| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. бан̣д̣ид̇асуд̇д̇аван̣н̣анаа
5. Paṇḍitasuttavaṇṇanā
45. бан̃жамз бан̣д̣ид̇абан̃н̃ад̇д̇аанийд̇и бан̣д̣ид̇зхи батамам̣ бан̃н̃ад̇д̇аани. гат̇ид̇аанийд̇и сзяяасо гат̇ид̇аани. махаабурисзхийд̇и б̣уд̣̇д̇хаб̣од̇хисад̇д̇зхи. гарун̣аад̇и гарун̣аажзд̇овимуд̇д̇и вуд̇д̇аа. буб̣б̣абхааг̇од̇и д̇асса убажааро. д̣̇амод̇и инд̣̇рияасам̣варо ‘‘манажчадтаанам̣ инд̣̇рияаанам̣ д̣̇амана’’нд̇и гад̇ваа. ад̇д̇ад̣̇амананд̇и жид̇д̇ад̣̇аманам̣. бун̣н̣оваад̣̇з (ма. ни. 3.396) ‘‘сагкиссаси ко, д̇вам̣ бун̣н̣а, иминаа д̣̇амуубасамзнаа’’д̇и ааг̇ад̇ад̇д̇аа д̣̇амод̇и вуд̇д̇аа канд̇иби. аал̣авагз аал̣авагасуд̇д̇з (сам̣. ни. 1.246; су. ни. 190) ‘‘сажжаа д̣̇амаа жааг̇аа’’д̇и звам̣ вуд̇д̇аа бан̃н̃ааби имасмим̣ суд̇д̇з ‘‘д̣̇амо’’д̇и вад̇д̇ум̣ ваддад̇и. рагканам̣ г̇обанам̣ бадиж̇аг̇г̇ананд̇и маад̇аабид̇уунам̣ мануссаамануссагад̇уубад̣̇д̣̇авад̇о рагканам̣, б̣яаад̇хиаад̣̇ианад̇т̇ад̇о г̇обанам̣, гхаасажчаад̣̇анаад̣̇ийхи взяяааважжагаран̣зна бадиж̇аг̇г̇анам̣. санд̇о наама саб̣б̣агилзсад̣̇арат̇абарил̣аахуубасамзна убасанд̇агааяаважийсамаажаарад̇ааяа жа. уд̇д̇амадтзна санд̇аананд̇и мад̇д̇зяяад̇аад̣̇ийхи сздтадтзна санд̇аанам̣.
45. Pañcame paṇḍitapaññattānīti paṇḍitehi paṭhamaṃ paññattāni. Kathitānīti seyyaso kathitāni. Mahāpurisehīti buddhabodhisattehi. Karuṇāti karuṇācetovimutti vuttā. Pubbabhāgoti tassa upacāro. Damoti indriyasaṃvaro ‘‘manacchaṭṭhānaṃ indriyānaṃ damana’’nti katvā. Attadamananti cittadamanaṃ. Puṇṇovāde (ma. ni. 3.396) ‘‘sakkhissasi kho, tvaṃ puṇṇa, iminā damūpasamenā’’ti āgatattā damoti vuttā khantipi. Āḷavake āḷavakasutte (saṃ. ni. 1.246; su. ni. 190) ‘‘saccā damā cāgā’’ti evaṃ vuttā paññāpi imasmiṃ sutte ‘‘damo’’ti vattuṃ vaṭṭati. Rakkhanaṃ gopanaṃ paṭijaggananti mātāpitūnaṃ manussāmanussakatūpaddavato rakkhanaṃ, byādhiādianatthato gopanaṃ, ghāsacchādanādīhi veyyāvaccakaraṇena paṭijagganaṃ. Santo nāma sabbakilesadarathapariḷāhūpasamena upasantakāyavacīsamācāratāya ca. Uttamaṭṭhena santānanti matteyyatādīhi seṭṭhaṭṭhena santānaṃ.
ид̇ха имзсам̣язва д̇ин̣н̣ам̣ таанаанам̣ гаран̣знаад̇и имасмим̣ суд̇д̇з ааг̇ад̇аанам̣ д̇ин̣н̣ам̣ таанаанам̣ гаран̣зна ниб̣б̣ад̇д̇анзна. зд̇аани…бз… гааран̣аанийд̇и маад̇убадтаанам̣ бид̇убадтаананд̇и зд̇аани д̣̇вз уд̇д̇амабурисаанам̣ гааран̣аани. уд̇д̇амагижжагаран̣зна хи маад̇аабид̇уубадтаагаа ‘‘уд̇д̇амабурисаа’’д̇и вуд̇д̇аа. д̇знааха ‘‘маад̇аабид̇у…бз… вуд̇д̇о’’д̇и. анубад̣̇д̣̇авабхаавзна кзмам̣.
Idha imesaṃyeva tiṇṇaṃ ṭhānānaṃ karaṇenāti imasmiṃ sutte āgatānaṃ tiṇṇaṃ ṭhānānaṃ karaṇena nibbattanena. Etāni…pe… kāraṇānīti mātupaṭṭhānaṃ pitupaṭṭhānanti etāni dve uttamapurisānaṃ kāraṇāni. Uttamakiccakaraṇena hi mātāpituupaṭṭhākā ‘‘uttamapurisā’’ti vuttā. Tenāha ‘‘mātāpitu…pe… vutto’’ti. Anupaddavabhāvena khemaṃ.
бан̣д̣ид̇асуд̇д̇аван̣н̣анаа нидтид̇аа.
Paṇḍitasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. бан̣д̣ид̇асуд̇д̇ам̣ • 5. Paṇḍitasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. бан̣д̣ид̇асуд̇д̇аван̣н̣анаа • 5. Paṇḍitasuttavaṇṇanā
