| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
3. бан̃хаабужчагаван̣н̣анаа
3. Pañhāpucchakavaṇṇanā
747. бан̃хаабужчагз баал̣ианусаарзнзва жад̇уннам̣ бадисамбхид̣̇аанам̣ гусалаад̣̇ибхааво взд̣̇ид̇аб̣б̣о. аарамман̣ад̇д̇игзсу бана нируд̇д̇ибадисамбхид̣̇аа сад̣̇д̣̇амзва аарамман̣ам̣ гарод̇ийд̇и барид̇д̇аарамман̣аа. ад̇т̇абадисамбхид̣̇аа гаамааважаравибаагагирияасан̇каад̇ан̃жзва бажжаяасамуббаннан̃жа ад̇т̇ам̣ бажжавзгканд̇асса барид̇д̇аарамман̣аа; вуд̇д̇аббабхзд̣̇амзва руубааважарааруубааважарам̣ ад̇т̇ам̣ бажжавзгканд̇асса махаг̇г̇ад̇аарамман̣аа; логуд̇д̇аравибаагад̇т̇ан̃жзва барамад̇т̇ан̃жа ниб̣б̣аанам̣ бажжавзгканд̇асса аббамаан̣аарамман̣аа. д̇хаммабадисамбхид̣̇аа гаамааважарам̣ гусалад̇хаммам̣ агусалад̇хаммам̣ бажжаяад̇хамман̃жа бажжавзгканд̇асса барид̇д̇аарамман̣аа; руубааважарааруубааважарам̣ гусалам̣ д̇хаммам̣ бажжаяад̇хамман̃жа бажжавзгканд̇асса махаг̇г̇ад̇аарамман̣аа ; логуд̇д̇арам̣ гусалам̣ д̇хаммам̣ бажжаяад̇хамман̃жа бажжавзгканд̇асса аббамаан̣аарамман̣аа. бадибхаанабадисамбхид̣̇аа гаамааважарагусалавибаагагирияан̃аан̣аани бажжавзгканд̇асса барид̇д̇аарамман̣аа; руубааважарааруубааважараани гусалавибаагагирияан̃аан̣аани бажжавзгканд̇асса д̇зсам̣ аарамман̣аани виж̇аананд̇асса махаг̇г̇ад̇аарамман̣аа; логуд̇д̇араани гусалавибааган̃аан̣аани бажжавзгканд̇асса аббамаан̣аарамман̣аа.
747. Pañhāpucchake pāḷianusāreneva catunnaṃ paṭisambhidānaṃ kusalādibhāvo veditabbo. Ārammaṇattikesu pana niruttipaṭisambhidā saddameva ārammaṇaṃ karotīti parittārammaṇā. Atthapaṭisambhidā kāmāvacaravipākakiriyasaṅkhātañceva paccayasamuppannañca atthaṃ paccavekkhantassa parittārammaṇā; vuttappabhedameva rūpāvacarārūpāvacaraṃ atthaṃ paccavekkhantassa mahaggatārammaṇā; lokuttaravipākatthañceva paramatthañca nibbānaṃ paccavekkhantassa appamāṇārammaṇā. Dhammapaṭisambhidā kāmāvacaraṃ kusaladhammaṃ akusaladhammaṃ paccayadhammañca paccavekkhantassa parittārammaṇā; rūpāvacarārūpāvacaraṃ kusalaṃ dhammaṃ paccayadhammañca paccavekkhantassa mahaggatārammaṇā ; lokuttaraṃ kusalaṃ dhammaṃ paccayadhammañca paccavekkhantassa appamāṇārammaṇā. Paṭibhānapaṭisambhidā kāmāvacarakusalavipākakiriyañāṇāni paccavekkhantassa parittārammaṇā; rūpāvacarārūpāvacarāni kusalavipākakiriyañāṇāni paccavekkhantassa tesaṃ ārammaṇāni vijānantassa mahaggatārammaṇā; lokuttarāni kusalavipākañāṇāni paccavekkhantassa appamāṇārammaṇā.
ад̇т̇абадисамбхид̣̇аа сахаж̇аад̇ахзд̇увасзна сияаа маг̇г̇ахзд̇угаа, вийрияаж̇здтигааяа маг̇г̇абхааванааяа сияаа маг̇г̇аад̇хибад̇и, чанд̣̇ажид̇д̇аж̇здтигааяа навад̇д̇аб̣б̣аа, палагаалзби навад̇д̇аб̣б̣аа зва. д̇хаммабадисамбхид̣̇аа маг̇г̇ам̣ бажжавзгкан̣агаалз маг̇г̇аарамман̣аа, маг̇г̇ам̣ г̇арум̣ гад̇ваа бажжавзгканд̇асса аарамман̣аад̇хибад̇ивасзна маг̇г̇аад̇хибад̇и. бадибхаанабадисамбхид̣̇аа маг̇г̇ан̃аан̣ам̣ бажжавзгкан̣агаалз маг̇г̇аарамман̣аа, маг̇г̇ам̣ г̇арум̣ гад̇ваа бажжавзгканд̇асса маг̇г̇аад̇хибад̇и, сзсан̃аан̣ам̣ бан̃жавзгкан̣агаалз навад̇д̇аб̣б̣аарамман̣аа . нируд̇д̇ибадисамбхид̣̇аа бажжуббаннамзва сад̣̇д̣̇ам̣ аарамман̣ам̣ гарод̇ийд̇и бажжуббаннаарамман̣аа.
