| Library / Tipiṭaka / തിപിടക • Tipiṭaka / സമ്മോഹവിനോദനീ-അട്ഠകഥാ • Sammohavinodanī-aṭṭhakathā |
൩. പഞ്ഹാപുച്ഛകവണ്ണനാ
3. Pañhāpucchakavaṇṇanā
൭൧൪. പഞ്ഹാപുച്ഛകേ പാളിഅനുസാരേനേവ സിക്ഖാപദാനം കുസലാദിഭാവോ വേദിതബ്ബോ. ആരമ്മണത്തികേസു പന യാനി സിക്ഖാപദാനി ഏത്ഥ സത്താരമ്മണാനീതി വുത്താനി, താനി യസ്മാ സത്തോതി സങ്ഖം ഗതേ സങ്ഖാരേയേവ ആരമ്മണം കരോന്തി, യസ്മാ ച സബ്ബാനിപി ഏതാനി സമ്പത്തവിരതിവസേനേവ നിദ്ദിട്ഠാനി, തസ്മാ ‘‘പരിത്താരമ്മണാ’’തി ച ‘‘പച്ചുപ്പന്നാരമ്മണാ’’തി ച വുത്തം. യതോ പന വിരമതി തസ്സ വത്ഥുനോ അച്ചന്തബഹിദ്ധത്താ സബ്ബേസമ്പി ബഹിദ്ധാരമ്മണതാ വേദിതബ്ബാതി.
714. Pañhāpucchake pāḷianusāreneva sikkhāpadānaṃ kusalādibhāvo veditabbo. Ārammaṇattikesu pana yāni sikkhāpadāni ettha sattārammaṇānīti vuttāni, tāni yasmā sattoti saṅkhaṃ gate saṅkhāreyeva ārammaṇaṃ karonti, yasmā ca sabbānipi etāni sampattavirativaseneva niddiṭṭhāni, tasmā ‘‘parittārammaṇā’’ti ca ‘‘paccuppannārammaṇā’’ti ca vuttaṃ. Yato pana viramati tassa vatthuno accantabahiddhattā sabbesampi bahiddhārammaṇatā veditabbāti.
ഇമസ്മിം പന സിക്ഖാപദവിഭങ്ഗേ സമ്മാസമ്ബുദ്ധേന അഭിധമ്മഭാജനീയേപി പഞ്ഹാപുച്ഛകേപി ലോകിയാനേവ സിക്ഖാപദാനി കഥിതാനി. ഉഭോപി ഹി ഏതേ നയാ ലോകിയത്താ ഏകപരിച്ഛേദാ ഏവ. ഏവമയം സിക്ഖാപദവിഭങ്ഗോ ദ്വേപരിവട്ടം നീഹരിത്വാവ ഭാജേത്വാ ദസ്സിതോതി.
Imasmiṃ pana sikkhāpadavibhaṅge sammāsambuddhena abhidhammabhājanīyepi pañhāpucchakepi lokiyāneva sikkhāpadāni kathitāni. Ubhopi hi ete nayā lokiyattā ekaparicchedā eva. Evamayaṃ sikkhāpadavibhaṅgo dveparivaṭṭaṃ nīharitvāva bhājetvā dassitoti.
സമ്മോഹവിനോദനിയാ വിഭങ്ഗട്ഠകഥായ
Sammohavinodaniyā vibhaṅgaṭṭhakathāya
സിക്ഖാപദവിഭങ്ഗവണ്ണനാ നിട്ഠിതാ.
Sikkhāpadavibhaṅgavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / വിഭങ്ഗപാളി • Vibhaṅgapāḷi / ൧൪. സിക്ഖാപദവിഭങ്ഗോ • 14. Sikkhāpadavibhaṅgo
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / വിഭങ്ഗ-മൂലടീകാ • Vibhaṅga-mūlaṭīkā / ൧൪. സിക്ഖാപദവിഭങ്ഗോ • 14. Sikkhāpadavibhaṅgo
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / വിഭങ്ഗ-അനുടീകാ • Vibhaṅga-anuṭīkā / ൧൪. സിക്ഖാപദവിഭങ്ഗോ • 14. Sikkhāpadavibhaṅgo
