| Library / Tipiṭaka / တိပိဋက • Tipiṭaka / သမ္မောဟဝိနောဒနီ-အဋ္ဌကထာ • Sammohavinodanī-aṭṭhakathā |
၃. ပဉ္ဟာပုစ္ဆကဝဏ္ဏနာ
3. Pañhāpucchakavaṇṇanā
၁၈၅. ပဉ္ဟာပုစ္ဆကေ အဋ္ဌာရသန္နံ ဓာတူနံ ဟေဋ္ဌာ ဝုတ္တနယာနုသာရေနေဝ ကုသလာဒိဘာဝော ဝေဒိတဗ္ဗော။ အာရမ္မဏတ္တိကေသု ပန ဆ ဓာတုယော ပရိတ္တာရမ္မဏာတိ ဣဒံ ပန ပဉ္စန္နံ စက္ခုဝိညာဏာဒီနံ မနောဓာတုယာ စ ဧကန္တေန ပဉ္စသု ရူပာရမ္မဏာဒီသု ပဝတ္တိံ သန္ဓာယ ဝုတ္တံ။ ဒ္ဝေ ဓာတုယောတိ ဝုတ္တာနံ ပန ဓမ္မဓာတုမနောဝိညာဏဓာတူနံ မနာယတနဓမ္မာယတနေသု ဝုတ္တနယေနေဝ ပရိတ္တာရမ္မဏာဒိတာ ဝေဒိတဗ္ဗာ။ ဣတိ ဣမသ္မိမ္ပိ ပဉ္ဟာပုစ္ဆကေ သောဠသ ဓာတုယော ကာမာဝစရာ, ဒ္ဝေ စတုဘူမိကာ လောကိယလောကုတ္တရမိသ္သကာ ကထိတာ။ ဧဝမယံ ဓာတုဝိဘင္ဂောပိ တေပရိဝဋ္ဋံ နီဟရိတ္ဝာဝ ဘာဇေတ္ဝာ ဒေသိတောတိ။
185. Pañhāpucchake aṭṭhārasannaṃ dhātūnaṃ heṭṭhā vuttanayānusāreneva kusalādibhāvo veditabbo. Ārammaṇattikesu pana cha dhātuyo parittārammaṇāti idaṃ pana pañcannaṃ cakkhuviññāṇādīnaṃ manodhātuyā ca ekantena pañcasu rūpārammaṇādīsu pavattiṃ sandhāya vuttaṃ. Dve dhātuyoti vuttānaṃ pana dhammadhātumanoviññāṇadhātūnaṃ manāyatanadhammāyatanesu vuttanayeneva parittārammaṇāditā veditabbā. Iti imasmimpi pañhāpucchake soḷasa dhātuyo kāmāvacarā, dve catubhūmikā lokiyalokuttaramissakā kathitā. Evamayaṃ dhātuvibhaṅgopi teparivaṭṭaṃ nīharitvāva bhājetvā desitoti.
သမ္မောဟဝိနောဒနိယာ ဝိဘင္ဂဋ္ဌကထာယ
Sammohavinodaniyā vibhaṅgaṭṭhakathāya
ဓာတုဝိဘင္ဂဝဏ္ဏနာ နိဋ္ဌိတာ။
Dhātuvibhaṅgavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဝိဘင္ဂပာဠိ • Vibhaṅgapāḷi / ၃. ဓာတုဝိဘင္ဂော • 3. Dhātuvibhaṅgo
