| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
2-4. பஞ்ஹப்³யாகரணஸுத்தாதி³வண்ணனா
2-4. Pañhabyākaraṇasuttādivaṇṇanā
42-44. து³தியே ஏதேஸங் பஞ்ஹானந்தி ஏகங்ஸப்³யாகரணாதீ³னங் சதுன்னங் பஞ்ஹானங். தஸ்மிங் தஸ்மிங் டா²னே ப்³யாகரணங் ஜானாதீதி ‘‘சக்கு²ங் அனிச்ச’’ந்தி புட்டே² ‘‘அனிச்ச’’ந்தி ஏகங்ஸேனேவ ப்³யாகாதப்³ப³ங். ‘‘அனிச்சா நாம சக்கு²’’ந்தி புட்டே² பன ‘‘ந கேவலங் சக்கு²மேவ, ஸோதம்பி அனிச்ச’’ந்தி ஏவங் விப⁴ஜித்வா ப்³யாகாதப்³ப³ங். ‘‘யதா² சக்கு²ங் ததா² ஸோதங், யதா² ஸோதங் ததா² சக்கு²’’ந்தி புட்டே² ‘‘கேனட்டே²ன புச்ச²ஸீ’’தி படிபுச்சி²த்வா ‘‘த³ஸ்ஸனட்டே²ன புச்சா²மீ’’தி வுத்தே ‘‘ந ஹீ’’தி ப்³யாகாதப்³ப³ங். ‘‘அனிச்சட்டே²ன புச்சா²மீ’’தி வுத்தே ‘‘ஆமா’’தி ப்³யாகாதப்³ப³ங். ‘‘தங் ஜீவங் தங் ஸரீர’’ந்திஆதீ³னி புட்டே²ன பன ‘‘அப்³யாகதமேதங் ப⁴க³வதா’’தி ட²பேதப்³போ³, ஏஸ பஞ்ஹோ ந ப்³யாகாதப்³போ³தி ஏவங் ஜானாதீதி அத்தோ². அத்த²ஸமாக³மேனாதி அத்த²ஸ்ஸ படிலாபே⁴ன லத்³த⁴ப்³பே³ன. ஸமிதி ஸங்க³தி ஸமோதா⁴னந்தி ஸமயோ, படிலாபோ⁴. ஸமயோ ஏவ அபி⁴ஸமயோ, அபி⁴முக²பா⁴வேன வா ஸமயோ அபி⁴ஸமயோதி ஏவமெத்த² பத³த்தோ² வேதி³தப்³போ³. ஸேஸங் ஸுவிஞ்ஞெய்யமேவ. ததியசதுத்தா²னி உத்தானத்தா²னேவ.
42-44. Dutiye etesaṃ pañhānanti ekaṃsabyākaraṇādīnaṃ catunnaṃ pañhānaṃ. Tasmiṃ tasmiṃ ṭhāne byākaraṇaṃ jānātīti ‘‘cakkhuṃ anicca’’nti puṭṭhe ‘‘anicca’’nti ekaṃseneva byākātabbaṃ. ‘‘Aniccā nāma cakkhu’’nti puṭṭhe pana ‘‘na kevalaṃ cakkhumeva, sotampi anicca’’nti evaṃ vibhajitvā byākātabbaṃ. ‘‘Yathā cakkhuṃ tathā sotaṃ, yathā sotaṃ tathā cakkhu’’nti puṭṭhe ‘‘kenaṭṭhena pucchasī’’ti paṭipucchitvā ‘‘dassanaṭṭhena pucchāmī’’ti vutte ‘‘na hī’’ti byākātabbaṃ. ‘‘Aniccaṭṭhena pucchāmī’’ti vutte ‘‘āmā’’ti byākātabbaṃ. ‘‘Taṃ jīvaṃ taṃ sarīra’’ntiādīni puṭṭhena pana ‘‘abyākatametaṃ bhagavatā’’ti ṭhapetabbo, esa pañho na byākātabboti evaṃ jānātīti attho. Atthasamāgamenāti atthassa paṭilābhena laddhabbena. Samiti saṅgati samodhānanti samayo, paṭilābho. Samayo eva abhisamayo, abhimukhabhāvena vā samayo abhisamayoti evamettha padattho veditabbo. Sesaṃ suviññeyyameva. Tatiyacatutthāni uttānatthāneva.
பஞ்ஹப்³யாகரணஸுத்தாதி³வண்ணனா நிட்டி²தா.
Pañhabyākaraṇasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
2. பஞ்ஹப்³யாகரணஸுத்தங் • 2. Pañhabyākaraṇasuttaṃ
3. பட²மகோத⁴க³ருஸுத்தங் • 3. Paṭhamakodhagarusuttaṃ
4. து³தியகோத⁴க³ருஸுத்தங் • 4. Dutiyakodhagarusuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
2. பஞ்ஹப்³யாகரணஸுத்தவண்ணனா • 2. Pañhabyākaraṇasuttavaṇṇanā
3-4. கோத⁴க³ருஸுத்தத்³வயவண்ணனா • 3-4. Kodhagarusuttadvayavaṇṇanā
