| Library / Tipiṭaka / ਤਿਪਿਟਕ • Tipiṭaka / ਸਮ੍ਮੋਹવਿਨੋਦਨੀ-ਅਟ੍ਠਕਥਾ • Sammohavinodanī-aṭṭhakathā |
੩. ਪਞ੍ਹਾਪੁਚ੍ਛਕવਣ੍ਣਨਾ
3. Pañhāpucchakavaṇṇanā
੧੫੦. ਇਦਾਨਿ ਪਞ੍ਹਾਪੁਚ੍ਛਕਂ ਹੋਤਿ। ਤਤ੍ਥ ਪਞ੍ਹਾਪੁਚ੍ਛਨੇ ਪਞ੍ਚਨ੍ਨਂ ਖਨ੍ਧਾਨਂ ‘‘ਕਤਿਕੁਸਲਾ? ਕਤਿਅਕੁਸਲਾ? ਕਤਿਅਬ੍ਯਾਕਤਾ’’ਤਿਆਦਿਨਾ ਨਯੇਨ ਯਂ ਲਬ੍ਭਤਿ, ਯਞ੍ਚ ਨ ਲਬ੍ਭਤਿ, ਤਂ ਸਬ੍ਬਂ ਪੁਚ੍ਛਿਤ੍વਾ વਿਸ੍ਸਜ੍ਜਨੇ ‘‘ਰੂਪਕ੍ਖਨ੍ਧੋ ਅਬ੍ਯਾਕਤੋ’’ਤਿਆਦਿਨਾ ਨਯੇਨ ਯਂ ਲਬ੍ਭਤਿ ਤਦੇવ ਉਦ੍ਧਟਨ੍ਤਿ વੇਦਿਤਬ੍ਬਂ। ਯਤ੍ਥ ਯਤ੍ਥ ਚ ‘ਏਕੋ ਖਨ੍ਧੋ’ਤਿ વਾ ‘ਦ੍વੇ ਖਨ੍ਧਾ’ਤਿ વਾ ਪਰਿਚ੍ਛੇਦਂ ਅਕਤ੍વਾ ‘‘ਸਿਯਾ ਉਪ੍ਪਨ੍ਨਾ, ਸਿਯਾ ਅਨੁਪ੍ਪਨ੍ਨਾ’’ਤਿਆਦਿਨਾ ਨਯੇਨ ਤਨ੍ਤਿ ਠਪਿਤਾ, ਤਤ੍ਥ ਤਤ੍ਥ ਪਞ੍ਚਨ੍ਨਮ੍ਪਿ ਖਨ੍ਧਾਨਂ ਗਹਣਂ વੇਦਿਤਬ੍ਬਂ। ਸੇਸੋ ਤੇਸਂ ਤੇਸਂ ਖਨ੍ਧਾਨਂ ਕੁਸਲਾਦਿવਿਭਾਗੋ ਹੇਟ੍ਠਾ ਧਮ੍ਮਸਙ੍ਗਹਟ੍ਠਕਥਾਯਂ (ਧ॰ ਸ॰ ਅਟ੍ਠ॰ ੯੮੫) વੁਤ੍ਤੋਯੇવ।
150. Idāni pañhāpucchakaṃ hoti. Tattha pañhāpucchane pañcannaṃ khandhānaṃ ‘‘katikusalā? Katiakusalā? Katiabyākatā’’tiādinā nayena yaṃ labbhati, yañca na labbhati, taṃ sabbaṃ pucchitvā vissajjane ‘‘rūpakkhandho abyākato’’tiādinā nayena yaṃ labbhati tadeva uddhaṭanti veditabbaṃ. Yattha yattha ca ‘eko khandho’ti vā ‘dve khandhā’ti vā paricchedaṃ akatvā ‘‘siyā uppannā, siyā anuppannā’’tiādinā nayena tanti ṭhapitā, tattha tattha pañcannampi khandhānaṃ gahaṇaṃ veditabbaṃ. Seso tesaṃ tesaṃ khandhānaṃ kusalādivibhāgo heṭṭhā dhammasaṅgahaṭṭhakathāyaṃ (dha. sa. aṭṭha. 985) vuttoyeva.
