| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਪਣ੍ਡਿਤਸੁਤ੍ਤવਣ੍ਣਨਾ
5. Paṇḍitasuttavaṇṇanā
੪੫. ਪਞ੍ਚਮੇ ਪਣ੍ਡਿਤਪਞ੍ਞਤ੍ਤਾਨੀਤਿ ਪਣ੍ਡਿਤੇਹਿ ਪਞ੍ਞਤ੍ਤਾਨਿ ਕਥਿਤਾਨਿ ਪਸਤ੍ਥਾਨਿ। ਸਪ੍ਪੁਰਿਸਪਞ੍ਞਤ੍ਤਾਨੀਤਿ ਸਪ੍ਪੁਰਿਸੇਹਿ ਮਹਾਪੁਰਿਸੇਹਿ ਪਞ੍ਞਤ੍ਤਾਨਿ ਕਥਿਤਾਨਿ ਪਸਤ੍ਥਾਨਿ। ਅਹਿਂਸਾਤਿ ਕਰੁਣਾ ਚੇવ ਕਰੁਣਾਪੁਬ੍ਬਭਾਗੋ ਚ। ਸਂਯਮੋਤਿ ਸੀਲਸਂਯਮੋ। ਦਮੋਤਿ ਇਨ੍ਦ੍ਰਿਯਸਂવਰੋ, ਉਪੋਸਥવਸੇਨ વਾ ਅਤ੍ਤਦਮਨਂ, ਪੁਣ੍ਣੋવਾਦੇ (ਮ॰ ਨਿ॰ ੩.੩੯੫ ਆਦਯੋ; ਸਂ॰ ਨਿ॰ ੪.੮੮ ਆਦਯੋ) ਦਮੋਤਿ વੁਤ੍ਤਾ ਖਨ੍ਤਿਪਿ ਆਲ਼વਕੇ (ਸਂ॰ ਨਿ॰ ੧.੨੪੬; ਸੁ॰ ਨਿ॰ ੧੮੩ ਆਦਯੋ) વੁਤ੍ਤਾ ਪਞ੍ਞਾਪਿ ਇਮਸ੍ਮਿਂ ਸੁਤ੍ਤੇ વਟ੍ਟਤਿਯੇવ। ਮਾਤਾਪਿਤੁ ਉਪਟ੍ਠਾਨਨ੍ਤਿ ਮਾਤਾਪਿਤੂਨਂ ਰਕ੍ਖਨਂ ਗੋਪਨਂ ਪਟਿਜਗ੍ਗਨਂ। ਸਨ੍ਤਾਨਨ੍ਤਿ ਅਞ੍ਞਤ੍ਥ ਬੁਦ੍ਧਪਚ੍ਚੇਕਬੁਦ੍ਧਅਰਿਯਸਾવਕਾ ਸਨ੍ਤੋ ਨਾਮ, ਇਧ ਪਨ ਮਾਤਾਪਿਤੁਉਪਟ੍ਠਾਕਾ ਅਧਿਪ੍ਪੇਤਾ। ਤਸ੍ਮਾ ਉਤ੍ਤਮਟ੍ਠੇਨ ਸਨ੍ਤਾਨਂ , ਸੇਟ੍ਠਚਰਿਯਟ੍ਠੇਨ ਬ੍ਰਹ੍ਮਚਾਰੀਨਂ। ਇਦਂ ਮਾਤਾਪਿਤੁਉਪਟ੍ਠਾਨਂ ਸਬ੍ਭਿ ਉਪਞ੍ਞਾਤਨ੍ਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਸਤਂ ਏਤਾਨਿ ਠਾਨਾਨੀਤਿ ਸਨ੍ਤਾਨਂ ਉਤ੍ਤਮਪੁਰਿਸਾਨਂ ਏਤਾਨਿ ਠਾਨਾਨਿ ਕਾਰਣਾਨਿ। ਅਰਿਯੋ ਦਸ੍ਸਨਸਮ੍ਪਨ੍ਨੋਤਿ ਇਧ ਇਮੇਸਂਯੇવ ਤਿਣ੍ਣਂ ਠਾਨਾਨਂ ਕਾਰਣੇਨ ਅਰਿਯੋ ਚੇવ ਦਸ੍ਸਨਸਮ੍ਪਨ੍ਨੋ ਚ વੇਦਿਤਬ੍ਬੋ, ਨ ਬੁਦ੍ਧਾਦਯੋ ਨ ਸੋਤਾਪਨ੍ਨਾ। ਅਥ વਾ ਸਤਂ ਏਤਾਨਿ ਠਾਨਾਨੀਤਿ ਮਾਤੁਪਟ੍ਠਾਨਂ ਪਿਤੁਪਟ੍ਠਾਨਨ੍ਤਿ ਏਤਾਨਿ ਠਾਨਾਨਿ ਸਨ੍ਤਾਨਂ ਉਤ੍ਤਮਪੁਰਿਸਾਨਂ ਕਾਰਣਾਨੀਤਿ ਏવਂ ਮਾਤਾਪਿਤੁਉਪਟ੍ਠਾਕવਸੇਨ ਇਮਿਸ੍ਸਾ ਗਾਥਾਯ ਅਤ੍ਥੋ વੇਦਿਤਬ੍ਬੋ। ਮਾਤਾਪਿਤੁਉਪਟ੍ਠਾਕੋਯੇવ ਹਿ ਇਧ ‘‘ਅਰਿਯੋ ਦਸ੍ਸਨਸਮ੍ਪਨ੍ਨੋ’’ਤਿ વੁਤ੍ਤੋ। ਸ ਲੋਕਂ ਭਜਤੇ ਸਿવਨ੍ਤਿ ਸੋ ਖੇਮਂ ਦੇવਲੋਕਂ ਗਚ੍ਛਤੀਤਿ।
