| Library / Tipiṭaka / তিপিটক • Tipiṭaka / সম্মোহৰিনোদনী-অট্ঠকথা • Sammohavinodanī-aṭṭhakathā |
৩. পঞ্হাপুচ্ছকৰণ্ণনা
3. Pañhāpucchakavaṇṇanā
৭১৪. পঞ্হাপুচ্ছকে পাল়িঅনুসারেনেৰ সিক্খাপদানং কুসলাদিভাৰো ৰেদিতব্বো। আরম্মণত্তিকেসু পন যানি সিক্খাপদানি এত্থ সত্তারম্মণানীতি ৰুত্তানি, তানি যস্মা সত্তোতি সঙ্খং গতে সঙ্খারেযেৰ আরম্মণং করোন্তি, যস্মা চ সব্বানিপি এতানি সম্পত্তৰিরতিৰসেনেৰ নিদ্দিট্ঠানি, তস্মা ‘‘পরিত্তারম্মণা’’তি চ ‘‘পচ্চুপ্পন্নারম্মণা’’তি চ ৰুত্তং। যতো পন ৰিরমতি তস্স ৰত্থুনো অচ্চন্তবহিদ্ধত্তা সব্বেসম্পি বহিদ্ধারম্মণতা ৰেদিতব্বাতি।
714. Pañhāpucchake pāḷianusāreneva sikkhāpadānaṃ kusalādibhāvo veditabbo. Ārammaṇattikesu pana yāni sikkhāpadāni ettha sattārammaṇānīti vuttāni, tāni yasmā sattoti saṅkhaṃ gate saṅkhāreyeva ārammaṇaṃ karonti, yasmā ca sabbānipi etāni sampattavirativaseneva niddiṭṭhāni, tasmā ‘‘parittārammaṇā’’ti ca ‘‘paccuppannārammaṇā’’ti ca vuttaṃ. Yato pana viramati tassa vatthuno accantabahiddhattā sabbesampi bahiddhārammaṇatā veditabbāti.
ইমস্মিং পন সিক্খাপদৰিভঙ্গে সম্মাসম্বুদ্ধেন অভিধম্মভাজনীযেপি পঞ্হাপুচ্ছকেপি লোকিযানেৰ সিক্খাপদানি কথিতানি। উভোপি হি এতে নযা লোকিযত্তা একপরিচ্ছেদা এৰ। এৰমযং সিক্খাপদৰিভঙ্গো দ্ৰেপরিৰট্টং নীহরিত্ৰাৰ ভাজেত্ৰা দস্সিতোতি।
Imasmiṃ pana sikkhāpadavibhaṅge sammāsambuddhena abhidhammabhājanīyepi pañhāpucchakepi lokiyāneva sikkhāpadāni kathitāni. Ubhopi hi ete nayā lokiyattā ekaparicchedā eva. Evamayaṃ sikkhāpadavibhaṅgo dveparivaṭṭaṃ nīharitvāva bhājetvā dassitoti.
সম্মোহৰিনোদনিযা ৰিভঙ্গট্ঠকথায
Sammohavinodaniyā vibhaṅgaṭṭhakathāya
সিক্খাপদৰিভঙ্গৰণ্ণনা নিট্ঠিতা।
Sikkhāpadavibhaṅgavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ৰিভঙ্গপাল়ি • Vibhaṅgapāḷi / ১৪. সিক্খাপদৰিভঙ্গো • 14. Sikkhāpadavibhaṅgo
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ৰিভঙ্গ-মূলটীকা • Vibhaṅga-mūlaṭīkā / ১৪. সিক্খাপদৰিভঙ্গো • 14. Sikkhāpadavibhaṅgo
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ৰিভঙ্গ-অনুটীকা • Vibhaṅga-anuṭīkā / ১৪. সিক্খাপদৰিভঙ্গো • 14. Sikkhāpadavibhaṅgo
