| Library / Tipiṭaka / ਤਿਪਿਟਕ • Tipiṭaka / ਸਮ੍ਮੋਹવਿਨੋਦਨੀ-ਅਟ੍ਠਕਥਾ • Sammohavinodanī-aṭṭhakathā |
੨. ਪਞ੍ਹਾਪੁਚ੍ਛਕવਣ੍ਣਨਾ
2. Pañhāpucchakavaṇṇanā
੨੨੧. ਪਞ੍ਹਾਪੁਚ੍ਛਕੇ ਸਬ੍ਬੇਸਮ੍ਪਿ ਇਨ੍ਦ੍ਰਿਯਾਨਂ ਕੁਸਲਾਦਿવਿਭਾਗੋ ਪਾਲ਼ਿਨਯਾਨੁਸਾਰੇਨੇવ વੇਦਿਤਬ੍ਬੋ।
221. Pañhāpucchake sabbesampi indriyānaṃ kusalādivibhāgo pāḷinayānusāreneva veditabbo.
੨੨੩. ਆਰਮ੍ਮਣਤ੍ਤਿਕੇਸੁ ਪਨ ਸਤ੍ਤਿਨ੍ਦ੍ਰਿਯਾ ਅਨਾਰਮ੍ਮਣਾਤਿ ਚਕ੍ਖੁਸੋਤਘਾਨਜਿવ੍ਹਾਕਾਯਇਤ੍ਥਿਪੁਰਿਸਿਨ੍ਦ੍ਰਿਯਾਨਿ ਸਨ੍ਧਾਯ વੁਤ੍ਤਂ। ਜੀવਿਤਿਨ੍ਦ੍ਰਿਯਂ ਪਨ ਅਰੂਪਮਿਸ੍ਸਕਤ੍ਤਾ ਇਧ ਅਨਾਭਟ੍ਠਂ। ਦ੍વਿਨ੍ਦ੍ਰਿਯਾਤਿ ਦ੍વੇ ਇਨ੍ਦ੍ਰਿਯਾ; ਸੁਖਦੁਕ੍ਖਦ੍વਯਂ ਸਨ੍ਧਾਯੇਤਂ વੁਤ੍ਤਂ। ਤਞ੍ਹਿ ਏਕਨ੍ਤਪਰਿਤ੍ਤਾਰਮ੍ਮਣਂ। ਦੋਮਨਸ੍ਸਿਨ੍ਦ੍ਰਿਯਂ ਸਿਯਾ ਪਰਿਤ੍ਤਾਰਮ੍ਮਣਂ, ਸਿਯਾ ਮਹਗ੍ਗਤਾਰਮ੍ਮਣਨ੍ਤਿ ਕਾਮਾવਚਰਧਮ੍ਮੇ ਆਰਬ੍ਭ ਪવਤ੍ਤਿਕਾਲੇ ਪਰਿਤ੍ਤਾਰਮ੍ਮਣਂ ਹੋਤਿ , ਰੂਪਾવਚਰਾਰੂਪਾવਚਰੇ ਪਨ ਆਰਬ੍ਭ ਪવਤ੍ਤਿਕਾਲੇ ਮਹਗ੍ਗਤਾਰਮ੍ਮਣਂ, ਪਣ੍ਣਤ੍ਤਿਂ ਆਰਬ੍ਭ ਪવਤ੍ਤਿਕਾਲੇ ਨવਤ੍ਤਬ੍ਬਾਰਮ੍ਮਣਂ। ਨવਿਨ੍ਦ੍ਰਿਯਾ ਸਿਯਾ ਪਰਿਤ੍ਤਾਰਮ੍ਮਣਾਤਿ ਮਨਿਨ੍ਦ੍ਰਿਯਜੀવਿਤਿਨ੍ਦ੍ਰਿਯਸੋਮਨਸ੍ਸਿਨ੍ਦ੍ਰਿਯਉਪੇਕ੍ਖਿਨ੍ਦ੍ਰਿਯਾਨਿ ਚੇવ ਸਦ੍ਧਾਦਿਪਞ੍ਚਕਞ੍ਚ ਸਨ੍ਧਾਯ ਇਦਂ વੁਤ੍ਤਂ। ਜੀવਿਤਿਨ੍ਦ੍ਰਿਯਞ੍ਹਿ ਰੂਪਮਿਸ੍ਸਕਤ੍ਤਾ ਅਨਾਰਮ੍ਮਣੇਸੁ ਰੂਪਧਮ੍ਮੇਸੁ ਸਙ੍ਗਹਿਤਮ੍ਪਿ ਅਰੂਪਕੋਟ੍ਠਾਸੇਨ ਸਿਯਾਪਕ੍ਖੇ ਸਙ੍ਗਹਿਤਂ।
223. Ārammaṇattikesu pana sattindriyā anārammaṇāti cakkhusotaghānajivhākāyaitthipurisindriyāni sandhāya vuttaṃ. Jīvitindriyaṃ pana arūpamissakattā idha anābhaṭṭhaṃ. Dvindriyāti dve indriyā; sukhadukkhadvayaṃ sandhāyetaṃ vuttaṃ. Tañhi ekantaparittārammaṇaṃ. Domanassindriyaṃ siyā parittārammaṇaṃ, siyā mahaggatārammaṇanti kāmāvacaradhamme ārabbha pavattikāle parittārammaṇaṃ hoti , rūpāvacarārūpāvacare pana ārabbha pavattikāle mahaggatārammaṇaṃ, paṇṇattiṃ ārabbha pavattikāle navattabbārammaṇaṃ. Navindriyā siyā parittārammaṇāti manindriyajīvitindriyasomanassindriyaupekkhindriyāni ceva saddhādipañcakañca sandhāya idaṃ vuttaṃ. Jīvitindriyañhi rūpamissakattā anārammaṇesu rūpadhammesu saṅgahitampi arūpakoṭṭhāsena siyāpakkhe saṅgahitaṃ.
