| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
3. бан̃хаабужчагаван̣н̣анаа
3. Pañhāpucchakavaṇṇanā
427. бан̃хаабужчагз баал̣ианусаарзнзва саммаббад̇хаанаанам̣ гусалаад̣̇ибхааво взд̣̇ид̇аб̣б̣о. аарамман̣ад̇д̇игзсу бана саб̣б̣ааниби зд̇аани аббамаан̣ам̣ ниб̣б̣аанам̣ аараб̣бха бавад̇д̇ид̇о аббамаан̣аарамман̣аанзва, на маг̇г̇аарамман̣аани; сахаж̇аад̇ахзд̇увасзна бана маг̇г̇ахзд̇угаани; виймам̣сам̣ ж̇здтагам̣ гад̇ваа маг̇г̇абхааванаагаалз маг̇г̇аад̇хибад̇ийни; чанд̣̇ажид̇д̇аж̇здтигааяа маг̇г̇абхааванааяа на вад̇д̇аб̣б̣аани маг̇г̇аад̇хибад̇ийнийд̇и; вийрияаж̇здтигааяа бана ан̃н̃асса вийрияасса абхааваа на вад̇д̇аб̣б̣аани маг̇г̇аад̇хибад̇ийнийд̇и ваа на маг̇г̇аад̇хибад̇ийнийд̇и ваа; ад̇ийд̇аад̣̇ийсу згаарамман̣абхаавзнаби на вад̇д̇аб̣б̣аани; ниб̣б̣аанасса бана б̣ахид̣̇д̇хаад̇хаммад̇д̇аа б̣ахид̣̇д̇хаарамман̣аани наама хонд̇ийд̇и. звамзд̇асмим̣ бан̃хаабужчагз ниб̣б̣ад̇д̇ид̇алогуд̇д̇араанзва саммаббад̇хаанаани гат̇ид̇аани. саммаасамб̣уд̣̇д̇хзна хи суд̇д̇анд̇абхааж̇анийяасмим̣язва логияалогуд̇д̇арамиссагаа саммаббад̇хаанаа гат̇ид̇аа; абхид̇хаммабхааж̇анийяабан̃хаабужчагзсу бана логуд̇д̇арааязваад̇и. звамаяам̣ саммаббад̇хаанавибхан̇г̇оби д̇збариваддам̣ нийхарид̇ваава бхааж̇зд̇ваа д̣̇ассид̇од̇и.
427. Pañhāpucchake pāḷianusāreneva sammappadhānānaṃ kusalādibhāvo veditabbo. Ārammaṇattikesu pana sabbānipi etāni appamāṇaṃ nibbānaṃ ārabbha pavattito appamāṇārammaṇāneva, na maggārammaṇāni; sahajātahetuvasena pana maggahetukāni; vīmaṃsaṃ jeṭṭhakaṃ katvā maggabhāvanākāle maggādhipatīni; chandacittajeṭṭhikāya maggabhāvanāya na vattabbāni maggādhipatīnīti; vīriyajeṭṭhikāya pana aññassa vīriyassa abhāvā na vattabbāni maggādhipatīnīti vā na maggādhipatīnīti vā; atītādīsu ekārammaṇabhāvenapi na vattabbāni; nibbānassa pana bahiddhādhammattā bahiddhārammaṇāni nāma hontīti. Evametasmiṃ pañhāpucchake nibbattitalokuttarāneva sammappadhānāni kathitāni. Sammāsambuddhena hi suttantabhājanīyasmiṃyeva lokiyalokuttaramissakā sammappadhānā kathitā; abhidhammabhājanīyapañhāpucchakesu pana lokuttarāyevāti. Evamayaṃ sammappadhānavibhaṅgopi teparivaṭṭaṃ nīharitvāva bhājetvā dassitoti.
саммохавинод̣̇анияаа вибхан̇г̇адтагат̇ааяа
Sammohavinodaniyā vibhaṅgaṭṭhakathāya
саммаббад̇хаанавибхан̇г̇аван̣н̣анаа нидтид̇аа.
Sammappadhānavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 8. саммаббад̇хаанавибхан̇г̇о • 8. Sammappadhānavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 8. саммаббад̇хаанавибхан̇г̇о • 8. Sammappadhānavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 8. саммаббад̇хаанавибхан̇г̇о • 8. Sammappadhānavibhaṅgo
