| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
3. бан̃хаабужчагаван̣н̣анаа
3. Pañhāpucchakavaṇṇanā
150. ид̣̇аани бан̃хаабужчагам̣ ход̇и. д̇ад̇т̇а бан̃хаабужчанз бан̃жаннам̣ канд̇хаанам̣ ‘‘гад̇игусалаа? гад̇иагусалаа? гад̇иаб̣яаагад̇аа’’д̇иаад̣̇инаа наязна яам̣ лаб̣бхад̇и, яан̃жа на лаб̣бхад̇и, д̇ам̣ саб̣б̣ам̣ бужчид̇ваа виссаж̇ж̇анз ‘‘руубагканд̇хо аб̣яаагад̇о’’д̇иаад̣̇инаа наязна яам̣ лаб̣бхад̇и д̇ад̣̇зва уд̣̇д̇хаданд̇и взд̣̇ид̇аб̣б̣ам̣. яад̇т̇а яад̇т̇а жа ‘зго канд̇хо’д̇и ваа ‘д̣̇вз канд̇хаа’д̇и ваа барижчзд̣̇ам̣ агад̇ваа ‘‘сияаа уббаннаа, сияаа ануббаннаа’’д̇иаад̣̇инаа наязна д̇анд̇и табид̇аа, д̇ад̇т̇а д̇ад̇т̇а бан̃жаннамби канд̇хаанам̣ г̇ахан̣ам̣ взд̣̇ид̇аб̣б̣ам̣. сзсо д̇зсам̣ д̇зсам̣ канд̇хаанам̣ гусалаад̣̇ивибхааг̇о хздтаа д̇хаммасан̇г̇ахадтагат̇ааяам̣ (д̇ха. са. адта. 985) вуд̇д̇оязва.
150. Idāni pañhāpucchakaṃ hoti. Tattha pañhāpucchane pañcannaṃ khandhānaṃ ‘‘katikusalā? Katiakusalā? Katiabyākatā’’tiādinā nayena yaṃ labbhati, yañca na labbhati, taṃ sabbaṃ pucchitvā vissajjane ‘‘rūpakkhandho abyākato’’tiādinā nayena yaṃ labbhati tadeva uddhaṭanti veditabbaṃ. Yattha yattha ca ‘eko khandho’ti vā ‘dve khandhā’ti vā paricchedaṃ akatvā ‘‘siyā uppannā, siyā anuppannā’’tiādinā nayena tanti ṭhapitā, tattha tattha pañcannampi khandhānaṃ gahaṇaṃ veditabbaṃ. Seso tesaṃ tesaṃ khandhānaṃ kusalādivibhāgo heṭṭhā dhammasaṅgahaṭṭhakathāyaṃ (dha. sa. aṭṭha. 985) vuttoyeva.
аарамман̣ад̇д̇игзсу бана жад̇д̇ааро канд̇хаа бан̃жабан̣н̣ааса гаамааважарад̇хаммз аараб̣бха раж̇ж̇анд̇асса д̣̇уссанд̇асса муяханд̇асса сам̣варанд̇асса саммасанд̇асса бажжавзгканд̇асса жа барид̇д̇аарамман̣аа хонд̇и, сад̇д̇авийсад̇и руубааруубааважарад̇хаммз аараб̣бха раж̇ж̇анд̇асса д̣̇уссанд̇асса муяханд̇асса сам̣варанд̇асса бариг̇г̇ахам̣ бадтабзнд̇асса махаг̇г̇ад̇аарамман̣аа, маг̇г̇апаланиб̣б̣аанаани бажжавзгканд̇асса аббамаан̣аарамман̣аа, бан̃н̃ад̇д̇им̣ бажжавзгкан̣агаалз навад̇д̇аб̣б̣аарамман̣аад̇и.
Ārammaṇattikesu pana cattāro khandhā pañcapaṇṇāsa kāmāvacaradhamme ārabbha rajjantassa dussantassa muyhantassa saṃvarantassa sammasantassa paccavekkhantassa ca parittārammaṇā honti, sattavīsati rūpārūpāvacaradhamme ārabbha rajjantassa dussantassa muyhantassa saṃvarantassa pariggahaṃ paṭṭhapentassa mahaggatārammaṇā, maggaphalanibbānāni paccavekkhantassa appamāṇārammaṇā, paññattiṃ paccavekkhaṇakāle navattabbārammaṇāti.
д̇зязва сзгкаасзгкаанам̣ маг̇г̇абажжавзгкан̣агаалз маг̇г̇аарамман̣аа хонд̇и, маг̇г̇агаалз сахаж̇аад̇ахзд̇унаа маг̇г̇ахзд̇угаа, маг̇г̇ам̣ г̇арум̣ гад̇ваа бажжавзгкан̣агаалз аарамман̣аад̇хибад̇инаа маг̇г̇аад̇хибад̇ино , вийрияаж̇здтагам̣ ваа виймам̣саж̇здтагам̣ ваа маг̇г̇ам̣ бхаавзнд̇асса сахаж̇аад̇аад̇хибад̇инаа маг̇г̇аад̇хибад̇ино, чанд̣̇аж̇здтагам̣ бана жид̇д̇аж̇здтагам̣ ваа бхаавзнд̇асса навад̇д̇аб̣б̣аарамман̣аа наама хонд̇и.