45. Pañcame paṇḍitapaññattānīti paṇḍitehi paññattāni kathitāni pasatthāni. Sappurisapaññattānīti sappurisehi mahāpurisehi paññattāni kathitāni pasatthāni. Ahiṃsāti karuṇā ceva karuṇāpubbabhāgo ca. Saṃyamoti sīlasaṃyamo. Damoti indriyasaṃvaro, uposathavasena vā attadamanaṃ, puṇṇovāde (ma. ni. 3.395 ādayo; saṃ. ni. 4.88 ādayo) damoti vuttā khantipi āḷavake (saṃ. ni. 1.246; su. ni. 183 ādayo) vuttā paññāpi imasmiṃ sutte vaṭṭatiyeva. Mātāpitu upaṭṭhānanti mātāpitūnaṃ rakkhanaṃ gopanaṃ paṭijagganaṃ. Santānanti aññattha buddhapaccekabuddhaariyasāvakā santo nāma, idha pana mātāpituupaṭṭhākā adhippetā. Tasmā uttamaṭṭhena santānaṃ , seṭṭhacariyaṭṭhena brahmacārīnaṃ. Idaṃ mātāpituupaṭṭhānaṃ sabbhi upaññātanti evamettha attho daṭṭhabbo. Sataṃ etāni ṭhānānīti santānaṃ uttamapurisānaṃ etāni ṭhānāni kāraṇāni. Ariyo dassanasampannoti idha imesaṃyeva tiṇṇaṃ ṭhānānaṃ kāraṇena ariyo ceva dassanasampanno ca veditabbo, na buddhādayo na sotāpannā. Atha vā sataṃ etāni ṭhānānīti mātupaṭṭhānaṃ pitupaṭṭhānanti etāni ṭhānāni santānaṃ uttamapurisānaṃ kāraṇānīti evaṃ mātāpituupaṭṭhākavasena imissā gāthāya attho veditabbo. Mātāpituupaṭṭhākoyeva hi idha ‘‘ariyo dassanasampanno’’ti vutto. Sa lokaṃ bhajate sivanti so khemaṃ devalokaṃ gacchatīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਪਣ੍ਡਿਤਸੁਤ੍ਤਂ • 5. Paṇḍitasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. ਪਣ੍ਡਿਤਸੁਤ੍ਤવਣ੍ਣਨਾ • 5. Paṇḍitasuttavaṇṇanā