ਚਤ੍ਤਾਰਿ ਇਨ੍ਦ੍ਰਿਯਾਨੀਤਿ ਸੁਖਦੁਕ੍ਖਦੋਮਨਸ੍ਸਅਞ੍ਞਾਤਾવਿਨ੍ਦ੍ਰਿਯਾਨਿ। ਤਾਨਿ ਹਿ ਮਗ੍ਗਾਰਮ੍ਮਣਤ੍ਤਿਕੇ ਨ ਭਜਨ੍ਤਿ। ਮਗ੍ਗਹੇਤੁਕਨ੍ਤਿ ਸਹਜਾਤਹੇਤੁਂ ਸਨ੍ਧਾਯ વੁਤ੍ਤਂ। વੀਰਿਯવੀਮਂਸਾਜੇਟ੍ਠਕਕਾਲੇ ਸਿਯਾ ਮਗ੍ਗਾਧਿਪਤਿ, ਛਨ੍ਦਚਿਤ੍ਤਜੇਟ੍ਠਕਕਾਲੇ ਸਿਯਾ ਨવਤ੍ਤਬ੍ਬਾ।
Cattāri indriyānīti sukhadukkhadomanassaaññātāvindriyāni. Tāni hi maggārammaṇattike na bhajanti. Maggahetukanti sahajātahetuṃ sandhāya vuttaṃ. Vīriyavīmaṃsājeṭṭhakakāle siyā maggādhipati, chandacittajeṭṭhakakāle siyā navattabbā.
ਦਸਿਨ੍ਦ੍ਰਿਯਾ ਸਿਯਾ ਉਪ੍ਪਨ੍ਨਾ, ਸਿਯਾ ਉਪ੍ਪਾਦਿਨੋਤਿ ਸਤ੍ਤ ਰੂਪਿਨ੍ਦ੍ਰਿਯਾਨਿ ਤੀਣਿ ਚ વਿਪਾਕਿਨ੍ਦ੍ਰਿਯਾਨਿ ਸਨ੍ਧਾਯੇਤਂ વੁਤ੍ਤਂ। ਦਸਿਨ੍ਦ੍ਰਿਯਾਨਿ ਦੋਮਨਸ੍ਸੇਨ ਸਦ੍ਧਿਂ ਹੇਟ੍ਠਾ વੁਤ੍ਤਾਨੇવ। ਤਤ੍ਥ ਦੋਮਨਸ੍ਸਿਨ੍ਦ੍ਰਿਯਂ ਪਣ੍ਣਤ੍ਤਿਂ ਆਰਬ੍ਭ ਪવਤ੍ਤਿਕਾਲੇ ਨવਤ੍ਤਬ੍ਬਾਰਮ੍ਮਣਂ, ਸੇਸਾਨਿ ਨਿਬ੍ਬਾਨਪਚ੍ਚવੇਕ੍ਖਣਕਾਲੇਪਿ। ਤੀਣਿਨ੍ਦ੍ਰਿਯਾਨਿ ਬਹਿਦ੍ਧਾਰਮ੍ਮਣਾਨੀਤਿ ਤੀਣਿ ਲੋਕੁਤ੍ਤਰਿਨ੍ਦ੍ਰਿਯਾਨਿ। ਚਤ੍ਤਾਰੀਤਿ ਸੁਖਦੁਕ੍ਖਸੋਮਨਸ੍ਸਦੋਮਨਸ੍ਸਾਨਿ। ਤਾਨਿ ਹਿ ਅਜ੍ਝਤ੍ਤਧਮ੍ਮੇਪਿ ਬਹਿਦ੍ਧਾਧਮ੍ਮੇਪਿ ਆਰਬ੍ਭ ਪવਤ੍ਤਨ੍ਤਿ। ਅਟ੍ਠਿਨ੍ਦ੍ਰਿਯਾਤਿ ਮਨਿਨ੍ਦ੍ਰਿਯਜੀવਿਤਿਨ੍ਦ੍ਰਿਯਉਪੇਕ੍ਖਿਨ੍ਦ੍ਰਿਯਾਨਿ ਚੇવ ਸਦ੍ਧਾਦਿਪਞ੍ਚਕਞ੍ਚ। ਤਤ੍ਥ ਆਕਿਞ੍ਚਞ੍ਞਾਯਤਨਕਾਲੇ ਨવਤ੍ਤਬ੍ਬਾਰਮ੍ਮਣਤਾ વੇਦਿਤਬ੍ਬਾ।
Dasindriyāsiyā uppannā, siyā uppādinoti satta rūpindriyāni tīṇi ca vipākindriyāni sandhāyetaṃ vuttaṃ. Dasindriyāni domanassena saddhiṃ heṭṭhā vuttāneva. Tattha domanassindriyaṃ paṇṇattiṃ ārabbha pavattikāle