| Library / Tipiṭaka / තිපිටක • Tipiṭaka / සම්‌මොහවිනොදනී-අට්‌ඨකථා • Sammohavinodanī-aṭṭhakathā |
3. පඤ්‌හාපුච්‌ඡකවණ්‌ණනා
3. Pañhāpucchakavaṇṇanā
427. පඤ්‌හාපුච්‌ඡකෙ පාළිඅනුසාරෙනෙව සම්‌මප්‌පධානානං කුසලාදිභාවො වෙදිතබ්‌බො. ආරම්‌මණත්‌තිකෙසු පන සබ්‌බානිපි එතානි අප්‌පමාණං නිබ්‌බානං ආරබ්‌භ පවත්‌තිතො අප්‌පමාණාරම්‌මණානෙව, න මග්‌ගාරම්‌මණානි; සහජාතහෙතුවසෙන පන මග්‌ගහෙතුකානි; වීමංසං ජෙට්‌ඨකං කත්‌වා මග්‌ගභාවනාකාලෙ මග්‌ගාධිපතීනි; ඡන්‌දචිත්‌තජෙට්‌ඨිකාය මග්‌ගභාවනාය න වත්‌තබ්‌බානි මග්‌ගාධිපතීනීති; වීරියජෙට්‌ඨිකාය පන අඤ්‌ඤස්‌ස වීරියස්‌ස අභාවා න වත්‌තබ්‌බානි මග්‌ගාධිපතීනීති වා න මග්‌ගාධිපතීනීති වා; අතීතාදීසු එකාරම්‌මණභාවෙනපි න වත්‌තබ්‌බානි; නිබ්‌බානස්‌ස පන බහිද්‌ධාධම්‌මත්‌තා බහිද්‌ධාරම්‌මණානි නාම හොන්‌තීති. එවමෙතස්‌මිං පඤ්‌හාපුච්‌ඡකෙ නිබ්‌බත්‌තිතලොකුත්‌තරානෙව සම්‌මප්‌පධානානි කථිතානි. සම්‌මාසම්‌බුද්‌ධෙන හි සුත්‌තන්‌තභාජනීයස්‌මිංයෙව ලොකියලොකුත්‌තරමිස්‌සකා සම්‌මප්‌පධානා කථිතා; අභිධම්‌මභාජනීයපඤ්‌හාපුච්‌ඡකෙසු පන ලොකුත්‌තරායෙවාති. එවමයං සම්‌මප්‌පධානවිභඞ්‌ගොපි තෙපරිවට්‌ටං නීහරිත්‌වාව භාජෙත්‌වා දස්‌සිතොති.
427. Pañhāpucchake pāḷianusāreneva sammappadhānānaṃ kusalādibhāvo veditabbo. Ārammaṇattikesu pana sabbānipi etāni appamāṇaṃ nibbānaṃ ārabbha pavattito appamāṇārammaṇāneva, na maggārammaṇāni; sahajātahetuvasena pana maggahetukāni; vīmaṃsaṃ jeṭṭhakaṃ katvā maggabhāvanākāle maggādhipatīni; chandacittajeṭṭhikāya maggabhāvanāya na vattabbāni maggādhipatīnīti; vīriyajeṭṭhikāya pana aññassa vīriyassa abhāvā na vattabbāni maggādhipatīnīti vā na maggādhipatīnīti vā; atītādīsu ekārammaṇabhāvenapi na vattabbāni; nibbānassa pana bahiddhādhammattā bahiddhārammaṇāni nāma hontīti. Evametasmiṃ pañhāpucchake nibbattitalokuttarāneva sammappadhānāni kathitāni. Sammāsambuddhena hi suttantabhājanīyasmiṃyeva lokiyalokuttaramissakā sammappadhānā kathitā; abhidhammabhājanīyapañhāpucchakesu pana lokuttarāyevāti. Evamayaṃ sammappadhānavibhaṅgopi teparivaṭṭaṃ nīharitvāva bhājetvā dassitoti.
සම්‌මොහවිනොදනියා විභඞ්‌ගට්‌ඨකථාය
Sammohavinodaniyā vibhaṅgaṭṭhakathāya
සම්‌මප්‌පධානවිභඞ්‌ගවණ්‌ණනා නිට්‌ඨිතා.
Sammappadhānavibhaṅgavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / විභඞ්‌ගපාළි • Vibhaṅgapāḷi / 8. සම්‌මප්‌පධානවිභඞ්‌ගො • 8. Sammappadhānavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-මූලටීකා • Vibhaṅga-mūlaṭīkā / 8. සම්‌මප්‌පධානවිභඞ්‌ගො • 8. Sammappadhānavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-අනුටීකා • Vibhaṅga-anuṭīkā / 8. සම්‌මප්‌පධානවිභඞ්‌ගො • 8. Sammappadhānavibhaṅgo
