| Library / Tipiṭaka / திபிடக • Tipiṭaka / ஸம்மோஹவினோத³னீ-அட்ட²கதா² • Sammohavinodanī-aṭṭhakathā |
3. பஞ்ஹாபுச்ச²கவண்ணனா
3. Pañhāpucchakavaṇṇanā
386. பஞ்ஹாபுச்ச²கே பாளிஅனுஸாரேனேவ ஸதிபட்டா²னானங் குஸலாதி³பா⁴வோ வேதி³தப்³போ³. ஆரம்மணத்திகேஸு பன ஸப்³பா³னிபி ஏதானி அப்பமாணங் நிப்³பா³னங் ஆரப்³ப⁴ பவத்தனதோ அப்பமாணாரம்மணானேவ, ந மக்³கா³ரம்மணானி; ஸஹஜாதஹேதுவஸேன பன மக்³க³ஹேதுகானி; வீரியங் வா வீமங்ஸங் வா ஜெட்ட²கங் கத்வா மக்³க³பா⁴வனாகாலே மக்³கா³தி⁴பதீனி; ச²ந்த³சித்தஜெட்ட²காய மக்³க³பா⁴வனாய நவத்தப்³பா³னி மக்³கா³தி⁴பதீனீதி ப²லகாலேபி நவத்தப்³பா³னேவ; அதீதாதீ³ஸு ஏகாரம்மணபா⁴வேனபி நவத்தப்³பா³னி; நிப்³பா³னஸ்ஸ பன ப³ஹித்³தா⁴த⁴ம்மத்தா ப³ஹித்³தா⁴ரம்மணானி நாம ஹொந்தீதி. ஏவமேதஸ்மிங் பஞ்ஹாபுச்ச²கே நிப்³ப³த்திதலோகுத்தரானேவ ஸதிபட்டா²னானி கதி²தானி. ஸம்மாஸம்பு³த்³தே⁴ன ஹி ஸுத்தந்தபா⁴ஜனீயஸ்மிங்யேவ லோகியலோகுத்தரமிஸ்ஸகா ஸதிபட்டா²னா கதி²தா; அபி⁴த⁴ம்மபா⁴ஜனீயபஞ்ஹாபுச்ச²கேஸு பன லோகுத்தராயேவாதி. ஏவமயங் ஸதிபட்டா²னவிப⁴ங்கோ³பி தேபரிவட்டங் நீஹரித்வா பா⁴ஜெத்வா த³ஸ்ஸிதோதி.
386. Pañhāpucchake pāḷianusāreneva satipaṭṭhānānaṃ kusalādibhāvo veditabbo. Ārammaṇattikesu pana sabbānipi etāni appamāṇaṃ nibbānaṃ ārabbha pavattanato appamāṇārammaṇāneva, na maggārammaṇāni; sahajātahetuvasena pana maggahetukāni; vīriyaṃ vā vīmaṃsaṃ vā jeṭṭhakaṃ katvā maggabhāvanākāle maggādhipatīni; chandacittajeṭṭhakāya maggabhāvanāya navattabbāni maggādhipatīnīti phalakālepi navattabbāneva; atītādīsu ekārammaṇabhāvenapi navattabbāni; nibbānassa pana bahiddhādhammattā bahiddhārammaṇāni nāma hontīti. Evametasmiṃ pañhāpucchake nibbattitalokuttarāneva satipaṭṭhānāni kathitāni. Sammāsambuddhena hi suttantabhājanīyasmiṃyeva lokiyalokuttaramissakā satipaṭṭhānā kathitā; abhidhammabhājanīyapañhāpucchakesu pana lokuttarāyevāti. Evamayaṃ satipaṭṭhānavibhaṅgopi teparivaṭṭaṃ nīharitvā bhājetvā dassitoti.
ஸம்மோஹவினோத³னியா விப⁴ங்க³ட்ட²கதா²ய
Sammohavinodaniyā vibhaṅgaṭṭhakathāya
ஸதிபட்டா²னவிப⁴ங்க³வண்ணனா நிட்டி²தா.
Satipaṭṭhānavibhaṅgavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / விப⁴ங்க³பாளி • Vibhaṅgapāḷi / 7. ஸதிபட்டா²னவிப⁴ங்கோ³ • 7. Satipaṭṭhānavibhaṅgo
