| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
3. бан̃хаабужчагаван̣н̣анаа
3. Pañhāpucchakavaṇṇanā
386. бан̃хаабужчагз баал̣ианусаарзнзва сад̇ибадтаанаанам̣ гусалаад̣̇ибхааво взд̣̇ид̇аб̣б̣о. аарамман̣ад̇д̇игзсу бана саб̣б̣ааниби зд̇аани аббамаан̣ам̣ ниб̣б̣аанам̣ аараб̣бха бавад̇д̇анад̇о аббамаан̣аарамман̣аанзва, на маг̇г̇аарамман̣аани; сахаж̇аад̇ахзд̇увасзна бана маг̇г̇ахзд̇угаани; вийрияам̣ ваа виймам̣сам̣ ваа ж̇здтагам̣ гад̇ваа маг̇г̇абхааванаагаалз маг̇г̇аад̇хибад̇ийни; чанд̣̇ажид̇д̇аж̇здтагааяа маг̇г̇абхааванааяа навад̇д̇аб̣б̣аани маг̇г̇аад̇хибад̇ийнийд̇и палагаалзби навад̇д̇аб̣б̣аанзва; ад̇ийд̇аад̣̇ийсу згаарамман̣абхаавзнаби навад̇д̇аб̣б̣аани; ниб̣б̣аанасса бана б̣ахид̣̇д̇хаад̇хаммад̇д̇аа б̣ахид̣̇д̇хаарамман̣аани наама хонд̇ийд̇и. звамзд̇асмим̣ бан̃хаабужчагз ниб̣б̣ад̇д̇ид̇алогуд̇д̇араанзва сад̇ибадтаанаани гат̇ид̇аани. саммаасамб̣уд̣̇д̇хзна хи суд̇д̇анд̇абхааж̇анийяасмим̣язва логияалогуд̇д̇арамиссагаа сад̇ибадтаанаа гат̇ид̇аа; абхид̇хаммабхааж̇анийяабан̃хаабужчагзсу бана логуд̇д̇арааязваад̇и. звамаяам̣ сад̇ибадтаанавибхан̇г̇оби д̇збариваддам̣ нийхарид̇ваа бхааж̇зд̇ваа д̣̇ассид̇од̇и.
386. Pañhāpucchake pāḷianusāreneva satipaṭṭhānānaṃ kusalādibhāvo veditabbo. Ārammaṇattikesu pana sabbānipi etāni appamāṇaṃ nibbānaṃ ārabbha pavattanato appamāṇārammaṇāneva, na maggārammaṇāni; sahajātahetuvasena pana maggahetukāni; vīriyaṃ vā vīmaṃsaṃ vā jeṭṭhakaṃ katvā maggabhāvanākāle maggādhipatīni; chandacittajeṭṭhakāya maggabhāvanāya navattabbāni maggādhipatīnīti phalakālepi navattabbāneva; atītādīsu ekārammaṇabhāvenapi navattabbāni; nibbānassa pana bahiddhādhammattā bahiddhārammaṇāni nāma hontīti. Evametasmiṃ pañhāpucchake nibbattitalokuttarāneva satipaṭṭhānāni kathitāni. Sammāsambuddhena hi suttantabhājanīyasmiṃyeva lokiyalokuttaramissakā satipaṭṭhānā kathitā; abhidhammabhājanīyapañhāpucchakesu pana lokuttarāyevāti. Evamayaṃ satipaṭṭhānavibhaṅgopi teparivaṭṭaṃ nīharitvā bhājetvā dassitoti.
саммохавинод̣̇анияаа вибхан̇г̇адтагат̇ааяа
Sammohavinodaniyā vibhaṅgaṭṭhakathāya
сад̇ибадтаанавибхан̇г̇аван̣н̣анаа нидтид̇аа.
Satipaṭṭhānavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 7. сад̇ибадтаанавибхан̇г̇о • 7. Satipaṭṭhānavibhaṅgo
