| Library / Tipiṭaka / ತಿಪಿಟಕ • Tipiṭaka / ಧಮ್ಮಪದಪಾಳಿ • Dhammapadapāḷi |
೬. ಪಣ್ಡಿತವಗ್ಗೋ
6. Paṇḍitavaggo
೭೬.
76.
ನಿಧೀನಂವ ಪವತ್ತಾರಂ, ಯಂ ಪಸ್ಸೇ ವಜ್ಜದಸ್ಸಿನಂ।
Nidhīnaṃva pavattāraṃ, yaṃ passe vajjadassinaṃ;
ನಿಗ್ಗಯ್ಹವಾದಿಂ ಮೇಧಾವಿಂ, ತಾದಿಸಂ ಪಣ್ಡಿತಂ ಭಜೇ।
Niggayhavādiṃ medhāviṃ, tādisaṃ paṇḍitaṃ bhaje;
ತಾದಿಸಂ ಭಜಮಾನಸ್ಸ, ಸೇಯ್ಯೋ ಹೋತಿ ನ ಪಾಪಿಯೋ॥
Tādisaṃ bhajamānassa, seyyo hoti na pāpiyo.
೭೭.
77.
ಓವದೇಯ್ಯಾನುಸಾಸೇಯ್ಯ, ಅಸಬ್ಭಾ ಚ ನಿವಾರಯೇ।
Ovadeyyānusāseyya, asabbhā ca nivāraye;
ಸತಞ್ಹಿ ಸೋ ಪಿಯೋ ಹೋತಿ, ಅಸತಂ ಹೋತಿ ಅಪ್ಪಿಯೋ॥
Satañhi so piyo hoti, asataṃ hoti appiyo.
೭೮.
78.
ನ ಭಜೇ ಪಾಪಕೇ ಮಿತ್ತೇ, ನ ಭಜೇ ಪುರಿಸಾಧಮೇ।
Na bhaje pāpake mitte, na bhaje purisādhame;
ಭಜೇಥ ಮಿತ್ತೇ ಕಲ್ಯಾಣೇ, ಭಜೇಥ ಪುರಿಸುತ್ತಮೇ॥
Bhajetha mitte kalyāṇe, bhajetha purisuttame.
೭೯.
79.
ಧಮ್ಮಪೀತಿ ಸುಖಂ ಸೇತಿ, ವಿಪ್ಪಸನ್ನೇನ ಚೇತಸಾ।
Dhammapīti sukhaṃ seti, vippasannena cetasā;
ಅರಿಯಪ್ಪವೇದಿತೇ ಧಮ್ಮೇ, ಸದಾ ರಮತಿ ಪಣ್ಡಿತೋ॥
Ariyappavedite dhamme, sadā ramati paṇḍito.
೮೦.
80.
ಉದಕಞ್ಹಿ ನಯನ್ತಿ ನೇತ್ತಿಕಾ, ಉಸುಕಾರಾ ನಮಯನ್ತಿ 1 ತೇಜನಂ।
Udakañhi nayanti nettikā, usukārā namayanti 2 tejanaṃ;
ದಾರುಂ ನಮಯನ್ತಿ ತಚ್ಛಕಾ, ಅತ್ತಾನಂ ದಮಯನ್ತಿ ಪಣ್ಡಿತಾ॥
Dāruṃ namayanti tacchakā, attānaṃ damayanti paṇḍitā.
೮೧.
81.
ಏವಂ ನಿನ್ದಾಪಸಂಸಾಸು, ನ ಸಮಿಞ್ಜನ್ತಿ ಪಣ್ಡಿತಾ॥
Evaṃ nindāpasaṃsāsu, na samiñjanti paṇḍitā.
೮೨.
82.
ಯಥಾಪಿ ರಹದೋ ಗಮ್ಭೀರೋ, ವಿಪ್ಪಸನ್ನೋ ಅನಾವಿಲೋ।
Yathāpi rahado gambhīro, vippasanno anāvilo;
ಏವಂ ಧಮ್ಮಾನಿ ಸುತ್ವಾನ, ವಿಪ್ಪಸೀದನ್ತಿ ಪಣ್ಡಿತಾ॥
Evaṃ dhammāni sutvāna, vippasīdanti paṇḍitā.
೮೩.
83.
