| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๒. ปญฺหพฺยากรณสุตฺตวณฺณนา
2. Pañhabyākaraṇasuttavaṇṇanā
๔๒. ทุติเย โย จ เตสํ ตตฺถ ตตฺถ, ชานาติ อนุธมฺมตนฺติ โย เอเตสํ ปญฺหานํ ตสฺมิํ ตสฺมิํ ฐาเน พฺยากรณํ ชานาติฯ จตุปญฺหสฺส กุสโล, อาหุ ภิกฺขุํ ตถาวิธนฺติ ตถาวิธํ ภิกฺขุํ เตสุ จตูสุ ปเญฺหสุ กุสโลติ เอวํ วทนฺติฯ ทุราสโท ทุปฺปสโหติ ปเรหิ ฆเฎฺฎตุํ วา อภิภวิตุํ วา น สกฺกาฯ คมฺภีโรติ สตฺตสีทนฺตรมหาสมุโทฺท วิย คมฺภีโรฯ ทุปฺปธํสิโยติ ทุโมฺมจาปโย, คหิตคฺคหณํ วิสฺสชฺชาเปตุํ น สกฺกาติ อโตฺถฯ อเตฺถ อนเตฺถ จาติ วฑฺฒิยญฺจ อวฑฺฒิยญฺจฯ อตฺถาภิสมยาติ อตฺถสมาคเมนฯ ธีโร ปณฺฑิโตติ ปวุจฺจตีติ ธิติสมฺปโนฺน ปุคฺคโล ‘‘ปณฺฑิโต อย’’นฺติ เอวํ ปวุจฺจติฯ
42. Dutiye yo ca tesaṃ tattha tattha, jānāti anudhammatanti yo etesaṃ pañhānaṃ tasmiṃ tasmiṃ ṭhāne byākaraṇaṃ jānāti. Catupañhassa kusalo, āhu bhikkhuṃ tathāvidhanti tathāvidhaṃ bhikkhuṃ tesu catūsu pañhesu kusaloti evaṃ vadanti. Durāsado duppasahoti parehi ghaṭṭetuṃ vā abhibhavituṃ vā na sakkā. Gambhīroti sattasīdantaramahāsamuddo viya gambhīro. Duppadhaṃsiyoti dummocāpayo, gahitaggahaṇaṃ vissajjāpetuṃ na sakkāti attho. Atthe anatthe cāti vaḍḍhiyañca avaḍḍhiyañca. Atthābhisamayāti atthasamāgamena. Dhīro paṇḍitoti pavuccatīti dhitisampanno puggalo ‘‘paṇḍito aya’’nti evaṃ pavuccati.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๒. ปญฺหพฺยากรณสุตฺตํ • 2. Pañhabyākaraṇasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๒-๔. ปญฺหพฺยากรณสุตฺตาทิวณฺณนา • 2-4. Pañhabyākaraṇasuttādivaṇṇanā
