| Library / Tipiṭaka / ཏིཔིཊཀ • Tipiṭaka / སམྨོཧཝིནོདནཱི-ཨཊྛཀཐཱ • Sammohavinodanī-aṭṭhakathā |
༣. པཉྷཱཔུཙྪཀཝཎྞནཱ
3. Pañhāpucchakavaṇṇanā
༧༡༤. པཉྷཱཔུཙྪཀེ པཱལི༹ཨནུསཱརེནེཝ སིཀྑཱཔདཱནཾ ཀུསལཱདིབྷཱཝོ ཝེདིཏབྦོ། ཨཱརམྨཎཏྟིཀེསུ པན ཡཱནི སིཀྑཱཔདཱནི ཨེཏྠ སཏྟཱརམྨཎཱནཱིཏི ཝུཏྟཱནི, ཏཱནི ཡསྨཱ སཏྟོཏི སངྑཾ གཏེ སངྑཱརེཡེཝ ཨཱརམྨཎཾ ཀརོནྟི, ཡསྨཱ ཙ སབྦཱནིཔི ཨེཏཱནི སམྤཏྟཝིརཏིཝསེནེཝ ནིདྡིཊྛཱནི, ཏསྨཱ ‘‘པརིཏྟཱརམྨཎཱ’’ཏི ཙ ‘‘པཙྩུཔྤནྣཱརམྨཎཱ’’ཏི ཙ ཝུཏྟཾ། ཡཏོ པན ཝིརམཏི ཏསྶ ཝཏྠུནོ ཨཙྩནྟབཧིདྡྷཏྟཱ སབྦེསམྤི བཧིདྡྷཱརམྨཎཏཱ ཝེདིཏབྦཱཏི།
714. Pañhāpucchake pāḷianusāreneva sikkhāpadānaṃ kusalādibhāvo veditabbo. Ārammaṇattikesu pana yāni sikkhāpadāni ettha sattārammaṇānīti vuttāni, tāni yasmā sattoti saṅkhaṃ gate saṅkhāreyeva ārammaṇaṃ karonti, yasmā ca sabbānipi etāni sampattavirativaseneva niddiṭṭhāni, tasmā ‘‘parittārammaṇā’’ti ca ‘‘paccuppannārammaṇā’’ti ca vuttaṃ. Yato pana viramati tassa vatthuno accantabahiddhattā sabbesampi bahiddhārammaṇatā veditabbāti.
ཨིམསྨིཾ པན སིཀྑཱཔདཝིབྷངྒེ སམྨཱསམྦུདྡྷེན ཨབྷིདྷམྨབྷཱཛནཱིཡེཔི པཉྷཱཔུཙྪཀེཔི ལོཀིཡཱནེཝ སིཀྑཱཔདཱནི ཀཐིཏཱནི། ཨུབྷོཔི ཧི ཨེཏེ ནཡཱ ལོཀིཡཏྟཱ ཨེཀཔརིཙྪེདཱ ཨེཝ། ཨེཝམཡཾ སིཀྑཱཔདཝིབྷངྒོ དྭེཔརིཝཊྚཾ ནཱིཧརིཏྭཱཝ བྷཱཛེཏྭཱ དསྶིཏོཏི།
Imasmiṃ pana sikkhāpadavibhaṅge sammāsambuddhena abhidhammabhājanīyepi pañhāpucchakepi lokiyāneva sikkhāpadāni kathitāni. Ubhopi hi ete nayā lokiyattā ekaparicchedā eva. Evamayaṃ sikkhāpadavibhaṅgo dveparivaṭṭaṃ nīharitvāva bhājetvā dassitoti.
སམྨོཧཝིནོདནིཡཱ ཝིབྷངྒཊྛཀཐཱཡ
Sammohavinodaniyā vibhaṅgaṭṭhakathāya
སིཀྑཱཔདཝིབྷངྒཝཎྞནཱ ནིཊྛིཏཱ།
Sikkhāpadavibhaṅgavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཝིབྷངྒཔཱལི༹ • Vibhaṅgapāḷi / ༡༤. སིཀྑཱཔདཝིབྷངྒོ • 14. Sikkhāpadavibhaṅgo
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / ཝིབྷངྒ-མཱུལཊཱིཀཱ • Vibhaṅga-mūlaṭīkā / ༡༤. སིཀྑཱཔདཝིབྷངྒོ • 14. Sikkhāpadavibhaṅgo
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / ཝིབྷངྒ-ཨནུཊཱིཀཱ • Vibhaṅga-anuṭīkā / ༡༤. སིཀྑཱཔདཝིབྷངྒོ • 14. Sikkhāpadavibhaṅgo
