| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៥. បណ្ឌិតសុត្តំ
5. Paṇḍitasuttaṃ
៤៥. ‘‘តីណិមានិ, ភិក្ខវេ, បណ្ឌិតបញ្ញត្តានិ សប្បុរិសបញ្ញត្តានិ។ កតមានិ តីណិ? ទានំ, ភិក្ខវេ, បណ្ឌិតបញ្ញត្តំ សប្បុរិសបញ្ញត្តំ ។ បព្ពជ្ជា, ភិក្ខវេ , បណ្ឌិតបញ្ញត្តា សប្បុរិសបញ្ញត្តា។ មាតាបិតូនំ, ភិក្ខវេ, ឧបដ្ឋានំ បណ្ឌិតបញ្ញត្តំ សប្បុរិសបញ្ញត្តំ។ ឥមានិ ខោ, ភិក្ខវេ, តីណិ បណ្ឌិតបញ្ញត្តានិ សប្បុរិសបញ្ញត្តានី’’តិ។
45. ‘‘Tīṇimāni, bhikkhave, paṇḍitapaññattāni sappurisapaññattāni. Katamāni tīṇi? Dānaṃ, bhikkhave, paṇḍitapaññattaṃ sappurisapaññattaṃ . Pabbajjā, bhikkhave , paṇḍitapaññattā sappurisapaññattā. Mātāpitūnaṃ, bhikkhave, upaṭṭhānaṃ paṇḍitapaññattaṃ sappurisapaññattaṃ. Imāni kho, bhikkhave, tīṇi paṇḍitapaññattāni sappurisapaññattānī’’ti.
‘‘សព្ភិ ទានំ ឧបញ្ញត្តំ, អហិំសា សំយមោ ទមោ;
‘‘Sabbhi dānaṃ upaññattaṃ, ahiṃsā saṃyamo damo;
មាតាបិតុ ឧបដ្ឋានំ, សន្តានំ ព្រហ្មចារិនំ។
Mātāpitu upaṭṭhānaṃ, santānaṃ brahmacārinaṃ.
‘‘សតំ ឯតានិ ឋានានិ, យានិ សេវេថ បណ្ឌិតោ;
‘‘Sataṃ etāni ṭhānāni, yāni sevetha paṇḍito;
អរិយោ ទស្សនសម្បន្នោ, ស លោកំ ភជតេ សិវ’’ន្តិ។ បញ្ចមំ;
Ariyo dassanasampanno, sa lokaṃ bhajate siva’’nti. pañcamaṃ;
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៥. បណ្ឌិតសុត្តវណ្ណនា • 5. Paṇḍitasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៥. បណ្ឌិតសុត្តវណ្ណនា • 5. Paṇḍitasuttavaṇṇanā