Atthapaṭisambhidā sahajātahetuvasena siyā maggahetukā, vīriyajeṭṭhikāya maggabhāvanāya siyā maggādhipati, chandacittajeṭṭhikāya navattabbā, phalakālepi navattabbā eva. Dhammapaṭisambhidā maggaṃ paccavekkhaṇakāle maggārammaṇā, maggaṃ garuṃ katvā paccavekkhantassa ārammaṇādhipativasena maggādhipati. Paṭibhānapaṭisambhidā maggañāṇaṃ paccavekkhaṇakāle maggārammaṇā, maggaṃ garuṃ katvā paccavekkhantassa maggādhipati, sesañāṇaṃ pañcavekkhaṇakāle navattabbārammaṇā . Niruttipaṭisambhidā paccuppannameva saddaṃ ārammaṇaṃ karotīti paccuppannārammaṇā.
ад̇т̇абадисамбхид̣̇аа ад̇ийд̇ам̣ вибаагад̇т̇ам̣ гирияад̇т̇ам̣ бажжаяасамуббаннан̃жа бажжавзгканд̇асса ад̇ийд̇аарамман̣аа, анааг̇ад̇ам̣ бажжавзгканд̇асса анааг̇ад̇аарамман̣аа, бажжуббаннам̣ бажжавзгканд̇асса бажжуббаннаарамман̣аа, логуд̇д̇арам̣ барамад̇т̇ам̣ бажжавзгканд̇асса навад̇д̇аб̣б̣аарамман̣аа. д̇хаммабадисамбхид̣̇аа ад̇ийд̇ам̣ гусалам̣ агусалам̣ бажжаяад̇хамман̃жа бажжавзгканд̇асса ад̇ийд̇аарамман̣аа, анааг̇ад̇ам̣ бажжавзгканд̇асса анааг̇ад̇аарамман̣аа, бажжуббаннам̣ бажжавзгканд̇асса бажжуббаннаарамман̣аа. бадибхаанабадисамбхид̣̇аа ад̇ийд̇ам̣ гусалан̃аан̣ам̣ вибааган̃аан̣ам̣ гирияан̃аан̣ан̃жа бажжавзгканд̇асса ад̇ийд̇аарамман̣аа, анааг̇ад̇ам̣ бажжавзгканд̇асса анааг̇ад̇аарамман̣аа, бажжуббаннам̣ бажжавзгканд̇асса бажжуббаннаарамман̣аа.
Atthapaṭisambhidā atītaṃ vipākatthaṃ kiriyatthaṃ paccayasamuppannañca paccavekkhantassa atītārammaṇā, anāgataṃ paccavekkhantassa anāgatārammaṇā, paccuppannaṃ paccavekkhantassa paccuppannārammaṇā, lokuttaraṃ paramatthaṃ paccavekkhantassa navattabbārammaṇā. Dhammapaṭisambhidā atītaṃ kusalaṃ akusalaṃ paccayadhammañca paccavekkhantassa atītārammaṇā, anāgataṃ paccavekkhantassa anāgatārammaṇā, paccuppannaṃ paccavekkhantassa paccuppannārammaṇā. Paṭibhānapaṭisambhidā atītaṃ kusalañāṇaṃ vipākañāṇaṃ kiriyañāṇañca paccavekkhantassa atītārammaṇā, anāgataṃ paccavekkhantassa anāgatārammaṇā, paccuppannaṃ paccavekkhantassa paccuppannārammaṇā.