ਆਰਮ੍ਮਣਤ੍ਤਿਕੇਸੁ ਪਨ ਚਤ੍ਤਾਰੋ ਖਨ੍ਧਾ ਪਞ੍ਚਪਣ੍ਣਾਸ ਕਾਮਾવਚਰਧਮ੍ਮੇ ਆਰਬ੍ਭ ਰਜ੍ਜਨ੍ਤਸ੍ਸ ਦੁਸ੍ਸਨ੍ਤਸ੍ਸ ਮੁਯ੍ਹਨ੍ਤਸ੍ਸ ਸਂવਰਨ੍ਤਸ੍ਸ ਸਮ੍ਮਸਨ੍ਤਸ੍ਸ ਪਚ੍ਚવੇਕ੍ਖਨ੍ਤਸ੍ਸ ਚ ਪਰਿਤ੍ਤਾਰਮ੍ਮਣਾ ਹੋਨ੍ਤਿ, ਸਤ੍ਤવੀਸਤਿ ਰੂਪਾਰੂਪਾવਚਰਧਮ੍ਮੇ ਆਰਬ੍ਭ ਰਜ੍ਜਨ੍ਤਸ੍ਸ ਦੁਸ੍ਸਨ੍ਤਸ੍ਸ ਮੁਯ੍ਹਨ੍ਤਸ੍ਸ ਸਂવਰਨ੍ਤਸ੍ਸ ਪਰਿਗ੍ਗਹਂ ਪਟ੍ਠਪੇਨ੍ਤਸ੍ਸ ਮਹਗ੍ਗਤਾਰਮ੍ਮਣਾ, ਮਗ੍ਗਫਲਨਿਬ੍ਬਾਨਾਨਿ ਪਚ੍ਚવੇਕ੍ਖਨ੍ਤਸ੍ਸ ਅਪ੍ਪਮਾਣਾਰਮ੍ਮਣਾ, ਪਞ੍ਞਤ੍ਤਿਂ ਪਚ੍ਚવੇਕ੍ਖਣਕਾਲੇ ਨવਤ੍ਤਬ੍ਬਾਰਮ੍ਮਣਾਤਿ।
Ārammaṇattikesu pana cattāro khandhā pañcapaṇṇāsa kāmāvacaradhamme ārabbha rajjantassa dussantassa muyhantassa saṃvarantassa sammasantassa paccavekkhantassa ca parittārammaṇā honti, sattavīsati rūpārūpāvacaradhamme ārabbha rajjantassa dussantassa muyhantassa saṃvarantassa pariggahaṃ paṭṭhapentassa mahaggatārammaṇā, maggaphalanibbānāni paccavekkhantassa appamāṇārammaṇā, paññattiṃ paccavekkhaṇakāle navattabbārammaṇāti.
ਤੇਯੇવ ਸੇਕ੍ਖਾਸੇਕ੍ਖਾਨਂ ਮਗ੍ਗਪਚ੍ਚવੇਕ੍ਖਣਕਾਲੇ ਮਗ੍ਗਾਰਮ੍ਮਣਾ ਹੋਨ੍ਤਿ, ਮਗ੍ਗਕਾਲੇ ਸਹਜਾਤਹੇਤੁਨਾ ਮਗ੍ਗਹੇਤੁਕਾ, ਮਗ੍ਗਂ ਗਰੁਂ ਕਤ੍વਾ ਪਚ੍ਚવੇਕ੍ਖਣਕਾਲੇ ਆਰਮ੍ਮਣਾਧਿਪਤਿਨਾ ਮਗ੍ਗਾਧਿਪਤਿਨੋ , વੀਰਿਯਜੇਟ੍ਠਕਂ વਾ વੀਮਂਸਜੇਟ੍ਠਕਂ વਾ ਮਗ੍ਗਂ ਭਾવੇਨ੍ਤਸ੍ਸ ਸਹਜਾਤਾਧਿਪਤਿਨਾ ਮਗ੍ਗਾਧਿਪਤਿਨੋ, ਛਨ੍ਦਜੇਟ੍ਠਕਂ ਪਨ ਚਿਤ੍ਤਜੇਟ੍ਠਕਂ વਾ ਭਾવੇਨ੍ਤਸ੍ਸ ਨવਤ੍ਤਬ੍ਬਾਰਮ੍ਮਣਾ ਨਾਮ ਹੋਨ੍ਤਿ।
Teyeva sekkhāsekkhānaṃ maggapaccavekkhaṇakāle maggārammaṇā honti, maggakāle sahajātahetunā maggahetukā, maggaṃ garuṃ katvā paccavekkhaṇakāle ārammaṇādhipatinā maggādhipatino , vīriyajeṭṭhakaṃ vā vīmaṃsajeṭṭhakaṃ vā maggaṃ bhāventassa sahajātādhipatinā maggādhipatino, chandajeṭṭhakaṃ pana cittajeṭṭhakaṃ vā bhāventassa navattabbārammaṇā nāma honti.
