| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. ပဉ္ဟဗ္ယာကရဏသုတ္တဝဏ္ဏနာ
2. Pañhabyākaraṇasuttavaṇṇanā
၄၂. ဒုတိယေ ယော စ တေသံ တတ္ထ တတ္ထ, ဇာနာတိ အနုဓမ္မတန္တိ ယော ဧတေသံ ပဉ္ဟာနံ တသ္မိံ တသ္မိံ ဌာနေ ဗ္ယာကရဏံ ဇာနာတိ။ စတုပဉ္ဟသ္သ ကုသလော, အာဟု ဘိက္ခုံ တထာဝိဓန္တိ တထာဝိဓံ ဘိက္ခုံ တေသု စတူသု ပဉ္ဟေသု ကုသလောတိ ဧဝံ ဝဒန္တိ။ ဒုရာသဒော ဒုပ္ပသဟောတိ ပရေဟိ ဃဋ္ဋေတုံ ဝာ အဘိဘဝိတုံ ဝာ န သက္ကာ။ ဂမ္ဘီရောတိ သတ္တသီဒန္တရမဟာသမုဒ္ဒော ဝိယ ဂမ္ဘီရော။ ဒုပ္ပဓံသိယောတိ ဒုမ္မောစာပယော, ဂဟိတဂ္ဂဟဏံ ဝိသ္သဇ္ဇာပေတုံ န သက္ကာတိ အတ္ထော။ အတ္ထေ အနတ္ထေ စာတိ ဝဍ္ဎိယဉ္စ အဝဍ္ဎိယဉ္စ။ အတ္ထာဘိသမယာတိ အတ္ထသမာဂမေန။ ဓီရော ပဏ္ဍိတောတိ ပဝုစ္စတီတိ ဓိတိသမ္ပန္နော ပုဂ္ဂလော ‘‘ပဏ္ဍိတော အယ’’န္တိ ဧဝံ ပဝုစ္စတိ။
42. Dutiye yo ca tesaṃ tattha tattha, jānāti anudhammatanti yo etesaṃ pañhānaṃ tasmiṃ tasmiṃ ṭhāne byākaraṇaṃ jānāti. Catupañhassa kusalo, āhu bhikkhuṃ tathāvidhanti tathāvidhaṃ bhikkhuṃ tesu catūsu pañhesu kusaloti evaṃ vadanti. Durāsado duppasahoti parehi ghaṭṭetuṃ vā abhibhavituṃ vā na sakkā. Gambhīroti sattasīdantaramahāsamuddo viya gambhīro. Duppadhaṃsiyoti dummocāpayo, gahitaggahaṇaṃ vissajjāpetuṃ na sakkāti attho. Atthe anatthe cāti vaḍḍhiyañca avaḍḍhiyañca. Atthābhisamayāti atthasamāgamena. Dhīro paṇḍitoti pavuccatīti dhitisampanno puggalo ‘‘paṇḍito aya’’nti evaṃ pavuccati.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂. ပဉ္ဟဗ္ယာကရဏသုတ္တံ • 2. Pañhabyākaraṇasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၂-၄. ပဉ္ဟဗ္ယာကရဏသုတ္တာဒိဝဏ္ဏနာ • 2-4. Pañhabyākaraṇasuttādivaṇṇanā
