| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
бан̣д̣агавад̇т̇угат̇ааван̣н̣анаа
Paṇḍakavatthukathāvaṇṇanā
109. бан̣д̣агавад̇т̇усмим̣ аасид̇д̇аусууяабагкабан̣д̣агаа д̇аяоби бурисабхаавалин̇г̇аад̣̇ияуд̇д̇аа ахзд̇угабадисанд̇хигаа, д̇з жа гилзсабарияудтаанасса б̣алавад̇ааяа набум̣сагабан̣д̣агасад̣̇исад̇д̇аа ‘‘бан̣д̣агаа’’д̇и вуд̇д̇аа. д̇зсу аасид̇д̇аусууяабан̣д̣агаанам̣ д̣̇виннам̣ гилзсабарияудтаанам̣ яонисоманасигаараад̣̇ийхи вийд̇иггамад̇о ниваарзд̇умби саггаа, д̇зна д̇з баб̣б̣ааж̇зд̇аб̣б̣аа вуд̇д̇аа. багкабан̣д̣агасса бана гаал̣абагкзсу уммаад̣̇о вияа гилзсабарил̣аахо авад̇т̇аранд̇о ааг̇ажчад̇и, вийд̇иггамам̣ бад̇ваа зва жа нивад̇д̇ад̇и. д̇асмаа со д̇асмим̣ багкз на баб̣б̣ааж̇зд̇аб̣б̣од̇и вуд̇д̇о. д̇ад̣̇зд̇ам̣ вибхааг̇ам̣ д̣̇ассзд̇ум̣ ‘‘яасса барзса’’нд̇иаад̣̇и вуд̇д̇ам̣. д̇ад̇т̇а аасид̇д̇ассаад̇и мукз аасид̇д̇асса ад̇д̇аноби асужимужжанзна барил̣аахо вуубасаммад̇и. усууяааяа уббаннааяаад̇и усууяааяа васзна ад̇д̇ано сзвзд̇угаамад̇аарааг̇з уббаннз асужимуд̇д̇ияаа барил̣аахо вуубасаммад̇и.
109. Paṇḍakavatthusmiṃ āsittausūyapakkhapaṇḍakā tayopi purisabhāvaliṅgādiyuttā ahetukapaṭisandhikā, te ca kilesapariyuṭṭhānassa balavatāya napuṃsakapaṇḍakasadisattā ‘‘paṇḍakā’’ti vuttā. Tesu āsittausūyapaṇḍakānaṃ dvinnaṃ kilesapariyuṭṭhānaṃ yonisomanasikārādīhi vītikkamato nivāretumpi sakkā, tena te pabbājetabbā vuttā. Pakkhapaṇḍakassa pana kāḷapakkhesu ummādo viya kilesapariḷāho avattharanto āgacchati, vītikkamaṃ patvā eva ca nivattati. Tasmā so tasmiṃ pakkhe na pabbājetabboti vutto. Tadetaṃ vibhāgaṃ dassetuṃ ‘‘yassa paresa’’ntiādi vuttaṃ. Tattha āsittassāti mukhe āsittassa attanopi asucimuccanena pariḷāho vūpasammati. Usūyāya uppannāyāti usūyāya vasena attano sevetukāmatārāge uppanne asucimuttiyā pariḷāho vūpasammati.
‘‘б̣ийж̇аани абанийд̇ааний’’д̇и вуд̇д̇ад̇д̇аа б̣ийж̇зсу тид̇зсу нимид̇д̇амад̇д̇з абанийд̇з бан̣д̣аго на ход̇и. бхигкуноби анааб̣аад̇хабажжаяаа д̇ад̣̇абанаяанз т̇уллажжаяамзва, на бана бан̣д̣агад̇д̇ам̣, б̣ийж̇зсу бана абанийд̇зсу ан̇г̇аж̇аад̇амби рааг̇зна гамманияам̣ на ход̇и, бумабхааво виг̇ажчад̇и, массуаад̣̇ибурисалин̇г̇амби убасамбад̣̇ааби виг̇ажчад̇и, гилзсабарил̣аахоби д̣̇уннивааравийд̇иггамо ход̇и набум̣сагабан̣д̣агасса вияа. д̇асмаа ийд̣̇исо убасамбанноби наасзд̇аб̣б̣од̇и вад̣̇анд̇и. яад̣̇и звам̣ гасмаа б̣ийж̇уд̣̇д̇харан̣з баарааж̇игам̣ на бан̃н̃ад̇д̇анд̇и? зд̇т̇а д̇аава гзжи вад̣̇анд̇и ‘‘бан̃н̃ад̇д̇амзвзд̇ам̣ бхаг̇авад̇аа ‘бан̣д̣аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’д̇и вуд̇д̇ад̇д̇аа’’д̇и. гзжи бана ‘‘яасмаа б̣ийж̇уд̣̇д̇харан̣агкан̣з бан̣д̣аго на ход̇и, д̇асмаа д̇асмим̣ кан̣з баарааж̇игам̣ на бан̃н̃ад̇д̇ам̣. яасмаа бана со уд̣̇д̇хадаб̣ийж̇о бхигку абарзна самаязна вуд̇д̇анаязна бан̣д̣агад̇д̇ам̣ аабаж̇ж̇ад̇и, абхааваго ход̇и, убасамбад̣̇ааяа авад̇т̇у, д̇ад̇о зва жасса убасамбад̣̇аа виг̇ажчад̇и, д̇асмаа зса бан̣д̣агад̇д̇убаг̇аманагаалад̇о бадтааяа ж̇аад̇ияаа набум̣сагабан̣д̣агзна сад̣̇д̇хим̣ яож̇зд̇ваа ‘убасамбанно наасзд̇аб̣б̣о’д̇и абхаб̣б̣од̇и вуд̇д̇о, на д̇ад̇о буб̣б̣з. аяан̃жа гин̃жааби сахзд̇уго, бхаавагкаязна банасса ахзд̇угасад̣̇исад̇ааяа маг̇г̇оби на уббаж̇ж̇ад̇ий’’д̇и вад̣̇анд̇и. абарз бана ‘‘баб̣б̣аж̇ж̇ад̇о буб̣б̣з убаггамзна бан̣д̣агабхаавамаабаннам̣ санд̇хааяа ‘убасамбанно наасзд̇аб̣б̣о’д̇и вуд̇д̇ам̣, убасамбаннасса бана бажчаа убаггамзна убасамбад̣̇ааби на виг̇ажчад̇ий’’д̇и, д̇ам̣ на яуд̇д̇ам̣. яад̣̇аг̇г̇зна хи баб̣б̣аж̇ж̇ад̇о буб̣б̣з убаггамзна абхаб̣б̣о ход̇и, д̇ад̣̇аг̇г̇зна бажчааби ход̇ийд̇и виймам̣сид̇ваа г̇ахзд̇аб̣б̣ам̣.
