṇḍakabhāvo avassaṃ hoti, tasmā pabbajjaṃ na labhati. ‘‘Yadi pana kassaci na hoti, pabbajjā na vāritāti vinicchayaṃ vadantī’’ti vuttaṃ.
‘‘பப்³ப³ஜ்ஜா வாரிதாதி அபண்ட³கபக்கே² பப்³பா³ஜெத்வா பண்ட³கபக்கே² நாஸேதப்³போ³தி அதி⁴ப்பாயோ’’தி லிகி²தங். போராணக³ண்டி²பதே³ பன மாஸபண்ட³கலேக²பண்ட³கேஹி ஸஹ ஸத்த பண்ட³கா வுத்தா. தத்த² லேக²பண்ட³கோ நாம கிர மந்தவஸேன உபஹதபீ³ஜோ. தத்த² ‘‘ஓபக்கமிகலேக²பண்ட³கா பப்³ப³ஜிதா ந நாஸேதப்³பா³. யோ பப்³பா³ஜேதி, தஸ்ஸ து³க்கட’’ந்தி ச வுத்தங்.
‘‘Pabbajjā vāritāti apaṇḍakapakkhe pabbājetvā paṇḍakapakkhe nāsetabboti adhippāyo’’ti likhitaṃ. Porāṇagaṇṭhipade pana māsapaṇḍakalekhapaṇḍakehi saha satta paṇḍakā vuttā. Tattha lekhapaṇḍako nāma kira mantavasena upahatabījo. Tattha ‘‘opakkamikalekhapaṇḍakā pabbajitā na nāsetabbā. Yo pabbājeti, tassa dukkaṭa’’nti ca vuttaṃ.
பண்ட³கவத்து²கதா²வண்ணனா நிட்டி²தா.
Paṇḍakavatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 47. பண்ட³கவத்து² • 47. Paṇḍakavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பண்ட³கவத்து²கதா² • Paṇḍakavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பண்ட³கவத்து²கதா²வண்ணனா • Paṇḍakavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பண்ட³கவத்து²கதா²வண்ணனா • Paṇḍakavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 47. பண்ட³கவத்து²கதா² • 47. Paṇḍakavatthukathā
