| Library / Tipiṭaka / திபிடக • Tipiṭaka / ஸம்மோஹவினோத³னீ-அட்ட²கதா² • Sammohavinodanī-aṭṭhakathā |
3. பஞ்ஹாபுச்ச²கவண்ணனா
3. Pañhāpucchakavaṇṇanā
714. பஞ்ஹாபுச்ச²கே பாளிஅனுஸாரேனேவ ஸிக்கா²பதா³னங் குஸலாதி³பா⁴வோ வேதி³தப்³போ³. ஆரம்மணத்திகேஸு பன யானி ஸிக்கா²பதா³னி எத்த² ஸத்தாரம்மணானீதி வுத்தானி, தானி யஸ்மா ஸத்தோதி ஸங்க²ங் க³தே ஸங்கா²ரேயேவ ஆரம்மணங் கரொந்தி, யஸ்மா ச ஸப்³பா³னிபி ஏதானி ஸம்பத்தவிரதிவஸேனேவ நித்³தி³ட்டா²னி, தஸ்மா ‘‘பரித்தாரம்மணா’’தி ச ‘‘பச்சுப்பன்னாரம்மணா’’தி ச வுத்தங். யதோ பன விரமதி தஸ்ஸ வத்து²னோ அச்சந்தப³ஹித்³த⁴த்தா ஸப்³பே³ஸம்பி ப³ஹித்³தா⁴ரம்மணதா வேதி³தப்³பா³தி.
714. Pañhāpucchake pāḷianusāreneva sikkhāpadānaṃ kusalādibhāvo veditabbo. Ārammaṇattikesu pana yāni sikkhāpadāni ettha sattārammaṇānīti vuttāni, tāni yasmā sattoti saṅkhaṃ gate saṅkhāreyeva ārammaṇaṃ karonti, yasmā ca sabbānipi etāni sampattavirativaseneva niddiṭṭhāni, tasmā ‘‘parittārammaṇā’’ti ca ‘‘paccuppannārammaṇā’’ti ca vuttaṃ. Yato pana viramati tassa vatthuno accantabahiddhattā sabbesampi bahiddhārammaṇatā veditabbāti.
இமஸ்மிங் பன ஸிக்கா²பத³விப⁴ங்கே³ ஸம்மாஸம்பு³த்³தே⁴ன அபி⁴த⁴ம்மபா⁴ஜனீயேபி பஞ்ஹாபுச்ச²கேபி லோகியானேவ ஸிக்கா²பதா³னி கதி²தானி. உபோ⁴பி ஹி ஏதே நயா லோகியத்தா ஏகபரிச்சே²தா³ ஏவ. ஏவமயங் ஸிக்கா²பத³விப⁴ங்கோ³ த்³வேபரிவட்டங் நீஹரித்வாவ பா⁴ஜெத்வா த³ஸ்ஸிதோதி.
Imasmiṃ pana sikkhāpadavibhaṅge sammāsambuddhena abhidhammabhājanīyepi pañhāpucchakepi lokiyāneva sikkhāpadāni kathitāni. Ubhopi hi ete nayā lokiyattā ekaparicchedā eva. Evamayaṃ sikkhāpadavibhaṅgo dveparivaṭṭaṃ nīharitvāva bhājetvā dassitoti.
ஸம்மோஹவினோத³னியா விப⁴ங்க³ட்ட²கதா²ய
Sammohavinodaniyā vibhaṅgaṭṭhakathāya
ஸிக்கா²பத³விப⁴ங்க³வண்ணனா நிட்டி²தா.
Sikkhāpadavibhaṅgavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / விப⁴ங்க³பாளி • Vibhaṅgapāḷi / 14. ஸிக்கா²பத³விப⁴ங்கோ³ • 14. Sikkhāpadavibhaṅgo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-மூலடீகா • Vibhaṅga-mūlaṭīkā / 14. ஸிக்கா²பத³விப⁴ங்கோ³ • 14. Sikkhāpadavibhaṅgo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-அனுடீகா • Vibhaṅga-anuṭīkā / 14. ஸிக்கா²பத³விப⁴ங்கோ³ • 14. Sikkhāpadavibhaṅgo