‘‘Bījāni apanītānī’’ti vuttattā bījesu ṭhitesu nimittamatte apanīte paṇḍako na hoti. Bhikkhunopi anābādhapaccayā tadapanayane thullaccayameva, na pana paṇḍakattaṃ, bījesu pana apanītesu aṅgajātampi rāgena kammaniyaṃ na hoti, pumabhāvo vigacchati, massuādipurisaliṅgampi upasampadāpi vigacchati, kilesapariḷāhopi dunnivāravītikkamo hoti napuṃsakapaṇḍakassa viya. Tasmā īdiso upasampannopi nāsetabboti vadanti. Yadi evaṃ kasmā bījuddharaṇe pārājikaṃ na paññattanti? Ettha tāva keci vadanti ‘‘paññattamevetaṃ bhagavatā ‘paṇḍako, bhikkhave, anupasampanno na upasampādetabbo, upasampanno nāsetabbo’ti vuttattā’’ti. Keci pana ‘‘yasmā bījuddharaṇakkhaṇe paṇḍako na hoti, tasmā tasmiṃ khaṇe pārājikaṃ na paññattaṃ. Yasmā pana so uddhaṭabījo bhikkhu aparena samayena vuttanayena paṇḍakattaṃ āpajjati, abhāvako hoti, upasampadāya avatthu, tato eva cassa upasampadā vigacchati, tasmā esa paṇḍakattupagamanakālato paṭṭhāya jātiyā napuṃsakapaṇḍakena saddhiṃ yojetvā ‘upasampanno nāsetabbo’ti abhabboti vutto, na tato pubbe. Ayañca kiñcāpi sahetuko, bhāvakkhayena panassa ahetukasadisatāya maggopi na uppajjatī’’ti vadanti. Apare pana ‘‘pabbajjato pubbe upakkamena paṇḍakabhāvamāpannaṃ sandhāya ‘upasampanno nāsetabbo’ti vuttaṃ, upasampannassa pana pacchā upakkamena upasampadāpi na vigacchatī’’ti, taṃ na yuttaṃ. Yadaggena hi pabbajjato pubbe upakkamena abhabbo hoti, tadaggena pacchāpi hotīti vīmaṃsitvā gahetabbaṃ.
ид̇т̇ад̇д̇аад̣̇и бхааво над̇т̇и зд̇ассаад̇и абхааваго. баб̣б̣аж̇ж̇аа на ваарид̇аад̇и зд̇т̇а баб̣б̣аж̇ж̇ааг̇ахан̣знзва убасамбад̣̇ааби г̇ахид̇аа. д̇знааха ‘‘яасса жзд̇т̇а баб̣б̣аж̇ж̇аа ваарид̇аа’’д̇иаад̣̇и. д̇асмим̣язвасса багкз баб̣б̣аж̇ж̇аа ваарид̇аад̇и зд̇т̇а бана абан̣д̣агабагкзби баб̣б̣аж̇ж̇аамад̇д̇амзва лабхад̇и, убасамбад̣̇аа бана д̇ад̣̇ааби на ваддад̇и, бан̣д̣агабагкз бана ааг̇ад̇з лин̇г̇анаасанааяа наасзд̇аб̣б̣од̇и взд̣̇ид̇аб̣б̣ам̣.
Itthattādi bhāvo natthi etassāti abhāvako. Pabbajjā na vāritāti ettha pabbajjāgahaṇeneva upasampadāpi gahitā. Tenāha ‘‘yassa cettha pabbajjā vāritā’’tiādi. Tasmiṃyevassa pakkhe pabbajjā vāritāti ettha pana apaṇḍakapakkhepi pabbajjāmattameva labhati, upasampadā pana tadāpi na vaṭṭati, paṇḍakapakkhe pana āgate liṅganāsanāya nāsetabboti veditabbaṃ.
бан̣д̣агавад̇т̇угат̇ааван̣н̣анаа нидтид̇аа.
Paṇḍakavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 47. бан̣д̣агавад̇т̇у • 47. Paṇḍakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̣д̣агавад̇т̇угат̇аа • Paṇḍakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̣д̣агавад̇т̇угат̇ааван̣н̣анаа • Paṇḍakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̣д̣агавад̇т̇угат̇ааван̣н̣анаа • Paṇḍakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 47. бан̣д̣агавад̇т̇угат̇аа • 47. Paṇḍakavatthukathā
