| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
པཎྜཀཝཏྠུཀཐཱཝཎྞནཱ
Paṇḍakavatthukathāvaṇṇanā
༡༠༩. ཨོཔཀྐམིཀཔཎྜཀསྶ ཧཱིནངྒཏྟཱ ཨཔབྦཛིཏསྶ པབྦཛྫཱ ཝཱརིཏཱ, པབྦཛིཏསྶ ཨུཔསམྤདཱ ན ཀཱཏབྦཱ། པུབྦེ ཨུཔསམྤནྣསྶ ཙེ ཨུཔཙརཎཾ ཨཏྠི, ན ནཱསནཱ ཀཱཏབྦཱཏི ནོ ཏཀྐོཏི ཨཱཙརིཡོ། ཚིནྣངྒཛཱཏོ ན པཎྜཀོ། པཉྩསུ ནཔུཾསཀཔཎྜཀོཝ ཨབྷཱཝཀོ། ཨིཏརེ ཙཏྟཱརོ སབྷཱཝཀཱཏི ཝེདིཏབྦཱ། བྷཱཝོ པན ཏེསཾ པཎྜཀོ ཧོཏི། ཨེཏེ ཙཏྟཱརོཔི ཀིར པུརིསཱཝཱཏི ཨེཀེ། ཨིཏྠཱིཔི པཀྑཔཎྜཀཱི ཧོཏཱིཏི ཨེཀེ། ཨུཔཀྐམེ ཀཏེ པཎྜཀབྷཱཝོ ཨཝསྶཾ ཧོཏི, ཏསྨཱ པབྦཛྫཾ ན ལབྷཏི། ‘‘ཡདི པན ཀསྶཙི ན ཧོཏི, པབྦཛྫཱ ན ཝཱརིཏཱཏི ཝིནིཙྪཡཾ ཝདནྟཱི’’ཏི ཝུཏྟཾ།
109. Opakkamikapaṇḍakassa hīnaṅgattā apabbajitassa pabbajjā vāritā, pabbajitassa upasampadā na kātabbā. Pubbe upasampannassa ce upacaraṇaṃ atthi, na nāsanā kātabbāti no takkoti ācariyo. Chinnaṅgajāto na paṇḍako. Pañcasu napuṃsakapaṇḍakova abhāvako. Itare cattāro sabhāvakāti veditabbā. Bhāvo pana tesaṃ paṇḍako hoti. Ete cattāropi kira purisāvāti eke. Itthīpi pakkhapaṇḍakī hotīti eke. Upakkame kate paṇḍakabhāvo avassaṃ hoti, tasmā pabbajjaṃ na labhati. ‘‘Yadi pana kassaci na hoti, pabbajjā na vāritāti vinicchayaṃ vadantī’’ti vuttaṃ.
‘‘པབྦཛྫཱ ཝཱརིཏཱཏི ཨཔཎྜཀཔཀྑེ པབྦཱཛེཏྭཱ པཎྜཀཔཀྑེ ནཱསེཏབྦོཏི ཨདྷིཔྤཱཡོ’’ཏི ལིཁིཏཾ། པོརཱཎགཎྛིཔདེ པན མཱསཔཎྜཀལེཁཔཎྜཀེཧི སཧ སཏྟ པཎྜཀཱ ཝུཏྟཱ། ཏཏྠ ལེཁཔཎྜཀོ ནཱམ ཀིར མནྟཝསེན ཨུཔཧཏབཱིཛོ། ཏཏྠ ‘‘ཨོཔཀྐམིཀལེཁཔཎྜཀཱ པབྦཛིཏཱ ན ནཱསེཏབྦཱ། ཡོ པབྦཱཛེཏི, ཏསྶ དུཀྐཊ’’ནྟི ཙ ཝུཏྟཾ།
‘‘Pabbajjā vāritāti apaṇḍakapakkhe pabbājetvā paṇḍakapakkhe nāsetabboti adhippāyo’’ti likhitaṃ. Porāṇagaṇṭhipade pana māsapaṇḍakalekhapaṇḍakehi saha satta paṇḍakā vuttā. Tattha lekhapaṇḍako nāma kira mantavasena upahatabījo. Tattha ‘‘opakkamikalekhapaṇḍakā pabbajitā na nāsetabbā. Yo pabbājeti, tassa dukkaṭa’’nti ca vuttaṃ.
པཎྜཀཝཏྠུཀཐཱཝཎྞནཱ ནིཊྛིཏཱ།
Paṇḍakavatthukathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༤༧. པཎྜཀཝཏྠུ • 47. Paṇḍakavatthu
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / པཎྜཀཝཏྠུཀཐཱ • Paṇḍakavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / པཎྜཀཝཏྠུཀཐཱཝཎྞནཱ • Paṇḍakavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པཎྜཀཝཏྠུཀཐཱཝཎྞནཱ • Paṇḍakavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༤༧. པཎྜཀཝཏྠུཀཐཱ • 47. Paṇḍakavatthukathā
