| Library / Tipiṭaka / తిపిటక • Tipiṭaka / సమ్మోహవినోదనీ-అట్ఠకథా • Sammohavinodanī-aṭṭhakathā |
౩. పఞ్హాపుచ్ఛకవణ్ణనా
3. Pañhāpucchakavaṇṇanā
౧౮౫. పఞ్హాపుచ్ఛకే అట్ఠారసన్నం ధాతూనం హేట్ఠా వుత్తనయానుసారేనేవ కుసలాదిభావో వేదితబ్బో. ఆరమ్మణత్తికేసు పన ఛ ధాతుయో పరిత్తారమ్మణాతి ఇదం పన పఞ్చన్నం చక్ఖువిఞ్ఞాణాదీనం మనోధాతుయా చ ఏకన్తేన పఞ్చసు రూపారమ్మణాదీసు పవత్తిం సన్ధాయ వుత్తం. ద్వే ధాతుయోతి వుత్తానం పన ధమ్మధాతుమనోవిఞ్ఞాణధాతూనం మనాయతనధమ్మాయతనేసు వుత్తనయేనేవ పరిత్తారమ్మణాదితా వేదితబ్బా. ఇతి ఇమస్మిమ్పి పఞ్హాపుచ్ఛకే సోళస ధాతుయో కామావచరా, ద్వే చతుభూమికా లోకియలోకుత్తరమిస్సకా కథితా. ఏవమయం ధాతువిభఙ్గోపి తేపరివట్టం నీహరిత్వావ భాజేత్వా దేసితోతి.
185. Pañhāpucchake aṭṭhārasannaṃ dhātūnaṃ heṭṭhā vuttanayānusāreneva kusalādibhāvo veditabbo. Ārammaṇattikesu pana cha dhātuyo parittārammaṇāti idaṃ pana pañcannaṃ cakkhuviññāṇādīnaṃ manodhātuyā ca ekantena pañcasu rūpārammaṇādīsu pavattiṃ sandhāya vuttaṃ. Dve dhātuyoti vuttānaṃ pana dhammadhātumanoviññāṇadhātūnaṃ manāyatanadhammāyatanesu vuttanayeneva parittārammaṇāditā veditabbā. Iti imasmimpi pañhāpucchake soḷasa dhātuyo kāmāvacarā, dve catubhūmikā lokiyalokuttaramissakā kathitā. Evamayaṃ dhātuvibhaṅgopi teparivaṭṭaṃ nīharitvāva bhājetvā desitoti.
సమ్మోహవినోదనియా విభఙ్గట్ఠకథాయ
Sammohavinodaniyā vibhaṅgaṭṭhakathāya
ధాతువిభఙ్గవణ్ణనా నిట్ఠితా.
Dhātuvibhaṅgavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / విభఙ్గపాళి • Vibhaṅgapāḷi / ౩. ధాతువిభఙ్గో • 3. Dhātuvibhaṅgo
