| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. бан̣д̣ид̇асуд̇д̇аван̣н̣анаа
5. Paṇḍitasuttavaṇṇanā
45. бан̃жамз бан̣д̣ид̇абан̃н̃ад̇д̇аанийд̇и бан̣д̣ид̇зхи бан̃н̃ад̇д̇аани гат̇ид̇аани басад̇т̇аани. саббурисабан̃н̃ад̇д̇аанийд̇и саббурисзхи махаабурисзхи бан̃н̃ад̇д̇аани гат̇ид̇аани басад̇т̇аани. ахим̣саад̇и гарун̣аа жзва гарун̣аабуб̣б̣абхааг̇о жа. сам̣яамод̇и сийласам̣яамо. д̣̇амод̇и инд̣̇рияасам̣варо, убосат̇авасзна ваа ад̇д̇ад̣̇аманам̣, бун̣н̣оваад̣̇з (ма. ни. 3.395 аад̣̇аяо; сам̣. ни. 4.88 аад̣̇аяо) д̣̇амод̇и вуд̇д̇аа канд̇иби аал̣авагз (сам̣. ни. 1.246; су. ни. 183 аад̣̇аяо) вуд̇д̇аа бан̃н̃ааби имасмим̣ суд̇д̇з ваддад̇иязва. маад̇аабид̇у убадтаананд̇и маад̇аабид̇уунам̣ рагканам̣ г̇обанам̣ бадиж̇аг̇г̇анам̣. санд̇аананд̇и ан̃н̃ад̇т̇а б̣уд̣̇д̇хабажжзгаб̣уд̣̇д̇хаарияасаавагаа санд̇о наама, ид̇ха бана маад̇аабид̇уубадтаагаа ад̇хиббзд̇аа. д̇асмаа уд̇д̇амадтзна санд̇аанам̣ , сздтажарияадтзна б̣рахмажаарийнам̣. ид̣̇ам̣ маад̇аабид̇уубадтаанам̣ саб̣бхи убан̃н̃аад̇анд̇и звамзд̇т̇а ад̇т̇о д̣̇адтаб̣б̣о. сад̇ам̣ зд̇аани таанаанийд̇и санд̇аанам̣ уд̇д̇амабурисаанам̣ зд̇аани таанаани гааран̣аани. арияо д̣̇ассанасамбаннод̇и ид̇ха имзсам̣язва д̇ин̣н̣ам̣ таанаанам̣ гааран̣зна арияо жзва д̣̇ассанасамбанно жа взд̣̇ид̇аб̣б̣о, на б̣уд̣̇д̇хаад̣̇аяо на сод̇аабаннаа. ат̇а ваа сад̇ам̣ зд̇аани таанаанийд̇и маад̇убадтаанам̣ бид̇убадтаананд̇и зд̇аани таанаани санд̇аанам̣ уд̇д̇амабурисаанам̣ гааран̣аанийд̇и звам̣ маад̇аабид̇уубадтаагавасзна имиссаа г̇аат̇ааяа ад̇т̇о взд̣̇ид̇аб̣б̣о. маад̇аабид̇уубадтаагоязва хи ид̇ха ‘‘арияо д̣̇ассанасамбанно’’д̇и вуд̇д̇о. са логам̣ бхаж̇ад̇з сиванд̇и со кзмам̣ д̣̇звалогам̣ г̇ажчад̇ийд̇и.
45. Pañcame paṇḍitapaññattānīti paṇḍitehi paññattāni kathitāni pasatthāni. Sappurisapaññattānīti sappurisehi mahāpurisehi paññattāni kathitāni pasatthāni. Ahiṃsāti karuṇā ceva karuṇāpubbabhāgo ca. Saṃyamoti sīlasaṃyamo. Damoti indriyasaṃvaro, uposathavasena vā attadamanaṃ, puṇṇovāde (ma. ni. 3.395 ādayo; saṃ. ni. 4.88 ādayo) damoti vuttā khantipi āḷavake (saṃ. ni. 1.246; su. ni. 183 ādayo) vuttā paññāpi imasmiṃ sutte vaṭṭatiyeva. Mātāpitu upaṭṭhānanti mātāpitūnaṃ rakkhanaṃ gopanaṃ paṭijagganaṃ. Santānanti aññattha buddhapaccekabuddhaariyasāvakā santo nāma, idha pana mātāpituupaṭṭhākā adhippetā. Tasmā uttamaṭṭhena santānaṃ , seṭṭhacariyaṭṭhena brahmacārīnaṃ. Idaṃ mātāpituupaṭṭhānaṃ sabbhi upaññātanti evamettha attho daṭṭhabbo. Sataṃ etāni ṭhānānīti santānaṃ uttamapurisānaṃ etāni ṭhānāni kāraṇāni. Ariyo dassanasampannoti idha imesaṃyeva tiṇṇaṃ ṭhānānaṃ kāraṇena ariyo ceva dassanasampanno ca veditabbo, na buddhādayo na sotāpannā. Atha vā sataṃ etāni ṭhānānīti mātupaṭṭhānaṃ pitupaṭṭhānanti etāni ṭhānāni santānaṃ uttamapurisānaṃ kāraṇānīti evaṃ mātāpituupaṭṭhākavasena imissā gāthāya attho veditabbo. Mātāpituupaṭṭhākoyeva hi idha ‘‘ariyo dassanasampanno’’ti vutto. Sa lokaṃ bhajate sivanti so khemaṃ devalokaṃ gacchatīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. бан̣д̣ид̇асуд̇д̇ам̣ • 5. Paṇḍitasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. бан̣д̣ид̇асуд̇д̇аван̣н̣анаа • 5. Paṇḍitasuttavaṇṇanā
