| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༢. པཉྷབྱཱཀརཎསུཏྟཝཎྞནཱ
2. Pañhabyākaraṇasuttavaṇṇanā
༤༢. དུཏིཡེ ཡོ ཙ ཏེསཾ ཏཏྠ ཏཏྠ, ཛཱནཱཏི ཨནུདྷམྨཏནྟི ཡོ ཨེཏེསཾ པཉྷཱནཾ ཏསྨིཾ ཏསྨིཾ ཋཱནེ བྱཱཀརཎཾ ཛཱནཱཏི། ཙཏུཔཉྷསྶ ཀུསལོ, ཨཱཧུ བྷིཀྑུཾ ཏཐཱཝིདྷནྟི ཏཐཱཝིདྷཾ བྷིཀྑུཾ ཏེསུ ཙཏཱུསུ པཉྷེསུ ཀུསལོཏི ཨེཝཾ ཝདནྟི། དུརཱསདོ དུཔྤསཧོཏི པརེཧི གྷཊྚེཏུཾ ཝཱ ཨབྷིབྷཝིཏུཾ ཝཱ ན སཀྐཱ། གམྦྷཱིརོཏི སཏྟསཱིདནྟརམཧཱསམུདྡོ ཝིཡ གམྦྷཱིརོ། དུཔྤདྷཾསིཡོཏི དུམྨོཙཱཔཡོ, གཧིཏགྒཧཎཾ ཝིསྶཛྫཱཔེཏུཾ ན སཀྐཱཏི ཨཏྠོ། ཨཏྠེ ཨནཏྠེ ཙཱཏི ཝཌྜྷིཡཉྩ ཨཝཌྜྷིཡཉྩ། ཨཏྠཱབྷིསམཡཱཏི ཨཏྠསམཱགམེན། དྷཱིརོ པཎྜིཏོཏི པཝུཙྩཏཱིཏི དྷིཏིསམྤནྣོ པུགྒལོ ‘‘པཎྜིཏོ ཨཡ’’ནྟི ཨེཝཾ པཝུཙྩཏི།
42. Dutiye yo ca tesaṃ tattha tattha, jānāti anudhammatanti yo etesaṃ pañhānaṃ tasmiṃ tasmiṃ ṭhāne byākaraṇaṃ jānāti. Catupañhassa kusalo, āhu bhikkhuṃ tathāvidhanti tathāvidhaṃ bhikkhuṃ tesu catūsu pañhesu kusaloti evaṃ vadanti. Durāsado duppasahoti parehi ghaṭṭetuṃ vā abhibhavituṃ vā na sakkā. Gambhīroti sattasīdantaramahāsamuddo viya gambhīro. Duppadhaṃsiyoti dummocāpayo, gahitaggahaṇaṃ vissajjāpetuṃ na sakkāti attho. Atthe anatthe cāti vaḍḍhiyañca avaḍḍhiyañca. Atthābhisamayāti atthasamāgamena. Dhīro paṇḍitoti pavuccatīti dhitisampanno puggalo ‘‘paṇḍito aya’’nti evaṃ pavuccati.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢. པཉྷབྱཱཀརཎསུཏྟཾ • 2. Pañhabyākaraṇasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༢-༤. པཉྷབྱཱཀརཎསུཏྟཱདིཝཎྞནཱ • 2-4. Pañhabyākaraṇasuttādivaṇṇanā
