| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
পণ্ডকৰত্থুকথাৰণ্ণনা
Paṇḍakavatthukathāvaṇṇanā
১০৯. ওপক্কমিকপণ্ডকস্স হীনঙ্গত্তা অপব্বজিতস্স পব্বজ্জা ৰারিতা, পব্বজিতস্স উপসম্পদা ন কাতব্বা। পুব্বে উপসম্পন্নস্স চে উপচরণং অত্থি, ন নাসনা কাতব্বাতি নো তক্কোতি আচরিযো। ছিন্নঙ্গজাতো ন পণ্ডকো। পঞ্চসু নপুংসকপণ্ডকোৰ অভাৰকো। ইতরে চত্তারো সভাৰকাতি ৰেদিতব্বা। ভাৰো পন তেসং পণ্ডকো হোতি। এতে চত্তারোপি কির পুরিসাৰাতি একে। ইত্থীপি পক্খপণ্ডকী হোতীতি একে। উপক্কমে কতে পণ্ডকভাৰো অৰস্সং হোতি, তস্মা পব্বজ্জং ন লভতি। ‘‘যদি পন কস্সচি ন হোতি, পব্বজ্জা ন ৰারিতাতি ৰিনিচ্ছযং ৰদন্তী’’তি ৰুত্তং।
109. Opakkamikapaṇḍakassa hīnaṅgattā apabbajitassa pabbajjā vāritā, pabbajitassa upasampadā na kātabbā. Pubbe upasampannassa ce upacaraṇaṃ atthi, na nāsanā kātabbāti no takkoti ācariyo. Chinnaṅgajāto na paṇḍako. Pañcasu napuṃsakapaṇḍakova abhāvako. Itare cattāro sabhāvakāti veditabbā. Bhāvo pana tesaṃ paṇḍako hoti. Ete cattāropi kira purisāvāti eke. Itthīpi pakkhapaṇḍakī hotīti eke. Upakkame kate paṇḍakabhāvo avassaṃ hoti, tasmā pabbajjaṃ na labhati. ‘‘Yadi pana kassaci na hoti, pabbajjā na vāritāti vinicchayaṃ vadantī’’ti vuttaṃ.
‘‘পব্বজ্জা ৰারিতাতি অপণ্ডকপক্খে পব্বাজেত্ৰা পণ্ডকপক্খে নাসেতব্বোতি অধিপ্পাযো’’তি লিখিতং। পোরাণগণ্ঠিপদে পন মাসপণ্ডকলেখপণ্ডকেহি সহ সত্ত পণ্ডকা ৰুত্তা। তত্থ লেখপণ্ডকো নাম কির মন্তৰসেন উপহতবীজো। তত্থ ‘‘ওপক্কমিকলেখপণ্ডকা পব্বজিতা ন নাসেতব্বা। যো পব্বাজেতি, তস্স দুক্কট’’ন্তি চ ৰুত্তং।
‘‘Pabbajjā vāritāti apaṇḍakapakkhe pabbājetvā paṇḍakapakkhe nāsetabboti adhippāyo’’ti likhitaṃ. Porāṇagaṇṭhipade pana māsapaṇḍakalekhapaṇḍakehi saha satta paṇḍakā vuttā. Tattha lekhapaṇḍako nāma kira mantavasena upahatabījo. Tattha ‘‘opakkamikalekhapaṇḍakā pabbajitā na nāsetabbā. Yo pabbājeti, tassa dukkaṭa’’nti ca vuttaṃ.
পণ্ডকৰত্থুকথাৰণ্ণনা নিট্ঠিতা।
Paṇḍakavatthukathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ৪৭. পণ্ডকৰত্থু • 47. Paṇḍakavatthu
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / পণ্ডকৰত্থুকথা • Paṇḍakavatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পণ্ডকৰত্থুকথাৰণ্ণনা • Paṇḍakavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পণ্ডকৰত্থুকথাৰণ্ণনা • Paṇḍakavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৪৭. পণ্ডকৰত্থুকথা • 47. Paṇḍakavatthukathā
