| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
3. бан̃хаабужчагаван̣н̣анаа
3. Pañhāpucchakavaṇṇanā
482. бан̃хаабужчагз баал̣ианусаарзнзва б̣ож̇жхан̇г̇аанам̣ гусалаад̣̇ибхааво взд̣̇ид̇аб̣б̣о. аарамман̣ад̇д̇игзсу бана саб̣б̣збзд̇з аббамаан̣ам̣ ниб̣б̣аанам̣ аараб̣бха бавад̇д̇ид̇о аббамаан̣аарамман̣аа зва, на маг̇г̇аарамман̣аа. сахаж̇аад̇ахзд̇увасзна банзд̇т̇а гусалаа маг̇г̇ахзд̇угаа, вийрияам̣ ваа виймам̣сам̣ ваа ж̇здтагам̣ гад̇ваа маг̇г̇абхааванаагаалз маг̇г̇аад̇хибад̇ино, чанд̣̇ажид̇д̇аж̇здтигааяа маг̇г̇абхааванааяа на вад̇д̇аб̣б̣аа маг̇г̇аад̇хибад̇инод̇и, палагаалзби на вад̇д̇аб̣б̣аа зва.
482. Pañhāpucchake pāḷianusāreneva bojjhaṅgānaṃ kusalādibhāvo veditabbo. Ārammaṇattikesu pana sabbepete appamāṇaṃ nibbānaṃ ārabbha pavattito appamāṇārammaṇā eva, na maggārammaṇā. Sahajātahetuvasena panettha kusalā maggahetukā, vīriyaṃ vā vīmaṃsaṃ vā jeṭṭhakaṃ katvā maggabhāvanākāle maggādhipatino, chandacittajeṭṭhikāya maggabhāvanāya na vattabbā maggādhipatinoti, phalakālepi na vattabbā eva.
ад̇ийд̇аад̣̇ийсу згаарамман̣абхаавзнаби на вад̇д̇аб̣б̣аа, ниб̣б̣аанасса бана б̣ахид̣̇д̇хаад̇хаммад̇д̇аа б̣ахид̣̇д̇хаарамман̣аа наама хонд̇ийд̇и. звамзд̇асмим̣ бан̃хаабужчагзби ниб̣б̣ад̇д̇ид̇алогуд̇д̇араава б̣ож̇жхан̇г̇аа гат̇ид̇аа . саммаасамб̣уд̣̇д̇хзна хи суд̇д̇анд̇абхааж̇анийяассзва батаманаяасмим̣ логияаа, д̣̇уд̇ияад̇ад̇иязсу логияалогуд̇д̇арамиссагаа б̣ож̇жхан̇г̇аа гат̇ид̇аа. абхид̇хаммабхааж̇анийяасса бана жад̇уусуби наязсу имасмин̃жа бан̃хаабужчагз логуд̇д̇арааязваад̇и звамаяам̣ б̣ож̇жхан̇г̇авибхан̇г̇оби д̇збариваддам̣ нийхарид̇ваава бхааж̇зд̇ваа д̣̇ассид̇од̇и.
Atītādīsu ekārammaṇabhāvenapi na vattabbā, nibbānassa pana bahiddhādhammattā bahiddhārammaṇā nāma hontīti. Evametasmiṃ pañhāpucchakepi nibbattitalokuttarāva bojjhaṅgā kathitā . Sammāsambuddhena hi suttantabhājanīyasseva paṭhamanayasmiṃ lokiyā, dutiyatatiyesu lokiyalokuttaramissakā bojjhaṅgā kathitā. Abhidhammabhājanīyassa pana catūsupi nayesu imasmiñca pañhāpucchake lokuttarāyevāti evamayaṃ bojjhaṅgavibhaṅgopi teparivaṭṭaṃ nīharitvāva bhājetvā dassitoti.
саммохавинод̣̇анияаа вибхан̇г̇адтагат̇ааяа
Sammohavinodaniyā vibhaṅgaṭṭhakathāya
б̣ож̇жхан̇г̇авибхан̇г̇аван̣н̣анаа нидтид̇аа.
Bojjhaṅgavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 10. б̣ож̇жхан̇г̇авибхан̇г̇о • 10. Bojjhaṅgavibhaṅgo