нируд̇д̇ибадисамбхид̣̇аа сад̣̇д̣̇аарамман̣ад̇д̇аа б̣ахид̣̇д̇хаарамман̣аа. ид̇араасу д̇ийсу ад̇т̇абадисамбхид̣̇аа аж̇жхад̇д̇ам̣ вибаагад̇т̇ам̣ гирияад̇т̇ам̣ бажжаяасамуббаннан̃жа бажжавзгканд̇асса аж̇жхад̇д̇аарамман̣аа, б̣ахид̣̇д̇хаа бажжавзгканд̇асса б̣ахид̣̇д̇хаарамман̣аа, аж̇жхад̇д̇аб̣ахид̣̇д̇хаа бажжавзгканд̇асса аж̇жхад̇д̇аб̣ахид̣̇д̇хаарамман̣аа , барамад̇т̇ам̣ бажжавзгканд̇асса б̣ахид̣̇д̇хаарамман̣аа зва. д̇хаммабадисамбхид̣̇аа аж̇жхад̇д̇ам̣ гусалаагусалам̣ бажжаяад̇хаммам̣ бажжавзгкан̣агаалз аж̇жхад̇д̇аарамман̣аа, б̣ахид̣̇д̇хаа гусалаагусалам̣ бажжаяад̇хаммам̣ бажжавзгкан̣агаалз б̣ахид̣̇д̇хаарамман̣аа, аж̇жхад̇д̇аб̣ахид̣̇д̇хаа гусалаагусалам̣ бажжаяад̇хаммам̣ бажжавзгкан̣агаалз аж̇жхад̇д̇аб̣ахид̣̇д̇хаарамман̣аа. бадибхаанабадисамбхид̣̇аа аж̇жхад̇д̇ам̣ гусалавибаагагирияан̃аан̣ам̣ бажжавзгкан̣агаалз аж̇жхад̇д̇аарамман̣аа, б̣ахид̣̇д̇хаа…бз… аж̇жхад̇д̇аб̣ахид̣̇д̇хаа гусалавибаагагирияан̃аан̣ам̣ бажжавзгкан̣агаалз аж̇жхад̇д̇аб̣ахид̣̇д̇хаарамман̣аад̇и.
Niruttipaṭisambhidā saddārammaṇattā bahiddhārammaṇā. Itarāsu tīsu atthapaṭisambhidā ajjhattaṃ vipākatthaṃ kiriyatthaṃ paccayasamuppannañca paccavekkhantassa ajjhattārammaṇā, bahiddhā paccavekkhantassa bahiddhārammaṇā, ajjhattabahiddhā paccavekkhantassa ajjhattabahiddhārammaṇā , paramatthaṃ paccavekkhantassa bahiddhārammaṇā eva. Dhammapaṭisambhidā ajjhattaṃ kusalākusalaṃ paccayadhammaṃ paccavekkhaṇakāle ajjhattārammaṇā, bahiddhā kusalākusalaṃ paccayadhammaṃ paccavekkhaṇakāle bahiddhārammaṇā, ajjhattabahiddhā kusalākusalaṃ paccayadhammaṃ paccavekkhaṇakāle ajjhattabahiddhārammaṇā. Paṭibhānapaṭisambhidā ajjhattaṃ kusalavipākakiriyañāṇaṃ paccavekkhaṇakāle ajjhattārammaṇā, bahiddhā…pe… ajjhattabahiddhā kusalavipākakiriyañāṇaṃ paccavekkhaṇakāle ajjhattabahiddhārammaṇāti.
ид̇хааби д̇иссо бадисамбхид̣̇аа логияаа; ад̇т̇абадисамбхид̣̇аа логияалогуд̇д̇араа. имасмин̃хи бадисамбхид̣̇аавибхан̇г̇з саммаасамб̣уд̣̇д̇хзна д̇аяоби наяаа логияалогуд̇д̇арамиссагад̇д̇аа згабарижчзд̣̇аава гат̇ид̇аа. д̇ийсуби хи зд̇аасу д̇иссо бадисамбхид̣̇аа логияаа, ад̇т̇абадисамбхид̣̇аа логияалогуд̇д̇араад̇и. звамаяам̣ бадисамбхид̣̇аавибхан̇г̇оби д̇збариваддам̣ нийхарид̇ваава бхааж̇зд̇ваа д̣̇ассид̇од̇и.
Idhāpi tisso paṭisambhidā lokiyā; atthapaṭisambhidā lokiyalokuttarā. Imasmiñhi paṭisambhidāvibhaṅge sammāsambuddhena tayopi nayā lokiyalokuttaramissakattā ekaparicchedāva kathitā. Tīsupi hi etāsu tisso paṭisambhidā lokiyā, atthapaṭisambhidā lokiyalokuttarāti. Evamayaṃ paṭisambhidāvibhaṅgopi teparivaṭṭaṃ nīharitvāva bhājetvā dassitoti.
саммохавинод̣̇анияаа вибхан̇г̇адтагат̇ааяа
Sammohavinodaniyā vibhaṅgaṭṭhakathāya
бадисамбхид̣̇аавибхан̇г̇аван̣н̣анаа нидтид̇аа.
Paṭisambhidāvibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 15. бадисамбхид̣̇аавибхан̇г̇о • 15. Paṭisambhidāvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 15. бадисамбхид̣̇аавибхан̇г̇о • 15. Paṭisambhidāvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 15. бадисамбхид̣̇аавибхан̇г̇о • 15. Paṭisambhidāvibhaṅgo