Teyeva sekkhāsekkhānaṃ maggapaccavekkhaṇakāle maggārammaṇā honti, maggakāle sahajātahetunā maggahetukā, maggaṃ garuṃ katvā paccavekkhaṇakāle ārammaṇādhipatinā maggādhipatino , vīriyajeṭṭhakaṃ vā vīmaṃsajeṭṭhakaṃ vā maggaṃ bhāventassa sahajātādhipatinā maggādhipatino, chandajeṭṭhakaṃ pana cittajeṭṭhakaṃ vā bhāventassa navattabbārammaṇā nāma honti.
ад̇ийд̇аани бана канд̇хад̇хаад̇уааяад̇анаани аараб̣бха раж̇ж̇анд̇асса д̣̇уссанд̇асса муяханд̇асса сам̣варанд̇асса бариг̇г̇ахам̣ бадтабзнд̇асса ад̇ийд̇аарамман̣аа хонд̇и, анааг̇ад̇аани аараб̣бха анааг̇ад̇аарамман̣аа хонд̇и, бажжуббаннаани аараб̣бха бажжуббаннаарамман̣аа хонд̇и, бан̃н̃ад̇д̇им̣ ваа ниб̣б̣аанам̣ ваа бажжавзгканд̇асса навад̇д̇аб̣б̣аарамман̣аа хонд̇и.
Atītāni pana khandhadhātuāyatanāni ārabbha rajjantassa dussantassa muyhantassa saṃvarantassa pariggahaṃ paṭṭhapentassa atītārammaṇā honti, anāgatāni ārabbha anāgatārammaṇā honti, paccuppannāni ārabbha paccuppannārammaṇā honti, paññattiṃ vā nibbānaṃ vā paccavekkhantassa navattabbārammaṇā honti.
д̇ат̇аа ад̇д̇ано канд̇хад̇хаад̇уааяад̇анаани аараб̣бха раж̇ж̇анд̇асса д̣̇уссанд̇асса муяханд̇асса сам̣варанд̇асса бариг̇г̇ахам̣ бадтабзнд̇асса аж̇жхад̇д̇аарамман̣аа хонд̇и, барзсам̣ канд̇хад̇хаад̇уааяад̇анаани аараб̣бха звам̣ бавад̇д̇знд̇асса б̣ахид̣̇д̇хаарамман̣аа, бан̣н̣ад̇д̇иниб̣б̣аанабажжавзгкан̣агаалзби б̣ахид̣̇д̇хаарамман̣ааязва, гаалзна аж̇жхад̇д̇ам̣ гаалзна б̣ахид̣̇д̇хаа д̇хаммзсу звам̣ бавад̇д̇знд̇асса аж̇жхад̇д̇аб̣ахид̣̇д̇хаарамман̣аа, аагин̃жан̃н̃ааяад̇анагаалз навад̇д̇аб̣б̣аарамман̣аад̇и взд̣̇ид̇аб̣б̣аа.
Tathā attano khandhadhātuāyatanāni ārabbha rajjantassa dussantassa muyhantassa saṃvarantassa pariggahaṃ paṭṭhapentassa ajjhattārammaṇā honti, paresaṃ khandhadhātuāyatanāni ārabbha evaṃ pavattentassa bahiddhārammaṇā, paṇṇattinibbānapaccavekkhaṇakālepi bahiddhārammaṇāyeva, kālena ajjhattaṃ kālena bahiddhā dhammesu evaṃ pavattentassa ajjhattabahiddhārammaṇā, ākiñcaññāyatanakāle navattabbārammaṇāti veditabbā.
ид̇и бхаг̇аваа имам̣ канд̇хавибхан̇г̇ам̣ суд̇д̇анд̇абхааж̇анийяаад̣̇ивасзна д̇аяо бариваддз нийхарид̇ваа бхааж̇знд̇о д̣̇ассзси. д̇ийсуби хи бариваддзсу згова барижчзд̣̇о. руубагканд̇хо хи саб̣б̣ад̇т̇а гаамааважароязва. жад̇д̇ааро канд̇хаа жад̇убхуумагаа логияалогуд̇д̇арамиссагаа гат̇ид̇аад̇и.
Iti bhagavā imaṃ khandhavibhaṅgaṃ suttantabhājanīyādivasena tayo parivaṭṭe nīharitvā bhājento dassesi. Tīsupi hi parivaṭṭesu ekova paricchedo. Rūpakkhandho hi sabbattha kāmāvacaroyeva. Cattāro khandhā catubhūmakā lokiyalokuttaramissakā kathitāti.
саммохавинод̣̇анияаа вибхан̇г̇адтагат̇ааяа
Sammohavinodaniyā vibhaṅgaṭṭhakathāya
канд̇хавибхан̇г̇аван̣н̣анаа нидтид̇аа.
Khandhavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 1. канд̇хавибхан̇г̇о • 1. Khandhavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 1. канд̇хавибхан̇г̇о • 1. Khandhavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 1. канд̇хавибхан̇г̇о • 1. Khandhavibhaṅgo
