| Library / Tipiṭaka / तिपिटक • Tipiṭaka / वजिरबुद्धि-टीका • Vajirabuddhi-ṭīkā |
पण्डकवत्थुकथावण्णना
Paṇḍakavatthukathāvaṇṇanā
१०९. ओपक्कमिकपण्डकस्स हीनङ्गत्ता अपब्बजितस्स पब्बज्जा वारिता, पब्बजितस्स उपसम्पदा न कातब्बा। पुब्बे उपसम्पन्नस्स चे उपचरणं अत्थि, न नासना कातब्बाति नो तक्कोति आचरियो। छिन्नङ्गजातो न पण्डको। पञ्चसु नपुंसकपण्डकोव अभावको। इतरे चत्तारो सभावकाति वेदितब्बा। भावो पन तेसं पण्डको होति। एते चत्तारोपि किर पुरिसावाति एके। इत्थीपि पक्खपण्डकी होतीति एके। उपक्कमे कते पण्डकभावो अवस्सं होति, तस्मा पब्बज्जं न लभति। ‘‘यदि पन कस्सचि न होति, पब्बज्जा न वारिताति विनिच्छयं वदन्ती’’ति वुत्तं।
109. Opakkamikapaṇḍakassa hīnaṅgattā apabbajitassa pabbajjā vāritā, pabbajitassa upasampadā na kātabbā. Pubbe upasampannassa ce upacaraṇaṃ atthi, na nāsanā kātabbāti no takkoti ācariyo. Chinnaṅgajāto na paṇḍako. Pañcasu napuṃsakapaṇḍakova abhāvako. Itare cattāro sabhāvakāti veditabbā. Bhāvo pana tesaṃ paṇḍako hoti. Ete cattāropi kira purisāvāti eke. Itthīpi pakkhapaṇḍakī hotīti eke. Upakkame kate paṇḍakabhāvo avassaṃ hoti, tasmā pabbajjaṃ na labhati. ‘‘Yadi pana kassaci na hoti, pabbajjā na vāritāti vinicchayaṃ vadantī’’ti vuttaṃ.
‘‘पब्बज्जा वारिताति अपण्डकपक्खे पब्बाजेत्वा पण्डकपक्खे नासेतब्बोति अधिप्पायो’’ति लिखितं। पोराणगण्ठिपदे पन मासपण्डकलेखपण्डकेहि सह सत्त पण्डका वुत्ता। तत्थ लेखपण्डको नाम किर मन्तवसेन उपहतबीजो। तत्थ ‘‘ओपक्कमिकलेखपण्डका पब्बजिता न नासेतब्बा। यो पब्बाजेति, तस्स दुक्कट’’न्ति च वुत्तं।
‘‘Pabbajjā vāritāti apaṇḍakapakkhe pabbājetvā paṇḍakapakkhe nāsetabboti adhippāyo’’ti likhitaṃ. Porāṇagaṇṭhipade pana māsapaṇḍakalekhapaṇḍakehi saha satta paṇḍakā vuttā. Tattha lekhapaṇḍako nāma kira mantavasena upahatabījo. Tattha ‘‘opakkamikalekhapaṇḍakā pabbajitā na nāsetabbā. Yo pabbājeti, tassa dukkaṭa’’nti ca vuttaṃ.
पण्डकवत्थुकथावण्णना निट्ठिता।
Paṇḍakavatthukathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi / ४७. पण्डकवत्थु • 47. Paṇḍakavatthu
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā / पण्डकवत्थुकथा • Paṇḍakavatthukathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / पण्डकवत्थुकथावण्णना • Paṇḍakavatthukathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / पण्डकवत्थुकथावण्णना • Paṇḍakavatthukathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ४७. पण्डकवत्थुकथा • 47. Paṇḍakavatthukathā