ਅਤੀਤਾਨਿ ਪਨ ਖਨ੍ਧਧਾਤੁਆਯਤਨਾਨਿ ਆਰਬ੍ਭ ਰਜ੍ਜਨ੍ਤਸ੍ਸ ਦੁਸ੍ਸਨ੍ਤਸ੍ਸ ਮੁਯ੍ਹਨ੍ਤਸ੍ਸ ਸਂવਰਨ੍ਤਸ੍ਸ ਪਰਿਗ੍ਗਹਂ ਪਟ੍ਠਪੇਨ੍ਤਸ੍ਸ ਅਤੀਤਾਰਮ੍ਮਣਾ ਹੋਨ੍ਤਿ, ਅਨਾਗਤਾਨਿ ਆਰਬ੍ਭ ਅਨਾਗਤਾਰਮ੍ਮਣਾ ਹੋਨ੍ਤਿ, ਪਚ੍ਚੁਪ੍ਪਨ੍ਨਾਨਿ ਆਰਬ੍ਭ ਪਚ੍ਚੁਪ੍ਪਨ੍ਨਾਰਮ੍ਮਣਾ ਹੋਨ੍ਤਿ, ਪਞ੍ਞਤ੍ਤਿਂ વਾ ਨਿਬ੍ਬਾਨਂ વਾ ਪਚ੍ਚવੇਕ੍ਖਨ੍ਤਸ੍ਸ ਨવਤ੍ਤਬ੍ਬਾਰਮ੍ਮਣਾ ਹੋਨ੍ਤਿ।
Atītāni pana khandhadhātuāyatanāni ārabbha rajjantassa dussantassa muyhantassa saṃvarantassa pariggahaṃ paṭṭhapentassa atītārammaṇā honti, anāgatāni ārabbha anāgatārammaṇā honti, paccuppannāni ārabbha paccuppannārammaṇā honti, paññattiṃ vā nibbānaṃ vā paccavekkhantassa navattabbārammaṇā honti.