ಸಬ್ಬತ್ಥ ವೇ ಸಪ್ಪುರಿಸಾ ಚಜನ್ತಿ, ನ ಕಾಮಕಾಮಾ ಲಪಯನ್ತಿ ಸನ್ತೋ।
Sabbattha ve sappurisā cajanti, na kāmakāmā lapayanti santo;
ಸುಖೇನ ಫುಟ್ಠಾ ಅಥ ವಾ ದುಖೇನ, ನ ಉಚ್ಚಾವಚಂ 5 ಪಣ್ಡಿತಾ ದಸ್ಸಯನ್ತಿ॥
Sukhena phuṭṭhā atha vā dukhena, na uccāvacaṃ 6 paṇḍitā dassayanti.
೮೪.
84.
ನ ಅತ್ತಹೇತು ನ ಪರಸ್ಸ ಹೇತು, ನ ಪುತ್ತಮಿಚ್ಛೇ ನ ಧನಂ ನ ರಟ್ಠಂ।
Na attahetu na parassa hetu, na puttamicche na dhanaṃ na raṭṭhaṃ;
ನ ಇಚ್ಛೇಯ್ಯ 7 ಅಧಮ್ಮೇನ ಸಮಿದ್ಧಿಮತ್ತನೋ, ಸ ಸೀಲವಾ ಪಞ್ಞವಾ ಧಮ್ಮಿಕೋ ಸಿಯಾ॥
Na iccheyya 8 adhammena samiddhimattano, sa sīlavā paññavā dhammiko siyā.
೮೫.
85.
ಅಪ್ಪಕಾ ತೇ ಮನುಸ್ಸೇಸು, ಯೇ ಜನಾ ಪಾರಗಾಮಿನೋ।
Appakā te manussesu, ye janā pāragāmino;
ಅಥಾಯಂ ಇತರಾ ಪಜಾ, ತೀರಮೇವಾನುಧಾವತಿ॥
Athāyaṃ itarā pajā, tīramevānudhāvati.
೮೬.
86.
ಯೇ ಚ ಖೋ ಸಮ್ಮದಕ್ಖಾತೇ, ಧಮ್ಮೇ ಧಮ್ಮಾನುವತ್ತಿನೋ।
Ye ca kho sammadakkhāte, dhamme dhammānuvattino;
ತೇ ಜನಾ ಪಾರಮೇಸ್ಸನ್ತಿ, ಮಚ್ಚುಧೇಯ್ಯಂ ಸುದುತ್ತರಂ॥
Te janā pāramessanti, maccudheyyaṃ suduttaraṃ.
೮೭.
87.
ಕಣ್ಹಂ ಧಮ್ಮಂ ವಿಪ್ಪಹಾಯ, ಸುಕ್ಕಂ ಭಾವೇಥ ಪಣ್ಡಿತೋ।
Kaṇhaṃ dhammaṃ vippahāya, sukkaṃ bhāvetha paṇḍito;
ಓಕಾ ಅನೋಕಮಾಗಮ್ಮ, ವಿವೇಕೇ ಯತ್ಥ ದೂರಮಂ॥
Okā anokamāgamma, viveke yattha dūramaṃ.
೮೮.
88.
ತತ್ರಾಭಿರತಿಮಿಚ್ಛೇಯ್ಯ, ಹಿತ್ವಾ ಕಾಮೇ ಅಕಿಞ್ಚನೋ।
Tatrābhiratimiccheyya, hitvā kāme akiñcano;
೮೯.
89.
ಯೇಸಂ ಸಮ್ಬೋಧಿಯಙ್ಗೇಸು, ಸಮ್ಮಾ ಚಿತ್ತಂ ಸುಭಾವಿತಂ।
Yesaṃ sambodhiyaṅgesu, sammā cittaṃ subhāvitaṃ;
ಆದಾನಪಟಿನಿಸ್ಸಗ್ಗೇ, ಅನುಪಾದಾಯ ಯೇ ರತಾ।
Ādānapaṭinissagge, anupādāya ye ratā;
ಖೀಣಾಸವಾ ಜುತಿಮನ್ತೋ, ತೇ ಲೋಕೇ ಪರಿನಿಬ್ಬುತಾ॥
Khīṇāsavā jutimanto, te loke parinibbutā.
ಪಣ್ಡಿತವಗ್ಗೋ ಛಟ್ಠೋ ನಿಟ್ಠಿತೋ।
Paṇḍitavaggo chaṭṭho niṭṭhito.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಧಮ್ಮಪದ-ಅಟ್ಠಕಥಾ • Dhammapada-aṭṭhakathā / ೬. ಪಣ್ಡಿತವಗ್ಗೋ • 6. Paṇḍitavaggo
