| Library / Tipiṭaka / திபிடக • Tipiṭaka / ஸம்மோஹவினோத³னீ-அட்ட²கதா² • Sammohavinodanī-aṭṭhakathā |
3. பஞ்ஹாபுச்ச²கவண்ணனா
3. Pañhāpucchakavaṇṇanā
482. பஞ்ஹாபுச்ச²கே பாளிஅனுஸாரேனேவ பொ³ஜ்ஜ²ங்கா³னங் குஸலாதி³பா⁴வோ வேதி³தப்³போ³. ஆரம்மணத்திகேஸு பன ஸப்³பே³பேதே அப்பமாணங் நிப்³பா³னங் ஆரப்³ப⁴ பவத்திதோ அப்பமாணாரம்மணா ஏவ, ந மக்³கா³ரம்மணா. ஸஹஜாதஹேதுவஸேன பனெத்த² குஸலா மக்³க³ஹேதுகா, வீரியங் வா வீமங்ஸங் வா ஜெட்ட²கங் கத்வா மக்³க³பா⁴வனாகாலே மக்³கா³தி⁴பதினோ, ச²ந்த³சித்தஜெட்டி²காய மக்³க³பா⁴வனாய ந வத்தப்³பா³ மக்³கா³தி⁴பதினோதி, ப²லகாலேபி ந வத்தப்³பா³ ஏவ.
482. Pañhāpucchake pāḷianusāreneva bojjhaṅgānaṃ kusalādibhāvo veditabbo. Ārammaṇattikesu pana sabbepete appamāṇaṃ nibbānaṃ ārabbha pavattito appamāṇārammaṇā eva, na maggārammaṇā. Sahajātahetuvasena panettha kusalā maggahetukā, vīriyaṃ vā vīmaṃsaṃ vā jeṭṭhakaṃ katvā maggabhāvanākāle maggādhipatino, chandacittajeṭṭhikāya maggabhāvanāya na vattabbā maggādhipatinoti, phalakālepi na vattabbā eva.
அதீதாதீ³ஸு ஏகாரம்மணபா⁴வேனபி ந வத்தப்³பா³, நிப்³பா³னஸ்ஸ பன ப³ஹித்³தா⁴த⁴ம்மத்தா ப³ஹித்³தா⁴ரம்மணா நாம ஹொந்தீதி. ஏவமேதஸ்மிங் பஞ்ஹாபுச்ச²கேபி நிப்³ப³த்திதலோகுத்தராவ பொ³ஜ்ஜ²ங்கா³ கதி²தா . ஸம்மாஸம்பு³த்³தே⁴ன ஹி ஸுத்தந்தபா⁴ஜனீயஸ்ஸேவ பட²மனயஸ்மிங் லோகியா, து³தியததியேஸு லோகியலோகுத்தரமிஸ்ஸகா பொ³ஜ்ஜ²ங்கா³ கதி²தா. அபி⁴த⁴ம்மபா⁴ஜனீயஸ்ஸ பன சதூஸுபி நயேஸு இமஸ்மிஞ்ச பஞ்ஹாபுச்ச²கே லோகுத்தராயேவாதி ஏவமயங் பொ³ஜ்ஜ²ங்க³விப⁴ங்கோ³பி தேபரிவட்டங் நீஹரித்வாவ பா⁴ஜெத்வா த³ஸ்ஸிதோதி.
Atītādīsu ekārammaṇabhāvenapi na vattabbā, nibbānassa pana bahiddhādhammattā bahiddhārammaṇā nāma hontīti. Evametasmiṃ pañhāpucchakepi nibbattitalokuttarāva bojjhaṅgā kathitā . Sammāsambuddhena hi suttantabhājanīyasseva paṭhamanayasmiṃ lokiyā, dutiyatatiyesu lokiyalokuttaramissakā bojjhaṅgā kathitā. Abhidhammabhājanīyassa pana catūsupi nayesu imasmiñca pañhāpucchake lokuttarāyevāti evamayaṃ bojjhaṅgavibhaṅgopi teparivaṭṭaṃ nīharitvāva bhājetvā dassitoti.
ஸம்மோஹவினோத³னியா விப⁴ங்க³ட்ட²கதா²ய
Sammohavinodaniyā vibhaṅgaṭṭhakathāya
பொ³ஜ்ஜ²ங்க³விப⁴ங்க³வண்ணனா நிட்டி²தா.
Bojjhaṅgavibhaṅgavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / விப⁴ங்க³பாளி • Vibhaṅgapāḷi / 10. பொ³ஜ்ஜ²ங்க³விப⁴ங்கோ³ • 10. Bojjhaṅgavibhaṅgo
