| Library / Tipiṭaka / திபிடக • Tipiṭaka / ஸம்மோஹவினோத³னீ-அட்ட²கதா² • Sammohavinodanī-aṭṭhakathā |
3. பஞ்ஹாபுச்ச²கவண்ணனா
3. Pañhāpucchakavaṇṇanā
168. இதா⁴பி பஞ்ஹாபுச்ச²கே யங் லப்³ப⁴தி யஞ்ச ந லப்³ப⁴தி, தங் ஸப்³ப³ங் புச்சி²த்வா லப்³ப⁴மானவஸேனேவ விஸ்ஸஜ்ஜனங் வுத்தங்; ந கேவலஞ்ச இத⁴, ஸப்³பே³ஸுபி பஞ்ஹாபுச்ச²கேஸு ஏஸேவ நயோ. இத⁴ பன த³ஸன்னங் ஆயதனானங் ரூபபா⁴வேன அப்³யாகததா வேதி³தப்³பா³. த்³வின்னங் ஆயதனானங் க²ந்த⁴விப⁴ங்கே³ சதுன்னங் க²ந்தா⁴னங் விய குஸலாதி³பா⁴வோ வேதி³தப்³போ³. கேவலஞ்ஹி சத்தாரோ க²ந்தா⁴ ஸப்பச்சயாவ ஸங்க²தாவ த⁴ம்மாயதனங் பன ‘‘ஸியா அப்பச்சயங், ஸியா அஸங்க²த’’ந்தி ஆக³தங். ஆரம்மணத்திகேஸு ச அனாரம்மணங் ஸுகு²மரூபஸங்கா²தங் த⁴ம்மாயதனங் ந-வத்தப்³ப³கொட்டா²ஸங் ப⁴ஜதி. தஞ்ச கோ² அனாரம்மணத்தா ந பரித்தாதி³பா⁴வேன நவத்தப்³ப³த⁴ம்மாரம்மணத்தாதி அயமெத்த² விஸேஸோ. ஸேஸங் தாதி³ஸமேவ. இதா⁴பி ஹி சத்தாரோ க²ந்தா⁴ விய த்³வாயதனா பஞ்சபண்ணாஸ காமாவசரத⁴ம்மே ஆரப்³ப⁴ ரஜ்ஜந்தஸ்ஸ து³ஸ்ஸந்தஸ்ஸ முய்ஹந்தஸ்ஸ ஸங்வரந்தஸ்ஸ ஸம்மஸந்தஸ்ஸ பச்சவெக்க²ந்தஸ்ஸ ச பரித்தாரம்மணாதி ஸப்³ப³ங் க²ந்தே⁴ஸு வுத்தஸதி³ஸமேவாதி.
168. Idhāpi pañhāpucchake yaṃ labbhati yañca na labbhati, taṃ sabbaṃ pucchitvā labbhamānavaseneva vissajjanaṃ vuttaṃ; na kevalañca idha, sabbesupi pañhāpucchakesu eseva nayo. Idha pana dasannaṃ āyatanānaṃ rūpabhāvena abyākatatā veditabbā. Dvinnaṃ āyatanānaṃ khandhavibhaṅge catunnaṃ khandhānaṃ viya kusalādibhāvo veditabbo. Kevalañhi cattāro khandhā sappaccayāva saṅkhatāva dhammāyatanaṃ pana ‘‘siyā appaccayaṃ, siyā asaṅkhata’’nti āgataṃ. Ārammaṇattikesu ca anārammaṇaṃ sukhumarūpasaṅkhātaṃ dhammāyatanaṃ na-vattabbakoṭṭhāsaṃ bhajati. Tañca kho anārammaṇattā na parittādibhāvena navattabbadhammārammaṇattāti ayamettha viseso. Sesaṃ tādisameva. Idhāpi hi cattāro khandhā viya dvāyatanā pañcapaṇṇāsa kāmāvacaradhamme ārabbha rajjantassa dussantassa muyhantassa saṃvarantassa sammasantassa paccavekkhantassa ca parittārammaṇāti sabbaṃ khandhesu vuttasadisamevāti.
ஸம்மோஹவினோத³னியா விப⁴ங்க³ட்ட²கதா²ய
Sammohavinodaniyā vibhaṅgaṭṭhakathāya
ஆயதனவிப⁴ங்க³வண்ணனா நிட்டி²தா.
Āyatanavibhaṅgavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / விப⁴ங்க³பாளி • Vibhaṅgapāḷi / 2. ஆயதனவிப⁴ங்கோ³ • 2. Āyatanavibhaṅgo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-மூலடீகா • Vibhaṅga-mūlaṭīkā / 2. ஆயதனவிப⁴ங்கோ³ • 2. Āyatanavibhaṅgo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-அனுடீகா • Vibhaṅga-anuṭīkā / 2. ஆயதனவிப⁴ங்கோ³ • 2. Āyatanavibhaṅgo