ਤਥਾ ਅਤ੍ਤਨੋ ਖਨ੍ਧਧਾਤੁਆਯਤਨਾਨਿ ਆਰਬ੍ਭ ਰਜ੍ਜਨ੍ਤਸ੍ਸ ਦੁਸ੍ਸਨ੍ਤਸ੍ਸ ਮੁਯ੍ਹਨ੍ਤਸ੍ਸ ਸਂવਰਨ੍ਤਸ੍ਸ ਪਰਿਗ੍ਗਹਂ ਪਟ੍ਠਪੇਨ੍ਤਸ੍ਸ ਅਜ੍ਝਤ੍ਤਾਰਮ੍ਮਣਾ ਹੋਨ੍ਤਿ, ਪਰੇਸਂ ਖਨ੍ਧਧਾਤੁਆਯਤਨਾਨਿ ਆਰਬ੍ਭ ਏવਂ ਪવਤ੍ਤੇਨ੍ਤਸ੍ਸ ਬਹਿਦ੍ਧਾਰਮ੍ਮਣਾ, ਪਣ੍ਣਤ੍ਤਿਨਿਬ੍ਬਾਨਪਚ੍ਚવੇਕ੍ਖਣਕਾਲੇਪਿ ਬਹਿਦ੍ਧਾਰਮ੍ਮਣਾਯੇવ, ਕਾਲੇਨ ਅਜ੍ਝਤ੍ਤਂ ਕਾਲੇਨ ਬਹਿਦ੍ਧਾ ਧਮ੍ਮੇਸੁ ਏવਂ ਪવਤ੍ਤੇਨ੍ਤਸ੍ਸ ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ, ਆਕਿਞ੍ਚਞ੍ਞਾਯਤਨਕਾਲੇ ਨવਤ੍ਤਬ੍ਬਾਰਮ੍ਮਣਾਤਿ વੇਦਿਤਬ੍ਬਾ।
Tathā attano khandhadhātuāyatanāni ārabbha rajjantassa dussantassa muyhantassa saṃvarantassa pariggahaṃ paṭṭhapentassa ajjhattārammaṇā honti, paresaṃ khandhadhātuāyatanāni ārabbha evaṃ pavattentassa bahiddhārammaṇā, paṇṇattinibbānapaccavekkhaṇakālepi bahiddhārammaṇāyeva, kālena ajjhattaṃ kālena bahiddhā dhammesu evaṃ pavattentassa ajjhattabahiddhārammaṇā, ākiñcaññāyatanakāle navattabbārammaṇāti veditabbā.
ਇਤਿ ਭਗવਾ ਇਮਂ ਖਨ੍ਧવਿਭਙ੍ਗਂ ਸੁਤ੍ਤਨ੍ਤਭਾਜਨੀਯਾਦਿવਸੇਨ ਤਯੋ ਪਰਿવਟ੍ਟੇ ਨੀਹਰਿਤ੍વਾ ਭਾਜੇਨ੍ਤੋ ਦਸ੍ਸੇਸਿ। ਤੀਸੁਪਿ ਹਿ ਪਰਿવਟ੍ਟੇਸੁ ਏਕੋવ ਪਰਿਚ੍ਛੇਦੋ। ਰੂਪਕ੍ਖਨ੍ਧੋ ਹਿ ਸਬ੍ਬਤ੍ਥ ਕਾਮਾવਚਰੋਯੇવ। ਚਤ੍ਤਾਰੋ ਖਨ੍ਧਾ ਚਤੁਭੂਮਕਾ ਲੋਕਿਯਲੋਕੁਤ੍ਤਰਮਿਸ੍ਸਕਾ ਕਥਿਤਾਤਿ।
Iti bhagavā imaṃ khandhavibhaṅgaṃ suttantabhājanīyādivasena tayo parivaṭṭe nīharitvā bhājento dassesi. Tīsupi hi parivaṭṭesu ekova paricchedo. Rūpakkhandho hi sabbattha kāmāvacaroyeva. Cattāro khandhā catubhūmakā lokiyalokuttaramissakā kathitāti.
ਸਮ੍ਮੋਹવਿਨੋਦਨਿਯਾ વਿਭਙ੍ਗਟ੍ਠਕਥਾਯ
Sammohavinodaniyā vibhaṅgaṭṭhakathāya
ਖਨ੍ਧવਿਭਙ੍ਗવਣ੍ਣਨਾ ਨਿਟ੍ਠਿਤਾ।
Khandhavibhaṅgavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / વਿਭਙ੍ਗਪਾਲ਼ਿ • Vibhaṅgapāḷi / ੧. ਖਨ੍ਧવਿਭਙ੍ਗੋ • 1. Khandhavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਮੂਲਟੀਕਾ • Vibhaṅga-mūlaṭīkā / ੧. ਖਨ੍ਧવਿਭਙ੍ਗੋ • 1. Khandhavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਅਨੁਟੀਕਾ • Vibhaṅga-anuṭīkā / ੧. ਖਨ੍ਧવਿਭਙ੍ਗੋ • 1. Khandhavibhaṅgo
