| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. பஞ்ஹப்³யாகரணஸுத்தவண்ணனா
2. Pañhabyākaraṇasuttavaṇṇanā
42. து³தியே யோ ச தேஸங் தத்த² தத்த², ஜானாதி அனுத⁴ம்மதந்தி யோ ஏதேஸங் பஞ்ஹானங் தஸ்மிங் தஸ்மிங் டா²னே ப்³யாகரணங் ஜானாதி. சதுபஞ்ஹஸ்ஸ குஸலோ, ஆஹு பி⁴க்கு²ங் ததா²வித⁴ந்தி ததா²வித⁴ங் பி⁴க்கு²ங் தேஸு சதூஸு பஞ்ஹேஸு குஸலோதி ஏவங் வத³ந்தி. து³ராஸதோ³ து³ப்பஸஹோதி பரேஹி க⁴ட்டேதுங் வா அபி⁴ப⁴விதுங் வா ந ஸக்கா. க³ம்பீ⁴ரோதி ஸத்தஸீத³ந்தரமஹாஸமுத்³தோ³ விய க³ம்பீ⁴ரோ. து³ப்பத⁴ங்ஸியோதி து³ம்மோசாபயோ, க³ஹிதக்³க³ஹணங் விஸ்ஸஜ்ஜாபேதுங் ந ஸக்காதி அத்தோ². அத்தே² அனத்தே² சாதி வட்³டி⁴யஞ்ச அவட்³டி⁴யஞ்ச. அத்தா²பி⁴ஸமயாதி அத்த²ஸமாக³மேன. தீ⁴ரோ பண்டி³தோதி பவுச்சதீதி தி⁴திஸம்பன்னோ புக்³க³லோ ‘‘பண்டி³தோ அய’’ந்தி ஏவங் பவுச்சதி.
42. Dutiye yo ca tesaṃ tattha tattha, jānāti anudhammatanti yo etesaṃ pañhānaṃ tasmiṃ tasmiṃ ṭhāne byākaraṇaṃ jānāti. Catupañhassa kusalo, āhu bhikkhuṃ tathāvidhanti tathāvidhaṃ bhikkhuṃ tesu catūsu pañhesu kusaloti evaṃ vadanti. Durāsado duppasahoti parehi ghaṭṭetuṃ vā abhibhavituṃ vā na sakkā. Gambhīroti sattasīdantaramahāsamuddo viya gambhīro. Duppadhaṃsiyoti dummocāpayo, gahitaggahaṇaṃ vissajjāpetuṃ na sakkāti attho. Atthe anatthe cāti vaḍḍhiyañca avaḍḍhiyañca. Atthābhisamayāti atthasamāgamena. Dhīro paṇḍitoti pavuccatīti dhitisampanno puggalo ‘‘paṇḍito aya’’nti evaṃ pavuccati.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. பஞ்ஹப்³யாகரணஸுத்தங் • 2. Pañhabyākaraṇasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2-4. பஞ்ஹப்³யாகரணஸுத்தாதி³வண்ணனா • 2-4. Pañhabyākaraṇasuttādivaṇṇanā
