| Library / Tipiṭaka / తిపిటక • Tipiṭaka / సమ్మోహవినోదనీ-అట్ఠకథా • Sammohavinodanī-aṭṭhakathā |
౩. పఞ్హాపుచ్ఛకవణ్ణనా
3. Pañhāpucchakavaṇṇanā
పఞ్హాపుచ్ఛకే పాళిఅనుసారేనేవ మేత్తాదీనం కుసలాదిభావో వేదితబ్బో. ఆరమ్మణత్తికేసు పన సబ్బాపి తీసు తికేసు నవతబ్బారమ్మణా ఏవ. అజ్ఝత్తారమ్మణత్తికే బహిద్ధారమ్మణాతి. ఇమస్మిం పన అప్పమఞ్ఞావిభఙ్గే సమ్మాసమ్బుద్ధేన సుత్తన్తభాజనీయేపి లోకియా ఏవ అప్పమఞ్ఞాయో కథితా, అభిధమ్మభాజనీయేపి పఞ్హాపుచ్ఛకేపి. తయోపి హి ఏతే నయా లోకియత్తా ఏకపరిచ్ఛేదా ఏవ. ఏవమయం అప్పమఞ్ఞావిభఙ్గోపి తేపరివట్టం నీహరిత్వావ భాజేత్వా దస్సితోతి.
Pañhāpucchake pāḷianusāreneva mettādīnaṃ kusalādibhāvo veditabbo. Ārammaṇattikesu pana sabbāpi tīsu tikesu navatabbārammaṇā eva. Ajjhattārammaṇattike bahiddhārammaṇāti. Imasmiṃ pana appamaññāvibhaṅge sammāsambuddhena suttantabhājanīyepi lokiyā eva appamaññāyo kathitā, abhidhammabhājanīyepi pañhāpucchakepi. Tayopi hi ete nayā lokiyattā ekaparicchedā eva. Evamayaṃ appamaññāvibhaṅgopi teparivaṭṭaṃ nīharitvāva bhājetvā dassitoti.
సమ్మోహవినోదనియా విభఙ్గట్ఠకథాయ
Sammohavinodaniyā vibhaṅgaṭṭhakathāya
అప్పమఞ్ఞావిభఙ్గవణ్ణనా నిట్ఠితా.
Appamaññāvibhaṅgavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / విభఙ్గపాళి • Vibhaṅgapāḷi / ౧౩. అప్పమఞ్ఞావిభఙ్గో • 13. Appamaññāvibhaṅgo
