| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2-4. бан̃хаб̣яаагаран̣асуд̇д̇аад̣̇иван̣н̣анаа
2-4. Pañhabyākaraṇasuttādivaṇṇanā
42-44. д̣̇уд̇ияз зд̇зсам̣ бан̃хаананд̇и згам̣саб̣яаагаран̣аад̣̇ийнам̣ жад̇уннам̣ бан̃хаанам̣. д̇асмим̣ д̇асмим̣ таанз б̣яаагаран̣ам̣ ж̇аанаад̇ийд̇и ‘‘жагкум̣ анижжа’’нд̇и будтз ‘‘анижжа’’нд̇и згам̣сзнзва б̣яаагаад̇аб̣б̣ам̣. ‘‘анижжаа наама жагку’’нд̇и будтз бана ‘‘на гзвалам̣ жагкумзва, сод̇амби анижжа’’нд̇и звам̣ вибхаж̇ид̇ваа б̣яаагаад̇аб̣б̣ам̣. ‘‘яат̇аа жагкум̣ д̇ат̇аа сод̇ам̣, яат̇аа сод̇ам̣ д̇ат̇аа жагку’’нд̇и будтз ‘‘гзнадтзна бужчасий’’д̇и бадибужчид̇ваа ‘‘д̣̇ассанадтзна бужчаамий’’д̇и вуд̇д̇з ‘‘на хий’’д̇и б̣яаагаад̇аб̣б̣ам̣. ‘‘анижжадтзна бужчаамий’’д̇и вуд̇д̇з ‘‘аамаа’’д̇и б̣яаагаад̇аб̣б̣ам̣. ‘‘д̇ам̣ ж̇ийвам̣ д̇ам̣ сарийра’’нд̇иаад̣̇ийни будтзна бана ‘‘аб̣яаагад̇амзд̇ам̣ бхаг̇авад̇аа’’д̇и табзд̇аб̣б̣о, зса бан̃хо на б̣яаагаад̇аб̣б̣од̇и звам̣ ж̇аанаад̇ийд̇и ад̇т̇о. ад̇т̇асамааг̇амзнаад̇и ад̇т̇асса бадилаабхзна лад̣̇д̇хаб̣б̣зна. самид̇и сан̇г̇ад̇и самод̇хаананд̇и самаяо, бадилаабхо. самаяо зва абхисамаяо, абхимукабхаавзна ваа самаяо абхисамаяод̇и звамзд̇т̇а бад̣̇ад̇т̇о взд̣̇ид̇аб̣б̣о. сзсам̣ сувин̃н̃зяяамзва. д̇ад̇ияажад̇уд̇т̇аани уд̇д̇аанад̇т̇аанзва.
42-44. Dutiye etesaṃ pañhānanti ekaṃsabyākaraṇādīnaṃ catunnaṃ pañhānaṃ. Tasmiṃ tasmiṃ ṭhāne byākaraṇaṃ jānātīti ‘‘cakkhuṃ anicca’’nti puṭṭhe ‘‘anicca’’nti ekaṃseneva byākātabbaṃ. ‘‘Aniccā nāma cakkhu’’nti puṭṭhe pana ‘‘na kevalaṃ cakkhumeva, sotampi anicca’’nti evaṃ vibhajitvā byākātabbaṃ. ‘‘Yathā cakkhuṃ tathā sotaṃ, yathā sotaṃ tathā cakkhu’’nti puṭṭhe ‘‘kenaṭṭhena pucchasī’’ti paṭipucchitvā ‘‘dassanaṭṭhena pucchāmī’’ti vutte ‘‘na hī’’ti byākātabbaṃ. ‘‘Aniccaṭṭhena pucchāmī’’ti vutte ‘‘āmā’’ti byākātabbaṃ. ‘‘Taṃ jīvaṃ taṃ sarīra’’ntiādīni puṭṭhena pana ‘‘abyākatametaṃ bhagavatā’’ti ṭhapetabbo, esa pañho na byākātabboti evaṃ jānātīti attho. Atthasamāgamenāti atthassa paṭilābhena laddhabbena. Samiti saṅgati samodhānanti samayo, paṭilābho. Samayo eva abhisamayo, abhimukhabhāvena vā samayo abhisamayoti evamettha padattho veditabbo. Sesaṃ suviññeyyameva. Tatiyacatutthāni uttānatthāneva.
бан̃хаб̣яаагаран̣асуд̇д̇аад̣̇иван̣н̣анаа нидтид̇аа.
Pañhabyākaraṇasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
2. бан̃хаб̣яаагаран̣асуд̇д̇ам̣ • 2. Pañhabyākaraṇasuttaṃ
3. батамагод̇хаг̇арусуд̇д̇ам̣ • 3. Paṭhamakodhagarusuttaṃ
4. д̣̇уд̇ияагод̇хаг̇арусуд̇д̇ам̣ • 4. Dutiyakodhagarusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
2. бан̃хаб̣яаагаран̣асуд̇д̇аван̣н̣анаа • 2. Pañhabyākaraṇasuttavaṇṇanā
3-4. год̇хаг̇арусуд̇д̇ад̣̇ваяаван̣н̣анаа • 3-4. Kodhagarusuttadvayavaṇṇanā