navattabbārammaṇaṃ, sesāni nibbānapaccavekkhaṇakālepi. Tīṇindriyāni bahiddhārammaṇānīti tīṇi lokuttarindriyāni. Cattārīti sukhadukkhasomanassadomanassāni. Tāni hi ajjhattadhammepi bahiddhādhammepi ārabbha pavattanti. Aṭṭhindriyāti manindriyajīvitindriyaupekkhindriyāni ceva saddhādipañcakañca. Tattha ākiñcaññāyatanakāle navattabbārammaṇatā veditabbā.
ਇਤਿ ਇਮਸ੍ਮਿਮ੍ਪਿ ਪਞ੍ਹਾਪੁਚ੍ਛਕੇ ਦਸਿਨ੍ਦ੍ਰਿਯਾਨਿ ਕਾਮਾવਚਰਾਨਿ, ਤੀਣਿ ਲੋਕੁਤ੍ਤਰਾਨਿ, ਨવ ਲੋਕਿਯਲੋਕੁਤ੍ਤਰਮਿਸ੍ਸਕਾਨੇવ ਕਥਿਤਾਨੀਤਿ। ਅਯਮ੍ਪਿ ਅਭਿਧਮ੍ਮਭਾਜਨੀਯੇਨ ਸਦ੍ਧਿਂ ਏਕਪਰਿਚ੍ਛੇਦੋવ ਹੋਤਿ। ਅਯਂ ਪਨ ਇਨ੍ਦ੍ਰਿਯવਿਭਙ੍ਗੋ ਦ੍વੇਪਰਿવਟ੍ਟਂ ਨੀਹਰਿਤ੍વਾ ਭਾਜੇਤ੍વਾ ਦਸ੍ਸਿਤੋਤਿ।
Iti imasmimpi pañhāpucchake dasindriyāni kāmāvacarāni, tīṇi lokuttarāni, nava lokiyalokuttaramissakāneva kathitānīti. Ayampi abhidhammabhājanīyena saddhiṃ ekaparicchedova hoti. Ayaṃ pana indriyavibhaṅgo dveparivaṭṭaṃ nīharitvā bhājetvā dassitoti.
ਸਮ੍ਮੋਹવਿਨੋਦਨਿਯਾ વਿਭਙ੍ਗਟ੍ਠਕਥਾਯ
Sammohavinodaniyā vibhaṅgaṭṭhakathāya
ਇਨ੍ਦ੍ਰਿਯવਿਭਙ੍ਗવਣ੍ਣਨਾ ਨਿਟ੍ਠਿਤਾ।
Indriyavibhaṅgavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / વਿਭਙ੍ਗਪਾਲ਼ਿ • Vibhaṅgapāḷi / ੫. ਇਨ੍ਦ੍ਰਿਯવਿਭਙ੍ਗੋ • 5. Indriyavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਮੂਲਟੀਕਾ • Vibhaṅga-mūlaṭīkā / ੫. ਇਨ੍ਦ੍ਰਿਯવਿਭਙ੍ਗੋ • 5. Indriyavibhaṅgo
